VOV4.Bahnar - Khul jang đơ\ng An^h Trung ương Mặt trận Tổ quốc Việt Nam bơ\ jang hăm Dơ no\ an^h vei lăng kon pơ lei dêh char Gia Lai găh tơ drong bơ\ jang kiơ\ luơ\t sơng kon pơ lei păng sek tơ lang tơ drong tơ kêng tơ\ tơ ring.

An^h Trung ương Mặt trận Tổ quốc Việt Nam dăr lăng tơ\ Gia Lai

Kiơ\ hla ar chih tơ roi, đơ\ng blu\ng sơ năm 2017 truh dang ei, dôm tơ ring păng an^h jang kơ pal lơ\m dêh char Gia Lai pơ gơ\r sơng hlo\h 5000 ‘nu kon pơ lei. Dêh char io\k đei vă je# 2.800 hlak hla ar tơ kêng păng chih nơ\r hơ pơi, [ơm truh 3 tơ drong j^: vei lăng, jang tư phap păng pơm kiơ\ nơ\r sek phak.

Đơ\ng khei 8 sơ năm sơ\, tơ drong sơng kon pơ lei đei Dơ no\ an^h vei lăng kon pơ lei dêh char Gia Lai tơ plih ‘nao, bơ\ jang hơ doi hăm Khul tang măt Kuo#k ho#i păng Jơ nu\m pơ gơ\ kon pơ lei dêh char 1 khei 1 ‘măng.

Dêh char sek tơ lang đei vă je# 200 hla ar tơ kêng, chih tơ [ôh tơ drong glăi păng athei io\k pơ dreu jên ăn te\h đak hlo\h 1 ti. Mă lei, ku\m oei đei tơ ring, an^h jang kơ pal tơ\ Gia Lai tơ mât yoa kơ măy chih răk găh tơ drong tơ kêng vă lăng năng tơ drong sek tơ lang. Kơ dră che\p kơ\l lơ an^h jang tam mă jang ‘lơ\ng tơ drong sơng kon pơ lei 2 ‘măng 1 khei.

Dơ\ng: Tơ blơ\