VOV4.Bahnar - Tơbăt 70 xơnăm Năr linh j^ rơka linh lôch do\ng teh đak, atu\m hăm ja#p teh đak, dôm dêh char Tây Nguyên hlôi đei lơ tơdrong jang kăp g^t vă jang kiơ\ pơkăp [lo\k tơbăt. Tơ\ apu\ng xơlam Đức Cơ, dêh char Gia Lai, tơring đei lơ unh hnam mă teh đak tơchơ\t tơgu\m jing kon pơlei kon kông, jơnu\m pơgơ\r tơring păng rim anih linh hlôi đei lơ trong jang tơnăp vă hơvơn man hnam ‘mêm kơ eng, tơgop hơ ‘nhăk tơdrong xo# xôn ăn lơ unh hnam.

Hloh minh [lon kơ âu, unh hnam [ok Rmah Phái păng hơkăn noh Rahlan Hphyem, oei tơ\ Plei Sung Le 2, xăh Ia Kla, apu\ng Đức Cơ, dêh char Gia Lai hơnơ\ng kơ xo# hơ\k. Jing ‘nho\ng oh linh lôch do\ng teh đak, unh hnam yă [ok ‘nao đei Anih jang 74 (Binh đoàn 15, Anih tơm linh), jang atu\m hăm Jơnu\m pơgơ\r tơring man păng pơjao hnam ‘mêm kơ eng. Hnam xă hloh 80 mét vuông, kơjăp ‘lơ\ng tơplih kơ hnam gia, chơne\ng pơ o phat mă yă [ok hlôi dăng oei lơ\m dôm j^t xơnăm kơ âu. {ok Rmah Phái tơroi: “Inh bơnê kơ Đảng, Teh đak păng Binh đoàn 15, Anih jang 74 tôch lơ. Inh [rơ\k kơ jơhngơ\m hăm tơdrong tơgu\m noh. Dang ei, inh đei hnam ‘mêm kơ eng kơjăp ‘lơ\ng. Inh hmach bơnê tôch dêh” 

Tơ\ pơlei Ghè, xăh Ia Dơk, apu\ng Đức Cơ, klo hơkăn [ok Rmah Bring păng yă Puih Pó, adoi jing dôm bơngai jang cách mạng xơ\ păng duh jing ‘nho\ng oh linh lôch do\ng teh đak duh [rơ\k kơ jơhngơ\m mơ\n. Hloh 40 xơnăm jo# đơ\ng năr đei jơnei rơngei, chôt vih tơ\ pơlei pơla, klo hơkăn [ok erih lơ\m hnam hyah hyok. Păng duh hăm jên tơgop đơ\ng kang [o# linh, bơngai jang lơ\m Anih jang 74, Binh đoàn 15 hlôi man ăn klo hơkăn [ok yă Rmah Bring minh pôm hnam ‘nao. {ok Bring ăn tơbăt, bre yă [ok hlôi hơ iă kơ jơhngơ\m: “{ok kră âu chhôk kơ jơhngơ\m, bơnê kơ đon bơnôh kon xâu, kơ jơnu\m pơgơ\r tơring păng Anih jang hlôi man ăn kơ inh minh pôm hnam ‘mêm kơ eng. {ok pă đei hli kơ ‘mi đak kơtoh nhen adrol âu ki bơih. {ok gô adrin hơvơn kon xâu erih mă tơnăp, adrin jang hơto\k mu\k drăm đe\ch”

Kiơ\ Thượng tá Nguyễn Mạnh Cường, Bí thư Đảng ủy, Pho\ kơdră Anih jang 74, Binh đoàn 15, io\k jang mu\k drăm, vei xơlam teh tơ\ dôm xăh xơlam tơnap tap, anih jang băt hơdăh xơnong jang kơ po hăm tơring. Tơdrong jang [lo\k tơbăt hlôi đei kang [o# linh, bơngai jang lơ\m anih jang âu io\k jang hơnơ\ng lơ\m lơ xơnăm kơ âu. Lơ\m 5 xơnăm kơ âu, anih jang hlôi hơvơn tora đei 2 tih 300 triu hlak jên, tơgop pơhlom 1 tih hlak jên vă man je# 30 to\ hnam ‘mêm kơ eng. Thượng tá Nguyễn Mạnh Cường ăn tơbăt:“Lơ\m dôm xơnăm kơ âu, hăm tơdrong pơgơ\r đơ\ng Đảng ủy, Khul kơdră anih jang noh hlôi tơle\ch lơ tơdrong jang [lo\k tơbăt lang xă păng đei yua tơnăp. Lơ\m xơnăm 2017, hơyak tơbăt 70 xơnăm Năr linh j^ rơka linh lôch do\ng teh đak, anih jang ako\m jang tơnăp hloh. Pơgơ\r lơ tơdrong năm apong, hơlêm, đang kơ noh axong tơdrong jang, tơgu\m lơ unh hnam mă teh đak tơchơ\t tơgu\m, bơngai đei ko\ng hăm cách mạng xơđơ\ng tơdrong erih.”

Đức Cơ jing apu\ng xơlam teh kơ dêh char Gia Lai. Kon pơlei kon kông lơ\m apu\ng hlôi đei lơ tơgop ăn cách mạng păng ăn tơdrong đei jơnei lơ\m tơdrong tơblăh vă vei vêr teh đak. Jang kiơ\ tơchơ\t [lo\k bơnê hăm dôm unh hnam đei ko\ng, xơnăm âu ki apu\ng Đức Cơ pơkăp man 53 to\ hnam ‘nao, hơmet 13 to\ hnam nai. Apu\ng hlôi jang kơjăp hăm dôm anih jang doanh nghiệp, mă hăt noh dôm anih linh lơ\m Binh đoàn 15 nhen Anih jang 74, Anih jang 75 păng Anih jang 72 vă tơle\ch jang. Truh dang ei, tơdrong hlôi keh đang. Atu\m hăm noh, hăm dôm unh hnam mă teh đak tơchơ\t tơgu\m, bơngai đei ko\ng, apu\ng oei kăp g^t tơre\k truh tơdrong axong tơdrong jang, pơm trong hiôk ăn kon pơlei pơm jang xơđơ\ng tơdrong erih. {ok Trịnh Văn Thành, Pho\ kơdră Anih vei lăng kon pơlei apu\ng Đức Cơ, dêh char Gia Lai ăn tơbăt: “Axong jang xơđơ\ng, đunh đai ăn dôm bơngai tơgu\m jơhngơ\m ăn teh đak noh apu\ng hlôi pơtho tơdrong jang ăn bơngai jang tơ\ tơring pơxe\l duh nhen jang hadoi hăm Binh đoàn 15 tơmơ\t đe ye\t jang ko\ng nhơ\n tơ\ anih jang găh kơxu. Truh dang ei, mă kăl dôm bơngai đei ko\ng păng ‘nho\ng oh đe ye\t adoi đei tơdrong jang xơđơ\ng păng xa jên khei jang rim khei, đei tơdrong erih măh mai [iơ\ dăh mă hơto\k hloh tơ\ tơring”

Hăm tơdrong tơgu\m đơ\ng jơnu\m pơgơ\r tơring, dôm anih jang doanh nghiệp păng mă hăt noh dôm anih linh, tơdrong jang [lo\k tơbăt tơ\ apu\ng xơlam teh Đức Cơ, dêh char Gia Lai oei đei jang tơnăp hăm lơ tơdrong jang kăp g^t. Noh jing dôm tơmam pôk g^t kăl vă pôk bơnê hăm dôm unh hnam mă teh đak tơchơ\t tơgu\m, bơngai đei ko\ng lơ\m tơring [ơ\t tơbăt 70 xơnăm Năr Linh j^ rơka Linh lôch do\ng teh đak.

Lan chih păng rapor