VOV4.Bahnar – Tơ je# au, Ko\ng ang dêh char Gia Lai sơng io\k đe\i hla bơar tơbăt đơ\ng kon pơlei găh tơdrong răm đe hơle\nh pơdăr kiơ\ mạng tơpôl, kmăi điên thoăi. Vă đ^ sơnăm sơ\ tru\h dang e\i, to\ se\t hlo\h 20 ‘nu bơngai răm đe hơle\nh pơdăr hăm kơso# jên đơ\ng 40 tr^u hlak jên tru\h 2 ti hlak jên. Trong hơle\nh pơdăr au mă đơ\ng hlôi đe\i [o#h đơ\ng sơ\ bơih, mă le\i trong hơle\nh pơdăr au roi năr roi kơtang hlo\h dơ\ng.  

Tơ ‘ngla an^h mơdro sa u\nh hnam pơm tơm tơ\ pơlei tơm Plei Ku, hơnơ\ng chă jang pơma dơnu\h mơdro sa kiơ\ trư\k tuyên hăm an^h mong jên, mă le\i ‘nho\ng Phan Văn Nguyên, oe\i tơ\ phương Yên Đổ oe\i put kiơ\ nơ\r đe hơle\nh pơdăr au. Vă đ^ khe\i 5/2018, ‘nao ch^h tơmơ\t tơdrong kơtơ\ng ang te\ch te\h lơ\m mạng Tơpôl facebook, ‘nho\ng Nguyên io\k đe\i nơ\r ch^h đơ\ng bơngai tơmoi ap^nh răt. Bơngai au tơroi anăn sư ‘no\h Tâm, to\k bo\k er^h sa tơ\ te\h đak Mi. Kơ yuơ tim mă đe\i chă tơ [ơ\p pơma dơnu\h d^h băl kơtă kơna bơngai au athe\i ‘nho\ng Tâm gơih ăn kơ sư rup hla bơar tơngla te\h, hla kăn kưk, hla bơar sơng io\k jên ăn hơdrol pơkăp te\ch răt, adoi pơkăp kla ăn hơdrol 200 tr^u hlak jên ‘moi kiơ\ trong pơtru\h jên apu\ng ple\nh te\h.

‘Nho\ng Nguyên ( hru\k ao kok) tơngla an^h mơdro sa u\nh hnam pơm tơm, hơnơ\ng chă pơma dơnu\h găh tơdrong te\ch răt tơmam drăm hăm kiơ\ trư\k tuyên kơ An^h mong jên mă le\i oe\i pu\h pam hiăh kơ bơngai hơle\nh pơdăr

Kiơ\ nơ\r tơ [o#h ăn, ‘nho\ng Nguyên ch^h tơmơ\t lơ\m trong link đe\i anăn vă nhen hăm trang Web pơtru\h jên apu\ng ple\nh te\h western union.com. Lăp đơ\ng ro\ng ch^h tôm dôm tơdrong kơtơ\ng kơ d^h kau, kơso# tai khoan păng mah OTP ( ‘no\h jing kơso# tơbăt hơdăh pơtru\h d^h băl 1 ‘măng đơ\ng an^h mong jên) ‘no\h tai khoan kơ ‘nho\ng Nguyên to\h io\k 48 tr^u hlak jên. Hiong jên, ‘nho\ng Nguyên hlêng hlang kơ đon băt hơdăh akhan, lơ\m mă sư ch^h tơmơ\t dôm kơtơ\ng ang po lơ\m trang Web ya, bơngai hơle\nh pơdăr je\i plôih mơ\t lăng hloi lơ\m tai khoan an^h mong jên po vă to\h io\k tơtông kon jên: “Ba hiơt hiong hloi jơhngơ\m đon kơchăng kơ yuơ bơngai pơdăr au pơm pơdăr bơ\n bơngai sơng io\k jên. Đe sư chă tơ jur to\k kơ jă răt tôch hơlen, pơtru\h ăn kơ bơ\n ho# chiu đe sư. Kơna ba pă đe\i hul hơl yă kiơ ôh. Mư\h đe pơtru\h ăn trang Web ch^h tơmơ\t dôm kơtơ\ng ang po ‘no\h trang web hơle\nh pơm nhen trang web pơtru\h jên apu\ng ple\nh te\h. Chư blu\ng le\i lăi d^h băl, mă le\i mư\h lăng điên thoăi, ‘no\h găh hơtuch hơnăn ‘no\h bơbul ư\h kơ [o#h. Mư\h ch^h lơ\m mah OTP, ba ngêh ngăi ba ch^h tơmơ\t vă sơng io\k jên, bu ê ăi ba to\k bo\k pơtru\h ăn bơngai hơle\nh pơdăr dôm tơdrong kơtơ\ng ang plôih mơ\t lơ\m tai khoan an^h mong jên kơ bơ\n.”

Vă đ^ khe\i 4/2018, đe\i m^nh ‘nu bơngai krao điên thoăi hăm điên thoăi kơ [ang u\nh hnam mo\ Nguyễn Thị Huyền, oe\i tơ\ phương Thắng Lợi, pơlei tơm Pleiku akhan sư ‘no\h kang [o# kơ An^h kanh sat dăr lăng hơlen găh Dơno\ an^h tơm Ko\ng ang. Kiơ\ nơ\r bơngai au akhan, mo\ Huyền to\k bo\k đe\i an^h ko\ng ang dăr lăng hơlen găh tơdrong yoch te\ch mơdro kơchơ\t ma tuý. Lăp đơ\ng ro\ng pơ joă jơhngơ\m đon kơ mo\ Huyền, lăng [o#h mo\ au tơtăm, tăr văr, bơngai hơle\nh au athe\i mo\ pơtru\h jên lơ\m m^nh tai khoan an^h mong jên vă tơgu\m ăn bơ\ jang dăr lăng hơlen. Mơ\ng tăr văr, mo\ Huyền hlôi năm tru\h tơ\ An^h mong jên pơtru\h ăn 161 tr^u hlak jên lơ\m kơso# tai khoan 19032062259091 anăn Bùi Văn Long pơ\ih lơ\m An^h mong jên Techcombank An^h sơdrai Hà Nội: “Đe sư pơma hăm ^nh akhan, ih tơroi tơbăt vă nhôn do\ng ih. Tech mơdro ma tuý ‘no\h phak tru\h lôch, đe\i ‘măng tơchơ\t prăh pơlôch hloi. Ba tôch kơ hli, ba ư\h kơ đe\i tơdrong kiơ mă le\i đe sư tơpu\ ăn kơ bơ\n jing đe\i yoch. Ih đe\i jên lơ\m tai khoan dôm yơ ‘no\h ih pơtru\h ăn kơ nhôn ‘moi kiơ\ tai khoan kơ An^h mong răk jên hu te\h đak. Tơdăh ih ư\h kơ đe\i yoch kiơ le\i nhôn pơdre\o ăn kơ ih jên, atu\m hăm jên che\h hloi. Tơdăh ih đe\i yoch, le\i rôp io\k jên au hloi. Ba tơche\ng, ba ư\h kơ đe\i pơm glăi yă kiơ, kơna ba pơtru\h ăn kơ sư, mư\h sư hơlen ba ư\h kơ đe\i yoch kơnh đe sư pơtru\h pơdre\o ăn kơ bơ\n dơ\ng.”

Bơngai hơle\nh pơdăr chă pơma dơnu\h găh tơdrong te\ch răt nhen ‘me\h vă chă te\ch răt tơpă

Kiơ\ đơ\ng An^h Kanh sat Dăr lăng hơlen tơdrong yoch găh sơđơ\ng tơpôl kơ Ko\ng ang dêh char Gia Lai, đơ\ng vă đ^ sơnăm sơ\ tru\h dang e\i, an^h au hlôi sơng io\k đe\i hla bơar ch^h tơbăt đơ\ng vă je# 20 ‘nu bơngai răm đe hơle\nh pơdăr kiơ\ mạng tơpôl păng trong điên thoăi hăm kon jên răm đơ\ng 40 tr^u hlak jên tru\h 2 ti hlak jên. Mă le\i, mă tơpă yan au, măt bơngai răm đe pơdăr oe\i lơ hlo\h dơ\ng. Kơ yuơ hli kơdơ\ mơlau hăm u\nh hnam, bôl boăl kơna ư\h pơ\n năm tơroi tơbăt tơ\ an^h ko\ng ang. Tơdrong le\i lăi kơ rim ‘măng hơle\nh pơdăr au ‘no\h tơdrong pơtru\h ăn kon jên hmă hmă tơ\ kơsơ\. Đ^ đăng bơngai răm je\i ư\h kơ tom pơm hla bơar vă tang găn dôm bơngai hơle\nh pơdăr tơgar io\k kon jên hu păng xut xa hu\t dôm trong gơ\h pơma dơnu\h d^h băl nhen le\ ‘nho\ng Phan Văn Nguyên: “Ba je\i tom kơdau năm tơ\ An^h mong jên, hơvơ\h athe\i đe sư vang găn ga, mă le\i mư\h ba tru\h ‘no\h an^h mong jên athe\i ba pơm lơ hla bơar, kăl đe\i nơ\r athe\i tang găn tai khoan đơ\ng an^h bơ\ jang ko\ng ang. Tơ\ hơtuch ‘năr kơ sơ\ bơih, ba năm tơ\ an^h ko\ng ang tơroi tơbăt tơdrong au ‘no\h ư\h kơ io\k đe\i hla bơar athe\i tang găn hloi, măh gô chang tru\h năr mônh. Hlo\h năr tơdrau păng năr tơpơ\h ‘no\h ba ư\h kơ tom tang găn. Lơ\m jơ ‘năr au, bơngai pơdar sư to\h io\k jên ba bơih.”

Dơno\ an^h Kanh sat dăr hơlen tơdrong yoch găh sơđơ\ng tơpôl, kơ Ko\ng ang dêh char Gia Lai ch^h jo# đe\i 4 kơ loăi hơlenh pơdăr kiơ\ mang tơpôl păng kiơ\ mạng pơre nơ\r. ‘No\h pơm hơle\nh khan găh an^h mạng đe\i pôk ăn tơmam hơpăh; hơle\nh pơdar chă răt dăh mă te\ch tơmam drăm online; pơm hơle\nh khan bơngai jang hơlen, ko\ng ang, kiêm sat viên; pơm hơle\nh khan bơngai te\h đak đe ‘me\h jang tơdrong tơgu\m djru ‘mêm mơnat, dăh mă io\k akăn Việt Nam pơtru\h tơmam drăm ‘moi kiơ\ an^h hai kuan, dăh mă kiơ\ trong gre păr vă tơgar io\k muk drăm. Trong pơm hơle\nh pơdăr ư\h khan hle, mă le\i trong pơdăr đe sư roi năr roi kơtang hlo\h.

Mă đơ\ng hlôi đe\i An^h mong jên hlôi pơtru\h kơtơ\ng ang athe\i kơchăng, mă le\i dôm bơngai răm je\i ư\h kơ tom băt tơdrong

‘Ngoăih kơ ‘no\h, bơngai hơle\nh pơdăr hmă hmă io\k yua hla kăn kưk ya vă pơm theh ATM, dăh mă yoa kơ so# điên thoăi ya, tai khoan facebook ư\h tơpă vă chă pơma dơnu\h băl. Kơso# jên tơgar io\k mă đe sư chă pơtru\h tơ\ lơ an^h mong jên phara d^h băl păng đe\i to\h io\k an^h to\h io\k jên ATM tơ\ te\h đak đe. Thượng tá Trần Trọng Sơn, Kơdră che\p pơgơ\r Kanh sat dăr hơlen tơdrong yoch găh sơđơ\ng tơpôl kơ Ko\ng ang dêh char Gia Lai chă pơkă ăn kon pơlei kơchăng mă bre\ hăm dôm tơdrong chă pơma dơnu\h đơ\ng bơngai tơmoi vă ve\i lăng năng tông mu\k drăm tơ\ anăp tơdrong yoch au:“Kon pơlei ‘ne\ tơmơ\t rup păng dôm kơtơ\ng ang găh po, mă kăl, tai khoan, anăn, năr, khe\i, sơnăm rơne\h, an^h oe\i kơ po bơ\n lơ\m mạng tơpôl. Mư\h yoa tai khan an^h mong jên, mă kăl rim an^h mong jên đe\i năm jang chă pơtru\h jên tơ\ te\h đak đe le\i kăl kơchăng hlo\h dơ\ng dôm tơdrong găh tai khoan. Mă pêng ‘no\h hăm dôm bơngai pơdăr ya pơm bơngai bơ\ jang dăr hơlen tơdrong yoch, kiêm sat viên pơtru\h nơ\r găh tơdrong rôp ch^t, tơkêng, ‘no\h kon pơlei ‘ne\ kơ put păng dăh năm tơroi ăn an^h bơ\ jang ko\ng ang hloi.”

Bơngai ch^h: Nguyễn Thảo

Tơblơ\ nơ\r: Amazưt