VOV4.Bahnar - Hlo\h 5 sơ năm âu ki, Kơ đông linh vei lăng ‘măng jang sơ lam Lệ Thanh, găh An^h che\p kơ\l pơ gơ\r [ô đo#i vei lăng tơ ring sơ lam dêh char Gia Lai bơ\ jang tơ drong pai por ‘nhot tơ gu\m ăn đe mon ho\k tro kon kông đei tơ drong arih xa mơ mat tat tơ\ tơ ring vă đe mon gơ\h năm ho\k. Sơ năm âu ki, trong jang ‘nâu đei pôk pơ ư lơ\m tơ drong jang “Tơ gu\m jơ hngâm ku\m hăm thây kô, chông ba đe o\h năm ho\k” păng đei An^h che\p kơ\l pơ gơ\r khul linh [ô đo#i vei lăng tơ ring sơ lam te\h đak athei pơih xă lơ\m khul linh.

O|h Rơ Mah H’Win, ho\k tro lăm 6, hnam trưng THCS Nguyễn Trãi, tơ\ plei Mook Đen 2, xăh Ia Dom, apu\ng Đức Cơ, dêh char Gia Lai me\ lôch hơ chăng đơ\ng tam mă đei 1 sơ năm. {ă chă kăn plơ\ng, hu\t hơ chăng 3 ‘nu mo\ o\h H’Win hmơ hmao chă vei lăng băl arih xa. Por so\ng oei hơ nơ\ng kơ măh, sơ năm ho\k lăm 2, H’Win ‘me\h hu\t ho\k, năm tơ\ mir jang [um, pơ tăm hơ [o hăm ‘nho\ng, mo\ sư. Mă lei tôch pu\n ai, H’Win đei đe linh [ô đo#i vei lăng tơ ring sơ lam truh tơ\ hnam pơ lung păng tơ gu\m por so\ng ‘năr dơ\ng tơ\ kơ đông vă o\h sơ đơ\ng jơ hngâm năm ho\k. Hlo\h 5 sơ năm âu ki, H’ Win ưh lăp sơ đơ\ng jơ hngâm năm ho\k, lơ sơ năm o\h j^ ho\k tro ho\k rơ gei tơ\ lăm đe\ch mă oei ho\k đei lơ tơ drong hơ iă đơ\ng đe [ô đo#i vei lăng tơ ring sơ lam dơ\ng.

H’Win tơ roi: “Tơ mam xa tơ\ âu tôch ‘lơ\ng, lơ tơ mam tơ\ hnam mon ưh đei mă đe ma pai ăn đe mon so\ng xa nhen ‘nhie\m păng kơ tăp bip. Đe ma pơ tho ăn nhôn, mưh truh tơ\ âu [ôh bơ ngai ‘lo\ ‘no\h athei hmach, hơ ku\h, hơ ku\h kơ bôl boăl, thây kô, ap^nh đe ma mưh ‘me\h pơm 1 tơ drong kiơ ‘no\h.”

Đơ\ng lăp 9 ‘nu mon, hrei ‘nâu hnam go\ pai tơ gu\m por ‘nhot oei io\k rong jơ so\ng xa ‘năr dơ\ng ăn 14 ‘nu mon, tơ tă kon hơ ‘lơ\p bơ ngai Jarai ngăl, đei tơ drong arih xa tôch mơ mat tat tơ\ tơ ring. Vă vei kơ jăp hnam go\ âu, rim khei, 1 ‘nu kơ dră che\p kơ\l kơ đông tơ le\ch 200 rơ bâu hlak jên, đe si quan linh tơ le\ch 100 rơ bâu hlak jên 1 ‘nu đơ\ng jên khei kơ dih. Jo# đơ\ng khei 6/2012 truh dang ei, ako\m đ^ đăng jên vă pơ ‘nho\ ăn Hnam go\ pai xa đei hlo\h 400 triu bơih.

Mă lei ro\ năng tơ drong hơ iă hlo\h ‘no\h j^, truh hăm hnam go\ pai tơ gu\m por ‘nhot âu, đe mon ưh đei hrơ mơ lou yă kiơ, ‘ngoăih kơ pai tôm tơ mam xa ‘lơ\ng ăn đe mon, đe linh vei lăng tơ ring sơ lam hơ nơ\ng đei đon pơ ma xa nhen thoi hnam tơ no\ kơ dih vă pơ tho tơ [ôh ăn đe mon. Kiơ\ kơ ‘no\h, đe mon đei ho\k io\k tơ drong pơ ma xa, oei xa lơ\m tơ drong arih rim năr. Mât lơ\m sơ năm ho\k ‘nao, đe mon đei hơ păh ăn klang tap, hla ar ho\k ‘nao, hơ tôch sơ năm mon yơ ho\k gơ\h, hơ gei đei pôk pơ ư păng ăn kiơ\ năm dăr lăng tơ\ trong sơ lam vă hơ len năng tơ drong pơm tơm te\h đak kơ dih.

Găh no\h dơ\ng, kơ đông oei ăn kăn [o# vei lăng tơ drong ho\k pơ hrăm đơ\ng đe mon, đơ\ng no\h, jang hơ doi kơ jăp hăm hnam trưng lơ\m tơ drong vei lăng măt ho\k tro năm ho\k. Kô Nguyễn Thị Kim Yến, Pho\ hie#u trơng hnam trưng THCS Nguyễn Trãi, xăh Ia Dom, apu\ng Đức Cơ ăn tơ băt:

“Pơ tih gia, năr ‘nâu ưh [ôh đe mon năm ho\k ‘no\h nhôn krao điên thoăi, đe ma roi tơ băt tôch tơ tom. Mă 2, [ôh đe mon chu phep ngăl, đei jơ hngâm đon ‘lơ\ng, pơ ma xa gơ\h hăm bôl boăl, băt vei lăng rơ go\h hơ kâu jăn dơ\ng.”

Đơ\ng ro\ng hlo\h 5 sơ năm đei pơ jing, hơ met pơ ‘lơ\ng, [ât hơ tuch sơ năm 2017 âu ki, hnam go\ pai tơ gu\m por ‘nhot tơ\ kơ đông linh vei lăng ‘măng jang sơ lam apu\ng plenh te\h Lệ Thanh đei pôk pơ ư lơ\m Hop ako\m pơ tôch tơ drong jang “Tơ gu\m jơ hngâm ku\m hăm thây kô, chơng ba đe o\h năm ho\k” yoa An^h che\p kơ\l pơ gơ\r Khul linh vei lăng tơ ring sơ lam te\h đak, An^h tơm vei lăng pơ tho pơ hrăm păng Trung ương Khul druh dăm pơ gơ\r. Atu\m hăm ‘no\h, An^h che\p kơ\l pơ gơ\r khul linh vei lăng tơ ring sơ lam te\h đak akhan ‘nâu j^ trong jang tôch ‘lơ\ng, đei yoa lơ\m tơ pôl, [e\nh jơ hngâm đon ‘mêm băt păng kăl đei pơih xă lơ\m đ^ đăng khul linh. 

{ok Hồ Đình Ký, Pho\ Bí thư đảng xăh Ia Dom, apu\ng Đức Cơ pơ ma: “Đơ\ng sơ\ truh dang ei, đe linh hlôi jang ‘lơ\ng tơ drong tơ gu\m ăn đe o\h so\ng xa, ho\k chư, găn [iơ\ kơ so# ho\k tro hu\t ho\k tơ\ tơ ring. Mă loi hăm đe o\h găh u\nh hnam tơ nuh, lơ o\h dang ei ‘lo\ bơih, ho\k to\k tơ\ jăl 3, đei o\h đ^ năm ho\k trung kâp bơih. Tơ drong tơ gop ‘no\h pơ jing jơ hngâm đon ăn đe o\h, ku\m nhen tơ drong lăng [ôh, hlôh vao đơ\ng kon pơ lei hăm khul linh vei lăng tơ ring sơ lam.”

Nguyễn Thảo: Chih

Dơ\ng: Tơ blơ\