VOV4.Bahnar - ‘Năr năm ho\k je# truh mă lei me\ [ă ho\k tro, ho\k tro păng thây kô tơ\ rim xăh ataih yaih kơ dêh char Gia Lai adoi oei pơngơ\t kơ đon. Minh [ar tơring, vă năm truh hnam trưng, kon hơ ioh athei găn đak glung đak krong hli hlơt, mă hăt noh ăh khei tơm pơyan đak hơbông.

Siu Phưr, oei tơ\ pơlei Glung, xăh Yang  Nam, chơ ba kon drăkăn hăm gre honđa, truh đak glung Lơ Pơ, ‘nho\ng pơdơh gre yuơ đak to\k blai mă glung noh tih, mă lei đang kơ noh ‘nho\ng kho\m mă vơ\r gre găn đak glung. Đunh pơn^t tơjră hăm đak ro tih, gre duh găn hloh đak glung. bre [ă kon Phưr phiơk kơ jơhngơ\m. ‘Nho\ng Phưr ăn tơbăt, ‘meh kon hơ ioh năm ho\k dăh mă truh anih tơm apu\ng noh kon pơlei gô mơ\ng kơ đak to\k dăh mă ưh đe\ch: “Đak tih hli lôch hơkâu, hli hlơt. Ăh đak och noh gơh găn, ăh đak tih noh ưh gơh găn đak ôh. ‘Meh vă teh đak dăh tenh man gơng ăn kon pơlei, thây kô vih vơ\t pơtho, ăn hơ ioh ho\k tro năm ho\k hiôk hian.”

          Dơ\ng ăh kông đak hlung, yă Kpă H’tech, oei tơ\ pơlei Glung, xăh Yang Nam ăn tơbăt, lơ\m dôm năr đak tih, đak glung to\k blai noh trong nơnăm tơ\ âu tơnap tap. Lơ ‘măng, pơđ^ minh [lon, pho\ noh tong ane# khei noh kon pơlei ưh gơh găn đak glung. Yuơ noh, tơdrong ho\k pơhrăm đơ\ng ko hơ ioh lơ\m tơring adoi ưh đei xơđơ\ng kiơ\ đak hơbông mơ\n. Khei năr âu, hơmet ăn xơnăm ho\k ‘nao, duh jing khei tơm kơ đak hơbông, nhen lơ me\ [ă nai lơ\m tơring, yă Kpă H’tech pơngơ\t kơ đon hăm kon hơ ioh po: “Pơngơ\t đon hăm kon hơ ioh, ăh ‘mi tih noh ưh gơh năm ho\k, hli đak tih, to\k tenh dêh, minh [ar jơ đe\ch noh đak blai hloi. Pho\ pơdơh ho\k lơ\m minh [lon, gô đak och noh pơtơm gơh năm ho\k. Thây pơtho lơ\m pơlei duh ưh gơh găn đak truh pơtho. Pơyan âu ăh khei 10, 11 đak pơtơm och. Pơngơ\t kơ đon hăm kon hơ ioh, ‘meh đei gơng vă kon hơ ioh năm ho\k truh tôch, tôm tong.”

          Tơ\ tơring hle\ch pơbăh xăh Yang Nam, găh to đak glung Lơ Pơ đei 3 pơlei kon kông Jarai erih jang xa. Vă pơm trong [ônh ăn ho\k tro ho\k jăl kơđeh, anih jang pơtho pơhrăm tơ\ tơring hlôi man đei 3 anih ho\k kơ hnam trưng jăl kơđeh tơ\ 3 pơlei vă pơtho ho\k ăn hloh 200 hơ ioh.

{ok thây Nguyễn Gia Cường, Kơdră hnam trưng jăl kơđeh Nguyễn Nhạc, xăh Yang Nam ăn tpưbăt, lơ\m dôm năr đak hơbông, đak glung to\k blai, noh đe oh athei pơdơh ho\k. Tơdrong tơm noh thây kô duh ưh gơh găn đak vă truh hnam trưng: “Đak glung tơ\ âu, noh to\k blai tenh dêh mă lei och noh adar. Ăh ‘mi tih, thây kôn ưh gơh găn đak năm truh găh âu vă pơtho ho\k pơhrăm. {ơ\t đak to\k tih noh thây kô athei pơtho ăh ‘năr tơdrâu, ‘năr gie\ng, pho\ athei ho\k prăt năr hloi vă tom tơdrong pơkăp ho\k pơhrăm.”

          Hăm jăl trung học cơ sở, tơ\ xăh Yang Nam hlôi man hnam trưng ho\k oei ăh kơ ‘năr. Kô pơtho Nguyễn Thị Tường, Kơdră hnam trưng kon kông ho\k oei hadoi Trần Quang Diệu, xăh Yang Nam ăn tơbăt, tơdrong pơtho ho\k oei kơ ‘năr đei apu\ng, xăh păng hnam trưng kơdih chă trong mă [lep đei hnam oei, hnãm o\ng xa ăn đe oh. Mă lei, yuơ jên axog ưh đei lơ, tơdrong man hnam oei ‘nao adro# axong măh ăn 60 ho\k tro đe\ch. Lơ\m kơplăh noh, xơnăm ho\k ‘nao âu, hnam trưng đei je# 200 ‘nu ho\k tro. Lơ ho\k tro tơ\ pơlei găh to đak glung, duh oei vih tơ\ hnam đơ\ng ro\ng kơ ho\k dăh mă minh [lon noh vih tơ\ hnam minh ‘măng, mă lei đak hơbông, đe oh athei pơdơh măh đ^ gie\ng hloi, pho\ noh tong ane# khei hloi. Pơdơh ho\k lơ pơm ăn đe oh tơnap kơ kiơ\ tom tơdrong pơtho ho\k kiơ\ pơkăp păng tơdrong mă ho\k tro pơdơh kơ ho\k tơ\ dôm pơlei găh to đak glung noh [ôh lơ: “Đe oh ho\k oei hloi, tơ\ dôm pơlei găh to đak glung, ‘năr tơdrâu đe oh vih tơ\ hnam păng truh ‘năr mônh noh năm ho\k. Mă lei ‘năr mônh blu\ng [lon mưh ‘mi tih, đak to\k blai noh athei pơdơh ho\k đe\ch, đe oh pơdơh ho\k lơ kơnh ho\k ưh đei tom noh lao đon. Noh kơxo# ho\k tro le# ho\k tơ\ pơlei găh to đak glung đei lơ hloh rim pơlei pơla nai.”

Lơ\m kơplăh gô man đei minh pôm gơng kơjăp ‘lơ\ng, đak glung Lơ Pơ duh oei jing tơdrong pơngơ\t kơ đon hăm me\ [ă ho\k tro, ho\k tro duh nhen anih jang pơtho pơhrăm tơ\ tơring ataih yaih Yang Nam, apu\ng Kông Chro. Mă hăt noh pơyan năm ho\k duh jing pơyan tơm kơ ‘mi kial đak hơbông, tơdrong pơngơ\t roi pơm to# đon hloh dơ\ng.

Lan chih păng rapor