VOV4.Bahnar - Lơ\m tơdrong khăm hơmet j^ ăn kon pơlei tơ\ tơring xơlam, hnam pơgang kơ Anih linh vei xơlam teh Dak Lak, roi năr roi tơbang đei xơnong kăp g^t, hơto\k hơdăh tơdrong jang tơnăp lơ\m chă khăm hơmet j^ ăn kon pơlei. ‘Nguaih kơ noh, hăm lơ tơdrong jang dơnưp, khul thây pơgang tơ\ Anih linh vei xơlam teh Dak Lak oei pơm pơ ‘lơ\ng um ai bơngai linh {ô đo#i {ok Hồ, jing um ai ‘lơ\ng hơ iă păng ‘mêm kơ eng hloh lơ\m tơpôl kon pơlei tơring xơlam.

Hnam pơgang kơ Anih linh vei xơlam teh tơ\ pơlei Drăng Phốc, xăh xơlam teh Krông Na, apu\ng Buôn Đôn, dêh char Dak Lak đei hơmet tôm tơmam drăm hơmet j^, măh mai ăn tơdrong khăm hơmet j^ ăn kon pơlei. Rim xơnăm, ‘nguaih kơ vei lăng jơhngơ\m jăn ăn kang [o# linh, hnam pơgang oei khăm hơmet j^, axong pơgang ăn hloh 1500 ‘nu bơngai j^. {ok Y Klung H’đơk, oei tơ\ pơlei Drăng Phốc, xăh Krông Na, ‘nao klaih đơ\ng j^ 5 năr đei hơmet j^ tơ\ Hnam pơgang kơ Anih linh vei xơlam teh chơt hơ iă ăn tơbăt: “Lăng atu\m khăm hơmet j^ ưh kơ kăl năm ataih bơih, dang ei tơdrong khăm hơmet j^ ăn kon pơlei ‘lơ\ng bơih, đon bơnôh linh hăm kon pơlei noh atu\m minh đon, atu\m oei jang xa hăm kon pơlei, mă kăl noh hnam pơgang linh tơ\ âu tơnăp hăm kon pơlei, kon pơlei nhôn bơnê tôch lơ”.

Bơ\ jang đei je# 3 xơnăm, Hnam pơgang linh tơ\ xăh xơlam teh Ia R’vê, apu\ng Ea Súp, duh pơm jang tơnăp găh tơdrong khăm hơmet j^, vei lăng jơhngơ\m jăn grăng pran ăn [ô đo#i păng kon pơlei. Atu\m hăm noh, kang [o# linh thây pơgang hlôi jang atu\m hăm anih jang y tế tơ\ tơring jang tơnăp tơdrong tang găn pơrang j^ nhen: [et pơgang tang găn j^, pruih pơgang, tong kơmu\ng hăm pơgang vă tang găn rim tơdrong j^, mă hăt noh pơlo\ pơgru\n ăh khei tơplih pơyan... Yă Nông Thị Cầu, oei tơ\ thôn 5, xăh Ia R Vê, apu\ng Ea Súp ăn tơbăt: Kon pơlei tơ\ thôn 2, 3 păng 8 kơ xăh Ia R’Vê, apu\ng Ea Súp adrol ki, rim ‘măng j^ pơlo\ noh athei yak je#  50 km năm tơ\ apu\ng vă khăm hơmet j^ noh hrat dêh, dang ei đei hnam pơgang kơ Anih linh vei xơlam teh, yă da [iơ\ pơngơ\t kơ đon:  “Đei tơdrong tơgu\m đơ\ng [ô đo#i vei xơlam teh, đei hnam pơgang tơ\ âu, đei [ak sih tơ\ âu, mă kăl noh đei thây pơgang bơ\ jang noh nhôn xơđơ\ng jơhngơ\m pơm jang bơih...”

5 xơnăm kơ âu, Khul jang găn pơgang kơ Anih linh vei xơlam teh Dak Lak jang atu\m hăm dôm anih linh vei xơlam teh păng rim hnam pơgang linh tơguăt hăm kon pơlei tơ\ tơrign xơlam pơgơ\r khăm hơlen jơhngơ\m jăn, axong pơgang ăn dôm j^t rơbâu ‘nu bơngai; ka#p kư\u hloh 580 ‘nu bơngai. Atu\m hăm noh, rim anih linh vei xơlam teh dru\t kơtang tơdrong pơtho vei hơlen jơhngơ\m jăn lơ\m tơpôl băt găh oei xa rơgoh vă tang găn păng tơjră pơlo\ pơgru\n, j^ HIV/AIDS, vei rơgoh tơmam xa, pơkăp rơneh hơ ioh lơ\m unh hnam... Kiơ\ kơ Thượng tá Âu Chiến Thắng, Kơdră Hnam pơgang kơ Anih linh vei xơlam teh Dak Lak noh, mă đei jơnei hơ iă lơ\m tơdrong jang vei hơlen jơhngơ\m jăn ăn kon pơlei tơ\ tơring xơlam, mă lei tơdrong jang âu tơ\ tơring xơlam duh oei đei lơ tơnap tap kăl adrin hloh dơ\ng, mă hăt noh axong ming man anih jang, kơmăi kơmo\k khăm hơmet j^, vă [lep hăm tơdrong kăl hơmet klaih đơ\ng j^ ăn kon pơlei “ ‘Meh vă khei năr truh âu kơnh, đei lơ tơdrong hiôk hloh vă pơm jang lơ\m tơdrong vei lăng jơhngơ\m jăn ăn kon pơlei. Dôm jăl kơpal atu\m pơm jang vă tơgu\m kon pơlei vei ‘lơ\ng jơhngơ\m jăn. Grăng pran ling lang vă tơguăt hăm tơring, pơjing pơlei pơla xơlam teh, pơjing unh om erih ph^ tơto\ dơno\ ‘lơ\ng jơnap xo# xôn...”

Lan chih păng rapor