VOV4.Bahnar - Tơ\ xăh Ia Glai, apu\ng Chư Sê, dêh char Gia Lai ‘nao đei anih te\ch răt tơmam choh jang hre hrông pơm rơhiu\ng rơhiăng tơpôl hăm kơxo# jên hơlen hloh 50 tih hlak jên păng pơtoi oei lơ. Kơ hre\ng ‘nu kon pơlei oei pơngơ\t kơ đon. Dôm tơdrong pơm yoch, ưh kơ [lep lơ\m tơdrong k^ pơkăp gơih tơmam choh jang mă hlôi đei tơbang lơ ‘măng găh tơdrong âu.

          Dôm năr kơ âu, hăm hơyuh to# hlơ hle\ng, [ok Nguyễn Văn Tiến atu\m hăm dôm j^t ‘nu kon pơlei ‘năr yơ duh năm răp ăh ‘măng jang anih te\ch răt tơmam Sáu Đào, tơ\ thôn Vườn Ươm, xăh Ia Glai, apu\ng Chư Sê. Hăm tơdrong pơngơ\t kơ đon, [ok Tiến ăn tơbăt, tôm tơmam choh jang đei yua lơ\m pơyan âu ki noh 8 tă cà phê găr păng 3 tă minh puơ\t tiu adoi gơih pơkăp tơ\ Anih te\ch răt tơmam Sáu Đào.  Dang ei anih jang âu hre hrông, unh hnam [ok hiong pơđ^. {ok Nguyễn Văn Tiến xơ ‘nhôi tơroi: “Tôm mu\k drăm gơih pơkăp tơ\ âu noh dang ei pơngơ\t kơ đon, kơlih axong jang dơ\ng noh io\k jên đơ\ng yơ, jên axong ăn kon hơ ioh năm ho\k duh ưh kơ đei. ‘Meh vă anih jang kơpal dăh hơlen tơgu\m, pơm thoi yơ vă kon pơlei io\k đei to\ xe\t duh da [iơ\, oei dang ei nhôn ưh kơ băt vă pơm thoi yơ bơih”

          {ok Nguyễn Đức Mùi, oei tơ\ thôn 1, xăh Ia Hlốp ăn tơbăt, adrol ki, [ok gơih pơkăp tơmam choh jang tơ\ minh anih te\ch răt ăh apu\ng Chư Sê. Dôm xơnăm kơ âu, dôm anih te\ch răt tơ\ apu\ng hre hrông lơ dêh hnang, noh pơyan âu, [ok gơih pơkăp cà phê ăn anih te\ch răt Sáu Đào, tơ\ je# hnam, adoi juăt mơ\n. Ưh kơ ê, pơtơm gơih đe\ch noh dang ei hre hrông thoi âu. {ok Nguyễn Đức Mùi ăn tơbăt: “Goiưh tơ\ âu noh ‘măng mă blu\ng, gô lai yơ kơjă to\k [iơ\ noh te\ch he#, bu mă ê ăi thoi âu. Dang ei he\l kơ đon dêh, hiong lơ dêh văi! Kon pơlei tơnap, pă pơdro\ng yă kiơ. Dang ei noh [ôh bơih pă kh^n ôh, minh ‘măng âu đe\ch. Ning mônh kơnh pă kh^n chă gơih tơmam choh jang bơih, io\k yua đang noh te\ch hloi”

          Kiơ\ kơ [ok Nguyễn Văn Đạo, Kơdră Ko\ng ang xăh Ia Glai, adrol âu ki, anih te\ch răt tơmam choh jang Sáu Đào jang tơnăp lơ\m tơring. Mă lei, 3 xơnăm kơ âu, anih jang âu [ôh ưh kơ xơđơ\ng pơm ăn kơ xăh athei pơtruh hla bar tơroi ăn kon pơlei băt: “Đunh kơ âu 3 xơnăm, tơ\ anih jang yă Đào âu, đei kơtơ\ng xư vang chă jang ko\ng ti đa ka#p. Đơ\ng noh, đei tơdrong tơhlăk. ‘Nho\ng oh ko\ng ang nhôn đunh kơ âu 3 xơnăm adoi tơroi ăn kon pơlei băt ne\ chă gơih tơmam choh jang dăh mă axong yă Đào mơng io\k sổ đỏ.”

          Mưh lei, tơdrong tơroi đơ\ng xăh Ia Glai đunh kơ âu 3 xơnăm tam mă pran vă ăn kon pơlei băt hơdăh. Lơ\m kơplăh noh, Anih te\ch răt tơmam choh jang Sáu Đào hlôi tơtom hơmet pơjing ăn kơdih po minh um ru\p anih jang lui ngeh. Dôm tơdrong jang ưh kơ đei tơpă noh ưh kơ adro# pơm bơ bul măt kon pơlei lơ\m xăh mă oei đei dôm xăh tơje# truh tơ\ plei tơm Pleiku.

          Jo# truh ăh kơxơ\ năr 10/4, đei hloh 120 ‘nu kon pơlei atu\m hăm 2 anih mong jên truh tơ\ Ko\ng ang apu\ng Chư Sê tơroi găh kơxo# jên duh nhen tơmam choh jang mă kơdih po hlôi gơih pơkăp tơ\ anih te\ch răt Sáu Đào. Ako\p kơjă mu\k drăm hloh kơ 50 tih hlak jên. Lơ\m noh, 2 anih mong jên Quân đội păng Công thương đei anih jang tơ\ plei tơm Pleiku hlôi axong ăn anih jang âu to\k io\k hloh 14 tih hlak jên.  

Yă Ngô Thị Đào, bơngai hơnơ\ng jang te\ch pơdro ăn anih jang âu, hlôi klenh đơ\ng tơring oei xa. Yă Đào chih răk kơthơ tơroi ăn ko klo, tơroi găh tơdrong jang te\ch pơdro ưh kơ đei xa pơm ăn hiong mu\k drăm. Klo yă Đào, [ok Ngô Đình Giai (bơngai io\k hơnăn tơ ‘ngla anih te\ch răt tơmam) duh hlôi pơtruh hla bar tơroi hre hrông ăn jơnu\m pơgơ\r tơring păng ăn tơbăt, rim tơdrong jang te\ch pơdro noh yuơ hơkăn xư io\k jang noh ăh hơkăn kơdâu klenh xư ưh kơ băt vă pơm thoi yơ. Dang ei, [ok Giai duh klenh tơ\ nai ưh kơ băt.

          Yuơ tơ ‘ngla anih te\ch răt ưh kơ đei măt, anih ‘măn tơmam adoi hoh hoi, rim mu\k drăm nhen le\ tom ‘nhăk tơ\ nai, noh kon pơlei pơngơ\t kơ đon, đei minh [ar tơdrong pơm ưh kơ ‘lơ\ng. {ok Nguyễn Đức Phi, Kơdră Anih vei lăng kon pơlei xăh Ia Glai ăn tơbăt, jơnu\m pơgơ\r tơring păng anih jang kơpal oei hơvơn kon pơlei xơđơ\ng jơhngơ\m vă vei xơđơ\ng tơpôl lơ\m tơring: “Rim bơngai, rim unh hnam đei gơih pơkăp tơmam tơ\ anih te\ch răt Sáu Đào noh đe xư đei tơdrong pơm hloh kơ tơdrong ăn phep. Mă lei, xăh hlôi pơgơ\r Ko\ng ang xăh jang atu\m hăm Ko\ng ang apu\ng vei xơđơ\ng anih jang, ka#m ưh kơ ăn đei tơdrong phă pơrăm mu\k drăm kơ anih te\ch răt. Păng xăh hlôi đei hla bar pơgơ\r rim thôn, pơlei pơtruh hla bar ăn rim unh hnam đei gơih pơkăp tơmam tơ\  Sáu Đào noh dăh tơtenh bơ\ hla bar tơroi ăn kơ xăh băt hơdăh vă chă ako\m hơmet.”

          Thoi noh, tơdrong hre hrông kơ anih te\ch răt tơmam choh jang Sáu Đào tơ\ xăh hin dơnuh Ia Glai đei [ôh nhen le\ dôm tơdrong hre hrông tơ\ anih te\ch răt tơmam choh jang adrol ki tơ\ Tây Nguyên. Kon pơlei ‘nhăk tơmam choh pơtăm đei gơih pơkăp păng đei io\k hla bar chih pơkăp hăm ti dăh mă k^ măt lơ\m hla bar tơm. Đang kơ noh, ‘meh te\ch dôm yơ noh năm truh anih te\ch răt tơmam vă io\k jên pơkăp.

Kon pơlei k^ pơkăp gơih tơmm choh pơtăm đei hăm đon lui tôch drơ\ng; oei anih te\ch răt noh hiôk hian yua tơmam jang đei đơ\ng kon pơlei mă ưh kơ đei tơdrong pơkăp yơ găh kơluơ\t. Lai yơ đei [ôh hre hrông, anih ‘măn tơmam kơ anih te\ch răt pă đei oei yă kiơ bơih. Tơmam  oei nai, mă hăt noh teh hnam adro# măh ăn dôm anih mong jên io\k hre. Oei kon pơlei, bơngai jang hrat măng năr noh hiong pơđ^ mu\k tơmam po mă ưh kơ băt vă io\k tơvih thoi yơ. Dôm tơdrong ưh kơ [lep lơ\m pơkăp gơih tơmam choh jang đei tơ\ Tây Nguyên adoi oei [ôh lang xă nhen kơ minh tơdrong j^ u\ng thư hli hlơt, minh [ar [lon dăh mă minh [ar khei đei dơ\ng minh anih te\ch răt tơmam choh pơtăm hre hrông, pơdui hloi kơ hre\ng ‘nu bơngai jing tơnap tap kiơ\ hadoi.

Lan chih păng rapor