VOV4.Bahnar - Brei drou, đơ\ng ro\ng lơ năr đei ‘mi tih tơ\ lơ tơ ring, 90 u\nh hnam kon pơ lei hăm 400 ‘nu bơ ngai tơ\ tơ ring sơ lam kơ apu\ng Chư Prông, dêh char Gia Lai ưh gơ\h năm tơ\ nai yoa đak tih lơ\p găn trong. Vă tơ gu\m ăn kon pơ lei huei đei tơ drong krê răm đơ\ng đak tih lơ\p, Binh đoàn 15 ku\m hăm dôm khul linh vei lăng tơ ring sơ lam, khul kơ dră tơ ring adoi tơ le\ch dôm tơ drong jang do\ng tơ gu\m, atu\m hăm ‘no\h tơ gu\m ăn kon pơ lei hơ met pơ ‘lơ\ng hiong răm, pơm sơ đơ\ng dơ\ng tơ drong arih xa.

Đơ\ng ro\ng lơ năr ‘mi tih hơ nơ\ng, pơ gê ‘năr 11/6, ưh ê đak tih truh tơ\ dôm pơ lei sơ lam kơ 3 xăh Ia Lâu, Ia Piơr păng Ia Puch, apu\ng Chư Prông. Đak tih lăp truh dôm j^t to\ hnam, lăm ho\k, an^h jang kơ dôm khul công nhân cao su. Atu\m hăm ‘no\h, vă je# 90 u\nh hnam hăm dang 400 ‘nu bơ ngai đei đak lâp găn đ^ trong ưh gơ\h yak le\ch tơ\ nai. Tơ\ âu, kon pơ lei oei răh rai, hơ tăih băl, kơ na kon pơ lei ưh gơ\h tơ gu\m băl, mă lăp gô chang tơ drong tơ gu\m đơ\ng khul công nhân, khul linh Binh đoàn 15, An^h tơm vei lăng khul linh te\h đak đe\ch.

Thiếu tá Trần Huy Thành, Kơ dră che\p kơ\l khul cho\h jang kơ so# 14, công ty Bình Dương, Binh đoàn 15 j^ m^nh lơ\m dôm bơ ngai blu\ng a vang năm tơ gu\m ăn kon pơ lei găh khul cho\h jang xa kơ so# 14 tơ roi dơ\ng:

“10 jơ 1 puăt ‘năr 11/6, đak tih truh. Đak to\k tôch hre\nh. Lơ\m dang 15 pơ n^t đak truh, to\k tôch hre\nh ưh tom băt kiơ. Hnam Khul vei lăng păng dôm hnam kon pơ lei tơ hle\h tơ năr. Đak tơ jro\h hoch đ^ tơ mam. Dang ei ưh kơ măh hơ băn ao hru\k.”

Yak kiơ\ đak tih, dôm j^t ‘nu kăn [o#, linh păng công nhân đơ\ng công ty Bình Dương, Trung đoàn 710, găh Binh đoàn 15 ku\m hăm ao đông, ca nô, tơ mam xa, u\nh đeng, vang jang hơ doi hăm khul linh vei lăng tơ ring sơ lam tơ\ no\h năm truh tơ\ tơ ring đei đak lơ\p kơ tă lơ\m năr. Kon pơ lei ku\m hăm tơ mam drăm kăp đei chơ tơ le\ch đơ\ng tơ ring đak lơ\p hăm ca nô. Kơ tă lơ\m kơ măng, đ^ đăng 90 u\nh hnam đei pơm ăn an^h oei, tep pơ dơ\h pơ gia tơ\ kơ đông linh je# hlo\h.

Đak tih hrơ\, dôm j^t to\ hnam tơ\ 3 xăh sơ lam Chư Prông ku\m hăm dôm j^t ha [a, hơ [o, kơ hre\ng to\ nhu\ng, rơ mo, ie\r bip păng kơ ti hlak jên tơ mam drăm kon pơ lei tơ\ tơ ring răm kơ đak tơ jro\h hoch. Mă lei, gơ nơm tơ drong tơ gu\m tôch tơ tom đơ\ng kăn [o#, linh păng công nhân đơ\ng Binh đoàn 15, tơ\ âu ưh đei bơ ngai lôch răm. Tôch hơ iă hăm tơ drong tơ gu\m đơ\ng [ô đo#i, công nhân đơ\ng Binh đoàn 15, [ok Trần Hoàng Gia, kon pơ lei tơ\ Khul cho\h jang xa kơ so# 14, xăh Ia Puch, apu\ng Chư Prông ăn tơ băt:

 “Mi kial đei ưh kơ s^ bơ\n ‘me\h ôh. Binh đoàn tơ re\k truh đe kon mon ‘no\h nhôn hơ iă dêh bơih. Đơ\ng ‘năr brei Binh đoàn jur, công ty jur truh, An^h che\p kơ\l {ô đo#i vei lăng tơ ring sơ lam năm ngôi tôch lơ. Kon pơ lei tôch hơ iă.”

Hrei ‘nâu, vă tơ gu\m ăn kon pơ lei tơ\ tơ ring pơm sơ đơ\ng tơ drong arih xa, Binh đoàn 15 ku\m hăm dôm khul linh tơ\ âu oei ăn khul linh truh tơ gu\m, pơm hơ met bơ\n hnam ho\k mâm non vă đe kon mon năm ho\k dơ\ng păng tơ gu\m kơ hre\ng năr ko\ng vang pơm hơ met hnam ăn kon pơ lei. Ku\m hăm ‘no\h, Binh đoàn 15 tơ gu\m jên măt vă je# 300 triu vă kon pơ lei gơ\h jang xa hơ lơ\k dơ\ng, khul linh jang pơ gang truh tơ tom pơ tho ăn kon pơ lei hơ met rơ go\h cham char, đak yoa, ưh ăn đei j^ jăn, j^ klak chroh tơ po\h.

Tơ\ hơ năp tơ drong to\ ‘mi kial ưh sơ đơ\ng, hrei ‘nâu, dôm khul linh găh Binh đoàn 15 tơ\ tơ ring sơ lam kơ apu\ng Chư Prông, dêh char Gia Lai oei hơ nơ\ng tơ le\ch lơ trong jang vă tơ jră. Đại tá Lưu Văn Đoàn, Chính ủy Trung đoàn 710, Binh đoàn 15 ăn tơ băt:

“Oei lơ\m tơ ring hơ nơ\ng đei đak tơ jro\h, lơ\p, rim sơ năm nhôn hơ nơ\ng pơ jing trong jang do\ng tơ gu\m ăn kon pơ lei. Pơ yan ‘mi truh, chă tơ roi ăn kon pơ lei, công nhân cho#, tơ jră hơ met hnam. Mưh đak tih truh, nhôn kơ chăng năm tơ gu\m hloi, băt hơ dăh rim an^h krê, đak ro jăng, ăn khul linh, bơ ngai gak, tơ roi ăn kon pơ lei le# yak kiơ\ trong đak lơ\p jru\ krê hơ mơt păng mưh đak tih ‘no\h chông kon pơ lei to\k tơ\ tơ ring groi kông, kăl loi j^ hăm đe hơ io\h păng [ok yă kră.”

Dôm tơ drong jang đơ\ng kăn [o#, linh păng công nhân găh Binh đoàn 15 tơ\ tơ ring sơ lam Chư Prông ưh lăp hơ met kơ jăp jơ hngâm đon ‘mêm băt băl đơ\ng khul linh hăm kon pơ lei tơ\ tơ ring đe\ch mă oei pơ jing dơ\ng tơ ring jih te\h đak pran kơ jăp tơ\ tơ ring sơ lam găh Tu Tây Nguyên dơ\ng.

Nguyễn Thảo: Chih

Dơ\ng: Tơ blơ\