VOV4.Bahnar – Hrei ‘nâu, lơ pơ lei pơ la tơ\ dêh char Gia Lai hlôi đei hnam ho\k hôp tơ pôl, vă chă pơ gơ\r hôp pơ lei, hơ ri hơ soang, pơm hơ to\k tơ drong erih xa găh jơ hngâm đon kon pơ lei. Mă lei, yoa Hnam man ưh kơ jăp ‘lơ\ng, ưh kơ lăp hăm tơ drong juăt, kơ na ưh gan đei io\k yoa, ‘nâu j^ m^nh lơ\m dôm tơ drong mă bơ ngai tăh hla Gia Lai hơ nơ\ng pơ ma truh lơ\m dôm ‘măng tơ [âp bơ ngai tang măt Jơ nu\m pơ gơ\r kon pơ lei tơ\ tơ ring păng hơ pơi ‘me\h đei trong hơ met pơ ‘lơ\ng.

9 lơ\m kơ so# 10 to\ hnam ho\k hôp tơ pôl kơ xăh Ia Rmok đei man hăm jên đơ\ng tơ drong jang 135, man lơ\m dôm sơ năm đơ\ng 2005 truh dang ei. Pha hăm rông so xă rơ hơi hiôk, đ^ đăng hnam ho\k hôp tơ pôl âu tơ tă man kơ đeh kơ de\r kơ dônh, xă lăp đơ\ng 60 - 70 m2, man tơ\ an^h ưh kơ lăp dơ\ng, kơ na kon pơ lei ưh gan truh ngôi, ho\k hôp. Mo\ Phan Thị Anh Vũ, kăn [o# jang găh jo\h ayo\ kơ do\ xoang xăh Ia Rmok, bơ ngai jur dăr lăng tơ drong yoa hnam ho\k hôp tơ pôl tơ\ xăh tơ roi: “Mă tro\ ‘nei hăm bơ ngai Jarai, bơ\n athei pơm ăn rông, mă lei bơ\n tơ tă man hnam ho\k hôp kơ do\r kơ đeh thoi âu, ưh kơ lăp hăm tơ drong juăt kơ bơ ngai Jarai. Man ưh kơ să, tơ dăh pơ gơ\r thi pơ long, hơ ri hơ xoang ‘no\h hrăt hrot ưh đei an^h ngôi. Đei lơ hnam ho\k hôp tơ pôl ưh đei pơm hơ n^h hơ ri hơ xoang tơ\ lăm. Dôm tơ mam pơ yoa ăn tơ drong jang ku\m tam đei tôm, kơ na sư ưh gan đei yoa.”

Đei man hăm jên đơ\ng tơ drong jang 135 jăl jang đơ\ng 2010-2012 păng pơ jao ăn kon pơ lei yoa tam mă truh 4 sơ năm ‘nâu, mă lei Hnam ho\k hôp tơ pôl tơ\ plei Dui păng plei Kơ Nia, xăh Ia Rmok đ^ nhen so so\ch hloi bơih. Tơ năr tơ\ găh hơ năp đei lơ an^h pơ chăh hơ đang. ‘Nao [ât blu\ng pơ yan ‘mi, mă lei đak ‘mi đ^ kơ to\h, hnăt jâp tơ\ lăm, pơm ăn tơ năr sơng kok [e\nh kơ rơ na dom. Tơ\ cham, ‘ngie\t chăt hơ un hơ an, găn đ^ trong yak. Rim ‘măng đei tơ drong kăl athei pơ gơ\r hôp kon pơ lei, kon pơ lei tơ\ 2 plei hơ nơ\ng tơ oei ngôi tơ\ cham ưh kơ đei mât tơ\ lăm yoa hli kơ hnam păk tơ glơ\h âu to. ‘Nho\ng R’Châm Gơih, oei tơ\ plei Dui tơ roi: “Hnam ho\k hôp ‘no\h pơm pơ bu\ng 1 păh đe\ch, tơ dăh đei kial tak đơ\ng hơ năp, kial hơ bu\t ‘no\h ro\ năng bơ bu\ng kem păr đ^, ‘măng kơ m^l hư, ‘măng dur ku\m hư đ^, athei hơ met ming dơ\ng. Pă gơ\h yoa bơih, đei ‘măng chă pơ gơ\r hôp, đei ‘măng ‘no\h ưh. ‘Mi ‘no\h đe hôp tơ\ lăm, oei prăng ‘no\h đe ngôi tơ\ ‘ngoăih, ưh đei mât tơ\ lăm, hơ mơt hnam păk, tơ glơ\h!”

Tơ\ lơ pơ lei lơ\m xăh Ia Rmok, kon pơ lei lăp chă tơ ge\ch ho\k hôp, ngôi pơ chơt tơ\ kơ măng đe\ch, mă lei dôm sơ năm âu ki, đ^ đăng 10 to\ hnam ho\k hôp tơ pôl tơ\ xăh Ia Rmok ưh kơ đei u\nh điên ngăl, mưh hôp chă tơ\k tăi u\nh ắc-qui tôch mơ mat. Truh dang ei, đie#n đei ‘no\h hnam hôp ku\m so đ^ so so\ch bơih kơ na ưh đei yoa kiơ. Bơ ngai tăh hla lơ\m xăh hơ pơi ‘me\h dôm hnam ho\k hôp so lơ\m plei đe sư đei man hơ met ming dơ\ng vă gơ\h yoa ‘lơ\ng [iơ\. {ok Kpă Sáu, Phó Bí thư Đảng xăh Ia Rmok đei nơ\r pơ ma: “Tom măt [ôh ‘no\h hnam ho\k hôp tơ pôl man ưh gan lăp. Kon pơ lei ku\m đei nơ\r akhan, hnam ưh đei kơ jăp ‘lơ\ng, mưh đei ‘mi kial, kon pơ lei hôp tơ\ lăm tôch kơ hli. Hnam hơ đăh, pơ chăh kon pơ lei tôch kơ pơ ngơ\t. {ôh xi-măng hơ đăh bu ku\m krê. Hơ pơi ‘me\h đơ\ng nhôn ‘no\h đơ\ng ro\ng kơnh Te\h đak jăh pơm hơ met ming mă tơ te\nh.”

Oei [ok Phùng Anh Kiểm, Kơ dră An^h vei lăng jo\h ayo\ kơ do\ xoang apu\ng Krông Pa tơ roi: “Pơ tih gia nhen jên hru\ ăn đak krong Pa tơ\ găh pơ băh, đei man hnam ho\k hôp tơ pôl đơ\ng adrol kơ sơ năm 2009, [ât tơ drong ei xa, jang xa tam mă sơ đơ\ng m^nh [ôt, pơm an^h ho\k hôp tơ pôl ưh đei to\k bo\k pơ lei. Hơ nă pơ chăh, tơ năr hơ đang ‘no\h yoa truh dang ei hnam man đ^ đunh bơih, tơ dăh khul kơ dră tơ ring pơ jing đei gru\p vei lăng, bơ\ jang tơ năp ‘lơ\ng, đe đei đon vei lăng ‘no\h hnam ho\k hôp gô kơ jăp đunh [iơ\. Mă lei mưh đe sư ưh kơ lăp đon, dăh mă gru\p vei lăng jang ưh tơ năp ‘nâu jing dôm Hnam ho\k hôp tơ pôl đei hu\t hơ chăng, ưh đei yoa kiơ. ‘Nâu ku\m jing tơ drong tôch mơ mat mă Khul kơ dră che\p kơ\l An^h jang Đảng apu\ng, Jơ nu\m pơ gơ\r kon pơ lei ku\m nhen an^h jang nhôn kăl chă trong hơ met pơ ‘lơ\ng tơ\ hơnăp kơnh.”

            Dơ\ng: Tơ blơ\