VOV4.Bahnar – Lơ\m dôm sơ năm ‘nâu, tơ drong tơ roi tơ băt, pơ tho tơ [ôh luât đei dôm an^h jang kơ pal, tơ ring tơ rang lơ\m apu\ng Krông {uk, dêh char Dak Lak pơ gơ\r hăm lơ trong jang, pơm tơ plih đon hlôh vao păng pơm kiơ\ luât đơ\ng kon pơ lei, tơ gop vei kơ jăp ‘lơ\ng tơ drong sơ đơ\ng tơ\ tơ ring.

Hăm tơ drong jang đơ\ng an^h jang kơ tă kơ Khul jang hơ doi chă tơ roi tơ băt, pơ tho tơ [ôh luât kơ apu\ng, An^h jang Tư phap tơ [ôh trong ăn Dơ no\ an^h vei lăng kon pơ lei apu\ng Krông {uk păng vang jang hăm dôm Khul gru\p tơ pôl tơ le\ch jang ‘lơ\ng dôm tơ drong pơ tho tơ [ôh luât hơ dai hăm tơ drong pơ tho pơ hrăm, hơ to\k đon rơ gei ăn khul jang pơ tho tơ [ôh luât tơ\ dôm tơ ring păng dôm khul sek tơ lang tơ\ tơ ring.

Bơ\ jang kiơ\ tơ drong tơ chơ\t kơ so# 12 đơ\ng Dơ no\ an^h vei lăng kon pơ lei dêh char Dak Lak hơ nơ\ng hơ to\k tơ drong tơ roi tơ băt, pơ tho tơ [ôh luât lơ\m chăl hrei ‘nâu, apu\ng Krông {uk hơ met kơ jăp khul jang pơ tho tơ [ôh luât. Dang ei, khul chă pơ tho tơ [ôh luât kơ apu\ng đei 26 ‘nu bơ ngai jang, lơ\m no\h đei 11 ‘nu bơ ngai tơ roi tơ băt luât tơ\ apu\ng; đ^ đăng xăh đei bơ ngai jang tơ roi tơ băt khôi luât ngăl. Rim sơ năm, apu\ng hơ nơ\ng tơ le\ch trong jang tơ roi tơ băt ăn rim an^h jang kơ pal, tơ ring tơ rang, kiơ\ đơ\ng no\h vă pơ gơ\r ăn khul gru\p jur pơ tho tơ [ôh luât.

Tơ drong tơ roi tơ băt ku\m đei pơih xă ăn lơ bơ ngai, lơ tơ ring hăm lơ trong pơ gơ\r ‘lơ\ng, đei yoa. Kiơ\ [ok Ngô Xuân Thiều, Kơ dră che\p kơ\l An^h jang Tư phap apu\ng Krông {uk, vă tơ drong pơ tho tơ [ôh luât gơ\h đei yoa ‘lơ\ng, An^h jang Tư phap apu\ng Krông {uk kơ chăng jang hơ doi hăm dôm an^h jang kơ pal, khul gru\p tơ pôl pơ gơ\r tơ roi tơ băt dôm hla ar [ơm truh tơ drong jang tơ\ an^h kơ dih.

Trong pơ tho tơ [ôh luât hơ nơ\ng đei tơ plih ‘nao, hơ to\k đon rơ gei nhen: pơ gơ\r dôm hop ako\m, pơ tâp pơ hrăm, chă đo\k hơ len năng luât, pơ gơ\r “Năr khôi luât”; pơ ma đam, pơ tho pơ hrăm luât, tơ roi tơ băt lơ\m radio tơ\ xăh... Kiơ\ đơ\ng dôm trong jang âu, lơ tơ drong jang, khôi luât te\h đak đei tơ roi tôm ăn kon pơ lei, tơ tom tơl tơ blang dôm tơ drong oei tơ hlăk tăk, pơm tơ to\ đon kon pơ lei.

Ku\m hăm tơ drong tơ roi tơ băt, pơ tho tơ [ôh luât, an^h jang Tư phap apu\ng oei jang hơ doi hăm dôm xăh hơ to\k tơ drong pơ gơ\r sek tơ lang tơ\ tơ ring. Lơ\m apu\ng pơ jing đei 106 gru\p sek tơ lang tơ\ 106 pơ lei, hăm 600 ‘nu bơ ngai chă sek tơ lang. Lơ\m sơ năm 2014, dôm gru\p sek tơ lang io\k sek 133 tơ drong, lơ\m no\h sek đei 101 tơ drong.

Tơ drong sek tơ lang ke\h vang tơ gop vei kơ jăp jơ hngâm đon ‘mêm băt băl lơ\m tơ pôl, tơ tom găn le# dôm tơ drong pơm glăi luât, vei kơ jăp tơ drong sơ đơ\ng tơ pôl, tơ jur [iơ\ tơ drong tơ kêng tơ hlâu ăn an^h kơ pal sek. Găh no\h dơ\ng, tơ drong jang pơ jing hơ tuh mong hla ar luât ku\m đei Dơ no\ an^h vei lăng kon pơ lei apu\ng jang ‘lơ\ng. Hrei ‘nâu, lơ\m apu\ng đei 10 hơ tuh mong hla ar luât, 1 hơ tuh đei dang 150 kơ sơ\p hla ar. Rim sơ năm, mưh đei luât ‘nao, apu\ng tơ tom tơ roi tơ băt, pơ truh dôm hla ar luât ăn hơ tuh mong vă pơm lăp hăm tơ drong chă đo\k hơ len luât đơ\ng kăn [o# păng kon pơ lei.

An^h jang Tư phap jang hơ doi hăm dôm khul gru\p tơ pôl nhen: An^h jang đoan apu\ng, An^h sek tơ lang kon pơ lei apu\ng, Khul dro\ kăn, Khul kon pơ lei jang chu\n mir… tơ le\ch lơ trong tơ roi tơ băt, pơ tho tơ [ôh luât ăn kon pơ lei. Lơ\m no\h mă kăl j^ khul linh ko\ng an đơ\ng apu\ng truh tơ\ xăh.

Lơ\m 5 sơ năm âu ki, Ko\ng an apu\ng Krông {uk vang pơ jing đei hlo\h 100 gru\p vei lăng sơ đơ\ng lơ\m kon pơ lei, 16 tơ ring sơ đơ\ng ‘lơ\ng, ưh đei tơ drong glăi; pơ gơ\r krao hơ vơn kon pơ lei vang bơ\ jang, hăm vă je# 7.000 ‘nu bơ ngai vang jang; tơ roi tơ băt găh Luât vei sơ đơ\ng tơ\ trong nơ năm ăn hlo\h 12.000 ‘nu thây kô, ho\k tro păng kon pơ lei… Kiơ\ đơ\ng dôm ‘măng tơ roi tơ băt, krao hơ vơn kon pơ lei, Ko\ng an apu\ng Krông {uk rôp đei 11 ‘nu bơ ngai tơ jră te\h đak; hơ nhăk 12 ‘nu bơ ngai pơm glăi luât, dơ\ng tơ bral tơ\ hơ năp kon pơ lei…

Tơ che\ng găh tơ drong đei yoa đơ\ng tơ roi tơ băt, pơ tho tơ [ôh luât lơ\m apu\ng Krông {uk khei ‘năr âu ki, [ok Lê Ngọc Hà, Pho\ Kơ dră vei lăng kon pơ lei apu\ng, pơm hloi Kơ dră che\p kơ\l Khul jang hơ doi vang tơ roi tơ băt, pơ tho tơ [ôh luât apu\ng Krông {uk akhan: Hăm dôm tơ drong jang rơ đăh ‘lơ\ng, tơ drong tơ roi tơ băt, pơ tho tơ [ôh luât hlôi pơm hơ to\k đei đon hlôh vao, jang kiơ\ luât đơ\ng kăn [o#, đang viên păng kon pơ lei lơ\m apu\ng. ‘Nâu j^ m^nh lơ\m dôm tơ drong g^t kăl tơ gop ăn tơ drong jang ato\k tơ iung mu\k drăm tơ pôl, vei sơ đơ\ng chinh tr^ păng sơ đơ\ng lơ\m tơ pôl tơ\ tơ ring.

Kiơ\ {ăo Dak Lak Online

Dơ\ng: Tơ blơ\