VOV4.Bahnar - Che\p kơ jăp jơ hngâm đon “{ô đo#i {ok Hô”, dôm sơ năm âu ki, kăn [o#, linh đơ\ng An^h che\p kơ\l pơ gơ\r khul linh apu\ng Tuy Đức (dêh char Dak Nông) vang ako\m jơ hngâm ku\m hăm tơ ring tơ gu\m ăn kon pơ lei jang ato\k mu\k drăm, to\k klăih đơ\ng tơ nuh hin. Dôm tơ drong jang tôch rơ đăh nhen “Sut le# 1 u\nh hnam pơ ngot, tơ jur đei 1 u\nh hnam tơ nuh” “Khul linh vang pơ jing tơ ring tơ rang ‘nao” hlôi tơ gop pơm ăn um rup linh {ô đo#i {ok Hô lơ\m chăl rơ ngei hăm kon pơ lei roi ‘lơ\ng hơ iă hlo\h dơ\ng.

Unh hnam [ok Tạ Văn Loan, tơ\ thôn 4, xăh Dak R’tíh, apu\ng Tuy Đức, dêh char Dak Nông arih xa tôch mơ mat tat. Rim năr [ok athei năm jang ăn kơ đe vă rong ‘me hnam tơ no\, hơ kăn j^ jăn păn hnong 1 [ôt, ưh gơ\h jang kiơ, kon hơ ‘lơ\p ‘no\h ưh đei tơ drong jang sơ đơ\ng, kơ na tơ drong arih tơ [âp lơ mơ mat tat.

Băt tơ drong arih xa hnam [ok Loan tôch mơ mat, An^h che\p kơ\l pơ gơ\r khul linh apu\ng Tuy Đức tơ le\ch jên đơ\ng An^h mong jên hơ to\k tơ drong cho\h jang xa păng “Bo#i phe yoa bơ ngai tơ nuh” răt 1 pôm rơ mo yo\ng ăn hnam [ok Loan rong. Khul linh oei ăn kăn [o# hơ nơ\ng jur tơ\ hnam vă pơ tho pơm hơ drong păng vei rong rơ mo… Truh dang ei, rơ mo yo\ng bek ‘lơ\ng, oei kieu. Khul linh hơ nơ\ng tơ gu\m dơ\ng vă u\nh hnam [ok jăh klăih đơ\ng tơ nuh.

{ok Tạ Văn Loan tơ roi: “Inh bơ nê kơ khul kơ dră tơ ring, đảng păng te\h đak tơ gu\m ăn hnam nhôn rơ mo. Inh mât oei tơ\ âu đơ\ng sơ\ bơih mă lei u\nh hnam nhôn oei tôch mơ mat, kăn inh pơ\k jo m^nh păh kơ na tôch mơ mat, mir pơ gar lăp to\ se\t đe\ch, kon hơ ‘lơ\p ưh đei tơ drong jang sơ đơ\ng. Gơ nơm khul kơ dră tơ ring păng An^h khul linh apu\ng tơ gu\m ăn kơ na inh tôch bơ nê”

Oei hăm ‘nho\ng Điểu Dũng tơ\ plei Bu Dâng, xăh Dak R’tíh, đơ\ng ro\ng kơ bro\k đơ\ng pơm linh ưh pu\n ‘nho\ng pơ\k rơ ka, jing jo jăn ưh kơ gơ\h cho\h jang kơ na erih xa tôch mơ mat. An^h che\p kơ\l pơ gơ\r khul linh apu\ng Tuy Đức vang tơ gop, tơ gu\m ăn u\nh hnam ‘nho\ng 50 triu hlak jên vă man hnam kơ jăp ‘lơ\ng. Đơ\ng năr đei hnam, ưh pă pơ ngơ\t truh an^h oei kơ na ‘nho\ng Điểu Dũng đei dơ\ng jơ năr vă jang xa.

An^h che\p kơ\l pơ gơ\r khul linh apu\ng Tuy Đức năm ngôi tơ\ hnam ‘nho\ng Điểu Dũng

‘Ngoăih kơ tơ gu\m ki thuơ\t, hơ dre\ch ‘long đơ\ng An^h che\p kơ\l pơ gơ\r khul linh apu\ng Tuy Đức, ku\m hăm đon pơ nam, adrin jang, hrei ‘nâu u\nh hnam ‘nho\ng Điểu Dũng pơ tăm đei 3 ha che\h phe jing ‘lơ\ng to\k bo\k lơ\m khei ‘năr đei plei, hơ nhăk ăn io\k yoa sơ đơ\ng:

 “Đei ‘nho\ng o\h lơ\m khul linh tơ gu\m ăn kơ ba kơ na gơ\h đei  hnam oei kơ jăp ‘lơ\ng, inh tôch bơ nê. Đơ\ng năr chă man hnam ‘nâu mih ma duch nă ku\m hue lăng truh tơ\ ba, jang xa roi pôm păi [iơ\, nhen hrei ‘nâu ku\m đei bơ ngai ho\k kiơ\ trong ba jang.”

Lơ\m 5 sơ năm âu ki, An^h che\p kơ\l pơ gơ\r khul linh apu\ng Tuy Đức hlôi man tơ gu\m đei 8 to\ hnam păng hơ păh 8 to\ rơ mo ăn dôm u\nh hnam đei ko\ng, u\nh hnam arih xa mơ mat tat. Atu\m hăm ‘no\h bơ\ jang hlo\h 1000 năr tơ gu\m ăn kon pơ lei pơm trong, man hnam, yoă [a, phe\ che\h phe pơm sơ đơ\ng tơ drong arih, tơ gop ăn tơ drong pơ jing tơ ring tơ rang ‘nao. 

Đại úy Nguyễn Văn Thanh, Pho\ kơ dră jang chinh tr^ - An^h che\p kơ\l pơ gơ\r khul linh apu\ng Tuy Đức ăn tơ băt, bơ\ jang trong jang “Sut le# 1 u\nh hnam pơ ngot, tơ jur đei 1 u\nh hnam tơ nuh”, khul linh hlôi hơ to\k tơ drong tơ roi tơ băt, pơ tho đon hlôh vao lơ\m kăn [o#, linh. Atu\m hăm ‘no\h adrin jang hơ doi hăm dôm tơ ring chă tơ gum ăn kon pơ lei jang xa to\k klăih đơ\ng tơ nuh, đei tơ drong arih xa sơ đơ\ng, vei kơ jăp ‘lơ\ng chinh tr^:

“Găh tơ drong jang “Sut le# 1 u\nh hnam pơ ngot, tơ jur đei 1 u\nh hnam tơ nuh” Khul jang Đảng, An^h che\p kơ\l pơ gơ\r khul linh năng ‘nâu j^ 1 lơ\m dôm tơ drong jang tơm athei bơ\ jang mă ‘lơ\ng. Blu\ng a ‘no\h jang hơ doi hăm dôm an^h jang kơ pal kơ apu\ng păng xăh pơ gơ\r dăr hơ len dôm u\nh hnam oei tơ [âp mơ mat tat, đang kơ ‘no\h j^ dôm u\nh hnam bơ ngai ‘nao bro\k đơ\ng pơm linh tơ\ tơ ring vă chă pơlung, bơ\ jang tơ gu\m ăn đe sư. Găh no\h dơ\ng jang hơ doi kơ jăp hăm tơ ring, dôm khul jang chinh tr^, tơ pôl, tơ roi tơ băt, krao hơ vơn kon pơ lei pơm kiơ\ trong jang đơ\ng đảng, khôi luơ\t te\h đak.”

Hăm dôm tơ drong jang tôch rơ đăh, đei yoa, kăn [o#, linh tơ\ An^h che\p kơ\l pơ gơ\r khul linh apu\ng Tuy Đức (dêh char Dak Nông) hlôi tơ [ôh hơ dăh tôch ‘lơ\ng hơ iă um rup khul linh tơ blăh, bơ\ jang, hơ nơ\ng yak hơ doi hăm an^h jang đảng, khul kơ dră pơ gơ\r tơ ring păng kon pơ lei lơ\m tơ drong tang găn tơ nuh hin hot, pơ ngot rơ ve\t, pơ jing tơ ring tơ rang ‘nao.

Hoàng Qui: Chih