VOV4.Bahnar - Pơm kiơ\ tơdrong jang "Bơbu\ng hnam ko\ng đoan" dôm jăl ko\ng đoan dêh char Dak Lak hlôi đei lơ tơdrong jang tơgu\m ăn bơngai jang. Hăm tơdrong vang glơng đơ\ng rim 'nu đoan viên ko\ng đoan păng tơdrong tơgu\m đơ\ng rim anih jang 'mêm bơnat, kơ hre\ng unh hnam tơnap tap găh hnam oei hlôi đei hơmet ming, man 'nao vă đei hnam tơno\. Mă kăl, lơ\m 'măng hơmet xơng têt nguyên đán xơnăm âu kiơ\ dôm tơdrong jang “Bơbu\ng hnam ko\ng đoan”, lơ đoan viên ko\ng đoan tơ\ Đak Lak tơnap găh hnam oei hlôi đei hnam 'nao vă xơng Têt  Mậu Tuất .

Blu\ng khei 1 xơnăm âu, [ok Y Sen BKrông, jang vei hơlen hnam trưng jăl kơđeh Y Wang, xăh Hòa Khánh, plei tơm Buôn Ma Thuột, dêh char Đak Lak chơt hơ iă [ơ\t tôm unh hnam đei io\k hnam 'nao tơno\ 'lơ\ng. 'Nâu jing hnam lơ\m tơdrong jang "Bơbu\ng hnam ko\ng đoan" đei Anih axong pơm jang plei tơm Buôn Ma Thuột păng ko\ng đoan tơ\ hnam trưng jăl kơđeh Y Wang tơgu\m man hăm kơxo# jên je# 60 triu hlak jên. {ok Y Sen ăn tơbăt, đơ\ng ro\ng kơ hơkăn [ok lôch hơchăng ăh xơnăm 2012, [ok minh adro# rong 'me 6 'nu kon oei ăh xơnăm xo\ng xa ho\k pơhrăm. Ưh đei teh jang, jên io\k yua kơ unh hnam gơnơm adro# lơ\m tơdrong mă [ok jang vei hơlen hnam trưng. Yuơ noh, lơ xơnăm kơ âu, mă hnam hlôi xo hyah hyok, unh hnam [ok duh ưh ke\ đei jên chă ming hơmet. Hăm tơdrong tơgu\m đơ\ng ko\ng đoan, [ă kon [ok hlôi đei hnam 'nao tơno\ vă xơng têt: “Unh hnam inh xo# hơ\k [ơ\t đei hnam 'nao, adrol ki hin dơnuh noh ưh đei jên vă bơ\ hnam, xơnăm âu ko\ng đoan hnam trưng atu\m hăm anih axong pơm jang plei tơm hlôi tơgu\m man ăn inh minh pôm hnam noh inh tôch xo# hơ\k. Inh duh hmach bơnê kơ anih axong pơm jang păng ko\ng đoan hnam trưng".

Atu\m hăm tơdrong chơt hơ iă đei hnam 'nao adrol kơ têt nguyên đán Mậu Tuất âu, unh hnam [ok Trương Văn Trường, jang lơ\m anih jang găh gre chơ tơmoi Đak Lak chơt hơ iă ăn tơbăt, đơ\ng ro\ng lơ xơnăm oei lơ\m hnam hyak hyok xo xe\ch, xơnăm âu, gơnơm đei tơdrong tơgu\m đơ\ng anih axong pơm jang plei tơm Buôn Ma Thuột păng ko\ng đoan kơ anih jang, kiơ\ tơdrong jang "Bơbu\ng hnam ko\ng đoan", hơpơi đei minh pôm hnam 'nao kơjăp hlôi đei jing tơpă: “Adrol ki unh hnam inh tơnap tap, gơnơm đei tơdrong tơgu\m đơ\ng dôm anih axong pơm jang, inh ke\ đei hnam tơno\, 'năr Têt unh hnam kon hơkăn đei anih ako\m tơno\ xa Têt xo# xôn".

{ok Nguyễn Văn Tuấn, Pho\ kơdră anih axong pơm jang plei tơm Buôn Ma Thuột ăn tơbăt, khei năr âu ki, tơdrong jang "Bơbu\ng hnam ko\ng đoan" yuơ Anih tơm axong pơm jang Việt Nam tơle\ch jang lang xă, đei lơ đoan viên, bơngai jang păng rim anih jang mu\k drăm drơ\ng nơ\r jang kiơ\. Đơ\ng xơnăm 2012 truh dang ei Anih axong pơm jang plei tơm Buôn Ma Thuột hlôi tơgu\m man 'nao păng hơmet 23 to\ hnam hăm kơxo# jên 670 triu hlak jên. Lơ\m xơnăm âu ki hlôi tơgu\m đei 4 to\ hnam "Bơbu\ng hnam ko\ng đoan" axong ăn đoan viên tơnap tap. Rim to\ hnam man 'nao đei tơgu\m đơ\ng 40 truh 50 triu hlak jên, hơmet ming đei tơgu\m 20 triu hlak jên:“Nhôn tơle\ch jang hăm dôm anih jang ko\ng đoan tơ\ tơring ako\m hơnăn đoan viên vă pơtruh ăn anih axong pơm jang plei tơm, nhôn xek hơlen tơgu\m ăn đoan viên vă rim đoan viên xơng Têt lơ\m jơ 'năr tơno\ hơ iă păng ưh đei le# đoan viên yơ tơnap tap ưh đei Têt tơno\ 'mêm kơ eng lơ\m xơnăm 2018 âu"

Atu\m hăm dôm tơdrong tơre\k tơgu\m ăn bơngai jang, khei năr âu ki, dôm jăl jang ko\ng đoan dêh char Đak Lak oei hăt hot jang kiơ\ tơdrong jang tơgu\m bơngai jang tơnap tap. Kiơ\ hơlen đơ\ng Anih axong pơm jang dêh char Đak Lak, đơ\ng xơnăm 2013 truh dang ei dôm jăl jang Ko\ng đoan lơ\m dêh char hlôi hơvơn tơgu\m jên mong "Bơbu\ng hnam ko\ng đoan" đei je# 20 tih hlak jên. Đơ\ng jên mong âu hlôi tơgu\m ming hơmet đei 595 to\ hnam oei ăn đoan viên, bơngai jang tơnap tap găh hnam oei. Lơ\m xơnăm âu ki hlôi tơgu\m đei 40 to\ hnam 'nao ăn đoan viên, bơngai jang. Kiơ\ đơ\ng noh, tơgop yak hadoi atu\m hăm bơngai jang yak hloh tơnap tap xơđơ\ng tơdrong erih.

Lan chih păng rapor