VOV4.Bahnar - Dôm xơnăm kơ âu, Đoàn hơdruh tơdăm Cộng sản Hồ Chí Minh dêh char Đak Lak hlôi hơvơn đei jơnei jên jang tơgu\m hơdruh tơdăm pơm jang. Lơ trong jang tơnăp, lơ tơdrong jang rơgei hlôi đei pơih xă, tơgu\m hơdruh tơdăm đei dơ\ng tơdrong jang, hơto\k io\k yua.

Teh hrăt hrot, ưh gơh pơtăm hơdre\ch ‘long dơnơm kơ tơring nhen cà phê, tiu, Vũ Việt Dũng oei tơ\ thôn 7, xăh Ea Kpam, apu\ng Chư\ M’gar, dêh char Đak Lak rơih trong jang pơtăm pơmâu.

Hăm 1000m2, Dũng pơtăm tôm hơdre\ch pơmâu mă lơ noh pơmâu linh chi,  bào ngư păng pơmâu d^ng d^r. Dũng ăn tơbăt, xơnăm 2016 xư iung jang hăm tơdrong pơtăm pơmâu bào ngư, yuơ jên jang ưh đei lơ noh xư pơtăm hơlen lăng mă blu\ng 1.000 kơdu\ng pơmâu, lơ\m 4 khei, đei yua hloh 200 k^, hăm kơjă te\ch 50.000 hlak jên minh k^, đơ\ng ro\ng jo# hơlen jên huach noh đei cheh truh 6 triu hlak jên.

Mă ưh đei cheh lơ mă lei axong ăn kơ Dũng jơhngơ\m pran vă pơtăm pơmâu. Xơnăm 2017, đei to\k io\k 100 triu hlak jên đơ\ng jên iung pơm jang đơ\ng Đoàn hơdruh tơdăm, xư hlôi man anih uh, hnam ‘măn tơmam drăm kih thuơ\t pơm jang. Truh dang ei, pơgar pơtăm pơmâu Dũng hlôi to\k giơ\ng truh 10.000 kơdu\ng hăm lơ hơdre\ch pơmâu, axong tơdrong jang hơnơ\ng ăn 6 ‘nu jang tơ\ tơring hăm jên khei đơ\ng 7 - 9 triu minh khei: “Kơxo# jên 100 triu hlak jên to\k io\k đơ\ng Đoàn hơdruh tơdăm vă axong bơ\ anih uh xơ\k pơmâu vă pơih xă pơm jang, dang ei hăm 10.000 kơdu\ng pơmâu rim pơyan pơmâu lơ\m 4 - 5 khei noh inh đei yua pơhlom 60 truh 70 triu hlak jên”.

Duh rơih choh jang xa jang hơyak vă hơto\k mu\k drăm, Y’Linh Niê, rơneh xơnăm 1988, bơngai Êđê tơ\ thôn 4, th^ tra#n Ea Pôk, apu\ng Chư\ M’gar, dêh char Đak Lak hlôi iung pơm jang hăm tơdrong pơtăm pơkao ku\k, pơyua hloh 100 triu hlak jên minh xơnăm.

Y’Linh ăn tơbăt, ăh xơnăm 2014, [ơ\t oei pơxuơ\k pơxuơ\l chơ chă jên jang vă pơtăm pơkao ku\k noh xư đei axong to\k io\k 20 triu hlak jên đơ\ng jên iung pơm jang kơ  đoàn hơdruh tơdăm, đei jên jang, Y’Linh năm truh dêh char Lâm Đồng ho\k hơlen kih thuơ\t pơtăm pơkao ku\k păng pơjing keh kong um ru\p pơtăm pơkao ku\k tơ\ tơring. Trong jang mu\k drăm đơ\ng ‘nho\ng dang ei ưh adro# pơyua xơđơ\ng mă oei đei lơ boăl mơlôh tơchă truh ho\k hơlen: “Đơ\ng tơre\k hăm jên tơgu\m hơdruh tơdăm pơm jang yuơ Jơnu\m jang găh hơdruh tơdăm dêh char Đak Lak tơgu\m, inh năm truh pơgar jang tơ\  Đà Lạt vă ho\k hơlen kih thuơ\t pơtăm pơkao ku\k păng đơ\ng ro\ng kơ noh vih chă pơjing pơgar pơtăm pơkao ku\k, hlôh vao găh khoa ho\k kih thuơ\t noh pơgar pơkao ưh gan đei hơdrông, hơto\k io\k yua tơgu\m xơđơ\ng mu\k drăm ăn unh hnam”

‘Nho\ng Dũng, ‘nho\ng Y Linh adro# 2 lơ\m kơxo# kơ rơbâu hơdruh tơdăm kơ dêh char Đak Lak to\k bo\k oei adrin rim kơ năr vă pơm pơdro\ng tơ\ kơdih hơgăt teh pơlei pơla po.   

‘Nho\ng Y’Nhuân Byă, Bí thư Đoàn hơdruh tơdăm Cộng sản Hồ Chí Minh dêh char Đak Lak ăn tơbăt, yak hadoi hăm hơdruh tơdăm iung jang, Anih jang Đoàn dêh char Đak Lak hlôi tơroh hăm dôm anih jang mu\k drăm, anih jang tơgu\m jên, axong jên pơm jang ăn đoàn viên hơdruh tơdăm hơto\k mu\k drăm. Truh dang ei, dôm jăl jang Đoàn oei vei hơlen hre to\k io\k đơ\ng Anih mong jên tơgu\m tơpôl hloh 630 tih hlak jên, axong Jên mong xek axong tơdrong jang noh Trung ương Đoàn ăn 6 anih jang hăm kơxo# jên 1 tih 200 triu hlak jên. Đơ\ng jên jang âu hlôi tơgop tơgu\m hơdruh tơdăm pơjing lơ trong jang mu\k drăm păng rong kon tơrong hlôi đei jơnei keh kong, pơyua lơ găh mu\k drăm: “Dang ei, tơdrong gơh rơgei iung jang đơ\ng hơdruh tơdăm noh tơnăp, anih jang đoàn dêh char gô xơkơ\t găh tơdrong tơgu\m jên jang, hơdruh tơdăm gô jang rơgei păng tơle\ch tơdrong jang ăn kơdih po, tơpă hlôi đei lơ hơdruh tơdăm iung jang đei jơnei păng tơgop ăn tơdrong hơto\k tơ iung atu\m kơ tơpôl”

Đoàn viên hơdruh tơdăm iung jang đei jơnei ưh adro# tơgop lơ\m tơdrong hơto\k mu\k drăm kơ tơring, mă oei lang xă, dru\t kơtang tơdrong rơgei iung pơm jang lơ\m ja#p dêh char. Khul hơdruh tơdăm đei jơnei lơ\m jang mu\k drăm oei hăt hot tơroi găh tơdrong hlôh vao po, tơgu\m jên ăn dôm đoàn viên nai atu\m iung jang vă pơjing pơlei pơla Đak Lak roi năr roi pơdro\ng ‘lơ\ng ro\.

Lan chih păng rapor