VOV4.Bahnar - Gia Lai jing tơring đei hơgăt bri [ơm tơgar lơ hloh. Rim hơgăt bri âu, đunh khei năr đei io\k jang mir teh jing xap jang đei xa. Dêh char Gia Lai to\k bo\k oei chă lơ trong jang vă io\k tơvih teh [ơm tơgar vă pơtăm tơ 'măl bri. Tơdrong mă âu vă hơto\k răh găh 'long bri, pơm trong hiôk răh vă kon pơlei hơto\k mu\k drăm gơnơm đơ\ng 'long bri.

Teh bri [ơm tơgar tơ\ Ia Pa, Gia Lai

Adrol ki, yuơ kăl teh choh jang, unh hnam 'nho\ng R’ô Nhân tơ\ xăh Chư Rcăm, apu\ng Krông Pa, dêh char Gia Lai hlôi muih hloh 1 ha bri vă pơm mir. Đơ\ng ro\ng hloh 10 xơnăm pơm jang, teh mir hlôi xap. {ơ\t đei khul kơdră tơring hơvơn io\k tơvih teh bri [ơm tơgar vă tơplih pơtăm hơdre\ch 'long tro\ [lep noh 'long bri, unh hnam 'nho\ng Nhân hlôi chih măt io\k jang. Tơdrong mă pơm kơ 'nho\ng pơngơ\t kơ đon noh [ơ\t teh jang mir oei ie\ ioch gô pơrăm truh tơdrong erih unh hnam. 'Nho\ng R’ô Nhân tơroi:“Adrol ki, inh muih bri vă io\k teh jang mir. Dang ei teh đak hơbơn io\k tơvih teh choh jang, teh đak tơgu\m vă pơtăm bri păng hơpơi xut le# pơngot tơjur hin dơnuh, noh unh hnam inh adrin jang đe\ch yơh. Mưh ba ưh kơ pơjao teh đơ\ng teh đak noh teh đak gô io\k tơvih đe\ch yơh ”

Tơdrong mă 'nho\ng R’ô Nhân pơngơ\t kơ đon duh jing tơdrong pơngơ\t atu\m kơ rim unh hnam chih măt io\k tơplih teh bri [ơm tơgar vă pơtăm tơ 'măl bri lơ\m 'măng âu tơ\ apu\ng Krông Pa, dêh char Gia Lai. Tơre\k truh tơdrong mă âu, [ok Trương Quốc Dụng, Kơdră Anih jang hơlen 'long bri, Kơdră Jơnu\m jang io\k tơvih teh bri apu\ng Krông Pa ăn tơbăt, apu\ng hlôi pơkăp io\k tơvih 7.000 ha. Apu\ng oei chă hơvơn tơroi vă mih ma duch nă băt hơdăh trong pơkăp io\k tơvih teh đơ\ng dêh char. {ơ\t pơdreo teh hlôi io\k adrol, atu\m hăm tơdrong đei jơnu\m pơgơ\r axong ăn hla bar pơkăp yua teh vă pơtăm 'long bri, rim unh hnam pơtăm bri oei đei tơgu\m ăn 7 triu hlak jên ăn rim ha teh. Adrol kơ 'long bri đei pơtăm vơ\ giơ\ng, kon pơlei gơh io\k teh noh vă pơtăm 'long pơm pơnăn xa păng kon pơlei duh đei axong ăn minh păh hơgăt teh 'măn choh jang, xơđơ\ng tơdrong erih. {ok Trương Quốc Dụng ăn tơbăt: “Dang ei păng truh âu kơnh, nhôn tơre\k găh tơdrong hơvơn tơroi mih ma duch nă kơdih chă chih tơbang hơgăt teh mă po hlôi muih io\k. Adrin lơ\m xơnăm  2017 âu noh chih tơbang keh đang, oei lơ\m xơnăm 2018 noh tơle\ch pơtăm bri kiơ\ Tơchơ\t kơxo# 75 păng Tơchơ\t kơxo# 38 đơ\ng Jơnu\m pơgơ\r teh đak”

          Kiơ\ kơ [ok Trương Phước Anh, Kơdră Anih choh jang xa păng Hơto\k tơring pơxe\l dêh char Gia Lai, tơdrong pơkăp jang đơ\ng dang ei truh xơnăm 2020, dêh char gô io\k tơvih 30.000ha teh bri [ơm tơgar vă pơkăp pơtăm bri. Lơ\m noh, dêh char gô adrin io\k tơvih to\ xe\t jat noh 10.000ha lơ\m xơnăm âu păng xơnăm kơnh. 20 rơbâu ha oei lăi noh gô io\k tơvih lơ\m xơnăm 2019. Vă jang keh tơchơ\t mă âu, dêh char hlôi ako\m khul jang hơlen, pơgơ\r jang tơ\ dôm apu\ng, th^ xăh păng dôm anih jang đei tơre\k. Tơdrong io\k tơvih teh vă pơtăm tơ 'măl 'long bri noh vă kơ đei bri 'lơ\ng, hơto\k jang găh bri tơ\ tơring. Atu\m hăm noh, lơ\m tơdrong io\k jang, dêh char gô tơguăt hăm tơdrong pơm trong hiôk, io\k yua dôm trong jang tro\ [lep vă kon pơlei tơ\ tơring vang jang pơtăm bri, xơđơ\ng tơdrogn erih păng hơto\k io\k yua: “Tơpă găh io\k tơvih teh bri vă pơtăm tơ 'măl 'long bri, akhan io\k tơvih noh kiơ\ hla bar pơkăp đơ\ng teh đak, oei tơdrong jang âu athei đei tơdrong jang atu\m tơnăp đơ\ng rim anih jang ch^nh tr^ vă tơroi ăn mih ma duch nă hlôh vao hơdăh. Dang bơ\n athei tơplih minh [ar hơgăt 'long pơtăm, pho\ io\k lơ hơgăt teh xap, ưh kơ đei yua lơ vă tơplih jang pơtăm 'long bri. Đei răh tơdrong jang hadoi, pơm tơle\ch tơmam drăm, truh ăh khei năr io\k yua noh axong băl. Oei lơ\m Tơchơ\t 38 noh oei đei hơgăt teh le# hoh 'măn ăn đe ye\t pơtăm 'long pơm pơnăn xa, păng gơh to\k io\k jên jang đơ\ng anih mong jên vă hơto\k rong kon tơrong tơ\ hơla bri”

Io\k tơvih teh bri [ơm tơgar pơdreo ăn tơdrong pơkăp pơtăm 'long bri jing trong jang tro\ [lep. Mă lei, âu pơtơm jing hơyak mă blu\ng ăn tơdrong jang pơtăm tơ 'măl 'long bri, tơgu\m kon pơlei xơđơ\ng tơdrong erih păng tơguăt hăm bri. Vă trong pơkăp jang âu gơh đei jơnei pơyua, kăl đei tơdrong adrin jang tơnăp đơ\ng anih jang kơpal păng jơnu\m pơgơ\r tơring, tơgu\m ăn kon pơlei tơpă pơm jang đei yua găh mu\k drăm gơnơm đơ\ng tơguăt choh jang xa păng jang găh bri.

Lan chih păng rapor