VOV4.Bahnar - Hăm tơchơ\t tôm hơ ioh adoi đei têt Trung thu, rim anih jang kơpal păng lơ anih jang, bơngai jang ‘mêm bơnat tơ\ dêh char Gia Lai oei tơle\ch lơ tơdrong jang kăp g^t vih hơko\m hăm hơ ioh hin dơnuh, hơ ioh pơti păng hơ ioh hơven hơvo.

          Dôm năr kơ âu, ‘nguaih kơ tơdrong ho\k chư, bơngai pơtho păng ho\k tro tơ\ Anih ako\m rong ‘me hơmet pơ ‘lơ\ng hăm bơngai [ơm pơgang pơnhu\l da cam pơrăm dêh char Gia Lai oei hăt hot pơhrăm dôm [ai hri, hơxuang chơt hơ iă vă xơng Têt  Trung thu. Kô pơtho H’Khuin ăn tơbăt, dôm năr kơ âu, lơ anih jang, tơ ‘ngla jang ‘mêm bơnat hlôi truh pơgơ\r pơchơt, joh hri păng axogn ăn 20 ‘nu hơ ioh ie\ tơ\ âu lơ tơmam drăm kăp g^t nhen hla bar ho\k, tơmam pơxuh, hơdru\ng unh. Dôm tơmam âu ưh đei tih tên găh mu\k drăm mă lei [enh kơ đon bơnôh ‘mêm kơ eng hăm đe hơ ioh tơnap tap. Ưh adro# pơgơ\r pơchơt tơ\ anih oei ako\m, ăh je# đ^ [lon, tro\ ăh Têt Tết trung thu, đe hơ ioh ie\ tơ\ âu đei axong năm tơmang tơ\ ‘nguaih dơ\ng: “Trung thu xơnăm âu, anih rong ‘me gô axong ăn đe mon năm tơmang tơ\ cham pơhiơ\ Diên Hồng, plei tơm Pleiku. Truh tơ\ noh, ‘nguaih kơ tơdrong pơchơt, hri hơxuang, đe kô pơtho gô tơroi găh dôm hơdre\ch kon bri brăh erih xa thoi yơ vă đe mon băt hơdăh. Đe mon chơt hơ iă tôch dêh, hơmo\ xơng Têt Trung thu.”

Tơ\ Anih ako\m tơgu\m tơpôl dêh char Gia Lai, je# 90 ‘nu hơ ioh pơti duh oei đei ako\m lơ\m tơdrong chơt hơ iă Têt Trung thu. Lơ\m hnam kơxo# 2, 17 ‘nho\ng pơmai oh atu\m hăm bơngai me\ pơgơ\r axong băl rim khul vă hơmet axong [anh ke\o, hơdru\ng unh. Oh Rơ Lah H’Lan păng đe ‘nho\ng pơmai oei pơhrăm hri hơxuang vă pơdăh lơ\m Kơmăng khei pơn^l: “Vă hơmet ăn trung thu, noh nhôn axong đe kon bơ\ hơdru\ng unh um hơnglo\ng. Trung thu noh đe kon bơ\ hơdru\ng unh, pơhrăm hơxuang ‘nă grai hia. Trung thu, đe kon hơmet pơ ‘nguaih hnam oei, xơng dơhnit unh atu\m bôl boăl. Inh [ôh chơt hơ iă dêh, kơlih đei đe duch pơgơ\r ăn kơ nhôn pơchơt pơhiơ\ .”

          Hăm tơchơ\t tơgu\m hơ ioh hin dơnuh, hơ ioh đei tơdrong erih tơnap tap, Têt Trung thu xơnăm âu, Lêh ako\m khei pơn^l kơ dêh char Gia Lai gô đei pơgơ\r tơ\ apu\ng ataih yaih  Phú Thiện. Tơ\ âu Anih axong jang Linh j^ rơka păng Tơpôl  Gia Lai gô axong 350 tơpu tơmam, rim tơpu đei kơjă 250 rơbâu hlak jên ăn ho\k tro hin dơnuh, ho\k tro adrin hơto\k tơ iung lơ\m tơdrong erih. Atu\m hăm noh, lơ\m ‘măng âu, Anih jang đoàn dêh char Gia Lai pơgơ\r ‘năr ako\m trung thu păng axong hloh 600 tơpu tơmam ăn hơ ioh kon kông tơ\ pơlei ataih yaih Bi Yông, xăh Pờ Tó, apu\ng Ia Pa.

Yă Tạ Thị Anh Đào, Kơdră Anih jang tơgu\m tơpôl dêh char Gia Lai ăn tơbăt, Têt Trung thu xơnăm âu, hơ ioh hin dơnuh, hơ ioh đei tơdrong erih tơnap tap ưh adro# đei lăng đe hơxuang ‘nă grai, xơng dơhnit unh, mă oei đei tơdrong ‘mêm kơ eng đơ\ng tơpôl dơ\ng: “Mă blu\ng nhôn pơgơ\r trung thu tơ\ anih oei ako\m vă đe mon tơno\ đon bơnôh kơ minh unh hnam. Atu\m hăm noh, nhôn jang atu\m hăm minh [ar anih jang ‘mêm bơnat, anih linh pơgơ\r tơdrong tơmang pơhiơ\, vă đe mon [ôh băt rim anih jang, rim tơ ‘ngla hơnơ\ng băt ‘mêm, hơlêm đe mon yak hloh tơnap tap, hơto\k tơ iung lơ\m tơdrong erih.  Trung thu xơnăm âu, rim đe mon gô [ôh ưh adro# đe duch lơ\m anih oei ako\m ‘mêm băt kơ đe mon, mă đe mon adoi oei đei tơpôl tơre\k truh. Đe mon đei minh unh hnam tơno\ .”

Hăm tơdrong hơmet kơ dêh char, anih jang mu\k drăm păng lơ anih jang ‘mêm bơnat, trung thu xơnăm âu, hơ ioh hin dơnuh, hơ ioh pơti păng hơ ioh hơven hơvo tơ\ Gia Lai gô đei pơchơt trung thu chơt hơ iă lơ\m tơdrong tơguăt ‘mêm kơ eng.

Lan chih păng rapor