VOV4.Bahnar- An^h cho\h jang xa oei pơ gơ\r jang tôch pran tơ drong hơ met ming trong jang vă jang to\k. Kiơ\ dôm bơ ngai juatư jang, tơ drong hơ met pơ ‘lơ\ng mơ mat tat, pơ long nol đơ\ng hơ yuh to\ ‘mi kial tơ plih, trong jang xa ie\ păng tơ drong pơ jei băl mưh mât jang hơ doi roi to\k, hơ met ming dôm tơ drong cho\h jang xa athei hơ to\k trong jang hơ doi păng pơm hơ to\k kơ jă tơ mam drăm jang đei:

{ok Lê Văn Bình, Pho\ Kơ dră An^h mu\k drăm, An^h jang kơ Kuo#k ho#i ăn tơ băt, kơ so# GDP to\k đơ\ng cho\h jang xa, pơ tăm ‘long, rong ka hơ dang dôm sơ năm âu ki đei [ôh roi vă jur. Sơ năm 2014 to\k 4%, mă lei jur hơ nơ\ng lơ\m 2 sơ năm 2015 păng 2016 hăm kơ so# to\k 2,6% păng 1,3%: “Tơ drong cho\h jang xa hơ nat vă gơ\h jang to\k nhen dôm sơ năm âu ki, yoa tơ drong vă jang to\k lơ tơ drong nhen pă đei bơih, mă lei bơ\n oei đei trong jang to\k găh tơ mam ‘lơ\ng. Tơ\ âu tơ dăh tơ mât jên jang pran găh khoa ho\k kơ măy kơ mo\k, tơ đăh ‘long, trong jang, păng jang hơ doi ‘no\h oei ke\ to\k mơ\n, vă năm truh tơ drong cho\h jang xa jang đei tơ mam ‘lơ\ng.”

‘Ngoăih kơ hơ met pơ ‘lơ\ng dôm tơ drong ưh kơ lăp găh trong tơ gu\m [ơm truh tơ\ te\h păng jên asong to\k io\k hăm jên kon to\ se\t vă sơng an^h jang truh jang xa, tơ drong kăl hlo\h mă an^h cho\h jang xa kăl tơ le\ch jang tơ\ hơ năp kơnh ‘no\h chih hơ dăh an^h vă te\ch mơ dro păng pơm tơ le\ch tơ mam ‘lơ\ng vă hơ to\k kơ jă tơ mam đơ\ng cho\h jang xa, ‘nâu j^ tơ drong kăl hlo\h dang ei.

{ok Nguyễn Xuân Dương, Pho\ Kơ dră An^h rong kon tơ rong, An^h tơm vei lăng cho\h jang xa păng ato\k tơ ring tơ rang pơ ma akhan, tơ\ hơ năp kơnh, lơ tơ drong tơ chơ\t găh te\ch mơ dro 2 pang, lơ pang pơ tơm đei yoa, tơ mam đơ\ng cho\h jang xa athei pơ jei hăm dôm tơ mam đơ\ng te\h đak đe, pơm ưh ‘no\h truh tơ drong hơ to\k kơ jă tơ mam đơ\ng cho\h jang xa pơ ma adro# păng trong jang to\k tơ\ an^h jang pơ ma atu\m: “Ưh kăl pơ ma lơ truh kơ jă đơ\ng an^h cho\h jang găh hơ găt te\h, plei ‘lơ\ng păng tơ mam lơ kiơ dơ\ng, bơ\n athei pơm hơ to\k đei kơ jă đơ\ng pơm đei tơ mam ‘lơ\ng. Tơ dăh ưh bơ\n hơ nơ\ng athei an^h cho\h jang xa pơih xă hơ găt te\h, hơ to\k tơ mam jang đei ‘no\h huach tơ mam hai, hiong ko\ng jang hai, păng gô đei tơ drong răm tih ‘năi. Ưh kăl jang lơ mă lei athei pơm sư mă ‘lơ\ng vă te\ch măk [iơ\, bơ ngai jang chu\n mir ku\m [ôh rơ hơi hiôk [iơ\. Bơ\n pơm tơ le\ch te\ch mơ dro tơ mam ‘lơ\ng ‘no\h đei yoa lơ.”

Kơ dră An^h tơ le\ch trong tơ gu\m păng trong jang ato\k tơ iung cho\h jang xa, tơ ring tơ rang Nguyễn Đỗ Anh Tuấn akhan, an^h choh jang xa athei tơ plih ming đon tơ che\ng găh jang xa, păng adrin tơ plih ‘nao vă pơm hơ to\k tơ mam ‘lơ\ng păng kơ jă te\ch... Mă loi j^ hơ to\k dôm tơ drong jang xa đei io\k yoa ‘lơ\ng khei ‘năr âu ki nhen: 1 pơ lei 1 tơ mam, tơ mât yoa kơ măy kơ mo\k ‘nao lơ\m tơ drong cho\h jang xa, trong jang hơ doi pơ tho tơ drong jang đơ\ng an^h te\ch mơ dro hăm bơ ngai jang chu\n mir: “Athei lăng dơ\ng dôm tơ drong tơ gu\m lơ\m cho\h jang xa đơ\ng sơ\ truh dang ei nhen tơ plih te\h chu\n na rei pơ tăm [a, pơ tăm ming che\h phe ‘nao tơ le\ch đei 700 ti oei lơ\m hla ar chih hơ găt, Te\h đak pơ jao ăn an^h mong jên cho\h jang xa ‘no\h 12 rơ bâu ti, Tơ drong tơ chơ\t 68, Tơ drong tơ chơ\t 210 găh sơng io\k jên tơ mât ăn cho\h jang xa oei hiơ\. Găh jên to\k io\k vă jang, khoa ho\k, kơ măy kơ mo\k kăl đei hơ to\k jên jang păng athei jang kiơ\ trong jang hơ doi đơ\ng te\h đak hăm an^h te\ch mơ dro. Roi tơ [ôh hơ dăh an^h tơ mât yoa vă an^h te\ch mơ dro vang jang, oei tơ dăh hơ nơ\ng tơ che\ng hơ len nhen hrei ‘nâu ‘no\h hơ nat vă gơ\h đei yoa lơ.”

Lơ\m hop ako\m trư\k tuye#n pơ tôch tơ drong cho\h jang xa sơ năm 2016 păng tơ le\ch trong jang lơ\m sơ năm 2017, Thủ tướng Nguyễn Xuân Phúc tơ tă ăn an^h choh jang xa athei năng kăl truh trong pơm hơ to\k kơ jă tơ mam. Cho\h jang xa athei ke\ tơ jră hăm hơ yuh to\ ‘mi kial tơ plih, mât jang hơ doi hăm apu\ng plenh te\h mă kơ jă, năng kăl truh tơ mam te\ch mơ dro tơ\ te\h đak đe. Yoa thoi no\h, athei pơ jing an^h cho\h jang xa rơ gei, tơ mât yoa khoa ho\k kơ măy kơ mo\k ‘nao, đei kơ jă lơ, vei sơ đơ\ng tơ drong erih xa tơ pôl, hơ met pơ ‘lơ\ng tơ drong erih xa ăn kon pơ lei jang chu\n mir, mă loi j^ tơ\ tơ ring atăih yăih. Tơ drong vă jang to\k cho\h jang xa oei lơ, tơ drong kăl đei tơ le\ch ‘no\h athei đei trong tơ gu\m, trong pơ gơ\r jang mă lăp, thoi ‘no\h mă an^h jang âu gô jang to\k pran [iơ\.

Dơ\ng: Tơ blơ\