VOV4.Bahnar - Lơ\m 2 năr kơ âu, dêh char Dak Nông pơgơ\r hop ako\m Ko\ng đoan dêh char ‘măng mă 4, jăl jang xơnăm 2018-2023. Jăl jang âu ki, dôm jăl jang ko\ng đoan lơ\m dêh char hlôi hơlêm kang [o#, đoàn viên, bơngai jang yak hloh tơnap tap, jang tơnăp tơdrong pơlong jang băt ‘mêm kơ teh đak, keh đang dôm tơdrong tơchơ\t jang. Lơ\m jăl jang, ja#p dêh char pơjing ‘nao 52 ko\ng đoan tơ\ tơring, tơroi je# 1.800 đoan viên tơmơ\r jang Đảng.

Hăm pơkăp “Tơplih ‘nao, hiôk hian, tơguăt, tơnăp”, jăl jang truh âu kơnh, Ko\ng đoan dêh char Đak Nông pơtoi ako\m tơplih ‘nao anih jang păng pơm jang; tơre\k hăm tơdrong pơyua ăn bơngai jang tơnăp hloh, tơguăt hăm vei xơnong pơyua tro\ [lep hăm bơngai jang; pơjing anih jang xơđơ\ng xơnêp gơh rơgei; vang pơjing jơnu\m jang pran, pơ ‘lơ\ng Đảng, jơnu\m pơgơ\r anih jang dơnưp hlăng ‘lơ\ng.

Lan chih păng rapor