VOV4.Bahnar - Tơ\ pơ lei tơm Pleiku, Dơ no\ an^h vei lăng kon pơ lei dêh char Gia Lai jang hơ doi hăm Hnam trưng Đăi ho\k Tôn Đức Thắng pơ gơ\r hop ako\m khoa ho\k hăm anăn: “Chih hơ dăh dôm tơ drong jang tih păng dôm bơ ngai tơ mât jên jang kăl đei sơng io\k hăm dôm tơ drong jang mu\k drăm tih kơ Gia Lai”. 

Lơ\m hop ako\m, lơ [ai chih tơ blang đei dôm bơ ngai vei lăng, tơ che\ng hơ len pơ ma tơ le\ch păng đei lơ nơ\r tơ gop tôch tơ păt vă hơ met pơ ‘lơ\ng ming nhen: Dôm tơ drong jang tih, dôm bơ ngai tơ mât jên jang tơ\ an^h jang kơ măy pơm tơ le\ch tơ ma ‘lơ\ng kơ dêh char Gia Lai; tơ drong cho\h jang xa kăl-Tơ ring cho\h jang xa hăm kơ măy kơ mo\k kơ dêh char; dôm tơ drong jang tơm vă krao hơ vơn tơ mât jên jang găh tơ mang lăng-cham char bri brăh-pơ dơ\h ngôi tơ\ Gia Lai; tơ drong pơ tăm bri pơm tơ mam-ako\m jơ hngâm ato\k tơ iung bri ‘long tơ\ tơ ring…

Dơ\ng: Tơ blơ\