VOV4.Bahnar - Hăm jơhngơ\m đon ‘mêm kơ eng kơ m^nh ‘nu bơngai me\, sư kô Thích nữ Khánh Đức oe\i lơ\m Hnam chùa Phước Điền, tơring Hòa Thắng, pơlei tơm Buôn Ma Thuột, dêh char Dak Lak hlôi rong ‘em 6 ‘no o\h mơti mơte\k, hơ io\h nông nôt lơ sơnăm au ki. Gơnơm đơ\ng sư kơna dôm bơngai er^h sa mơmat tat đe\i do\ng tơgu\m rong ‘me, đe\i tơdrong er^h sa ‘lơ\ng hơ iă.

Lăng mon hơ io\h Cù Minh Trí, to\k bo\n pơchơt ngôi hăm hơ io\h lơ\m cham hnam chùa Phước Điền tơring Hòa Thắng kơ pơlei tơm Buôn Ma Thuột, dêh char Dak Lak hui bơngai lui akhan 6 sơnăm sơ\ bơngai hơ io\h au răm me\ [a\ hu\t [ơ\t ‘măng jang hnam chùa au lơ\m mă klo\k tim mă kơte\ch, akau jăn pơ brăm, dui jơhngơ\m mơhat. Tơ\ anăp tơdrong au, Sư kô Thích Nữ Khánh Đức, che\p pơgơ\r hnam chùa hlôi io\k ao kơ su păng năm ba ming hơmet tơ\ hnam pơgang tơring. Dôm khe\i hloi, sư kô ve\i lăng năng tông adoi tơchă me\ [a\ kơtum kơto\ng bnge au, mă le\i ư\h kơ đe\i bu năm sơng io\k … Dang de\i, Trí to\k bo\k đe\i rong ‘me lơ\m jơhngơ\m đon ‘mêm kơ eng kơ sư kô păng rim bơngai lui phật tơ\ au.“ Kon oe\i tơ\ au đe\i Sư phụ hơnhăk rong ‘me păng ^nh năm ho\k. Oe\i tơ\ au kon đe\i chă pơm ngôi tôch chơt hơ iă.”

Sư kô Thích Nữ Khánh Đức to\k bo\k pơm ngôi hăm rim đê hơ io\h tơ\ Hnam chùa Phước Điền

Mon Cù Minh Trí lăp 1 lơ\m 6 ‘nu o\h đe\i me\ [a\ hơchăng char dăh mă mơti mơte\k đe\i Sư kô Thích Nữ Khánh Đức păng hnam chùa Phước Điền hơnhăk ba rong ‘me đơ\ng sơnăm 2007 tru\h dang e\i. ‘Mêm kơ eng rim ‘nu kon, sư kô ve\i lăng năng tông ‘mêm kơ eng le\i lăi d^h băl đơ\ng tơdrong so\ng sa tru\h tơdrong chă tip. Rim chă j^ jăn, sư kô kơ ‘m^n năm chă ming hơmet j^ jăn tơ\ rim hnam pơgang, kro\ng măng iung đơ\ng hrôih atu\m hăm đe kon. Yak hlo\h tơdrong j^ jăn, rim kon hơ ‘lơ\p pran jăng grăng akau. Lăng đe sư chă hơnul d^h băl, lăng d^h băl nhen le\ ‘nho\ng o\h pôm me\ [a\, jơhngơ\m sư kô chhu\r tơno\. Mă kăl, vă đe kon đe\i tơdrong er^h sa ‘lơ\ng hơ iă hlo\h, sư kô pơ pro\ tơdrong pơtho pơ hrăm ăn đe sư ‘lơ\ng hlo\h, ‘mong răk kon jên vă ăn đe sư năm tơ\ pơlei tơm ho\k pơ hrăm. M^nh năr 2 ‘măng mă đơ\ng ‘mi dăh mă prăng, um rup sư kôchă chơ ba rim đe kon năm ho\k hlôi joăt joe hăm kon pơlei tơring Hòa Thắng. Tơbăt găh tơdrong chă rong ‘me đe hơ io\h mơti mơte\k, hơ io\h răm me\ [a\ hu\t hơchăng, sư cô Thích Nữ Khánh Đức tơbăt:“Hăm jơhngơ\m đon ‘mêm kơ eng kơ hnam chùa rong ‘me đe mon, kơ yuơ kơ d^h hnam chùa mư\h sơng io\k rong ‘me đe mon, ‘no\h ‘nau ư\h khan jing An^h tơm đe\i drơ\ng, đe\i lơ bơngai băt tru\h mă le\i kơ yuơ đơ\ng jơhngơ\m đon ‘mêm kơ eng mă đe\i ‘no\h mư\h rim đe mon đe\i tơdrong răm lơ lau ‘no\h hnam chùa lăp băt plang pơ đ^ jơhngơ\m đon ‘mêm kơ eng ăn kơ đe mon păng rong ‘me đe mon t^h vơ\ djơ\ ‘lơ\ng păng ăn đe mon năm ho\k pơ hrăm.”

Sư kô Thích Nữ Khánh Đức to\k bo\k pơtho o\h Cù Minh Đức ho\k [ai păng pơ hrăm ch^h chư

‘Ngoăih tơdrong lui, rong ‘me đe hơ io\h oe\i lơ\m hnam chùa, Sư cô Thích Nữ Khánh Đức oe\i atu\m hăm rim bơngai ho\k pơ hrăm tơdromg lui phật năm tơ\ pơlei tơm Buôn ma Thuột pơgơ\r rim ‘măng iung jang, krao hơvơn rim bơngai đe\i hơngơ\m đon ‘mêm mơnat chă tơgu\m djru ăn dôm bơngai tơnap tap lơ\m tơdrong er^h sa. Ư|h kơ ‘nhoen tơnap tap hrat hr^n, sư kô ngăl năm tơ\ tơring atăih yăih, tơring kăl đe\i tơdrong chă tơgu\m djru vă pơm gơng, man hnam ‘mêm mơnat, pôk ăn kon jên ho\k pơ hrăm ăn hơ io\h dơnu\h … Tơbăt dơ\ng găh hnam chùa Phước Điền, adoi nhen dôm tơdrong jang đơ\ng jơhngơ\m đon ‘lơ\ng kơ sư kô, [ok Y Yên Mlô, Kơ ie\ng Kơdră che\p pơgơ\r Dơno\ an^h ve\i lăng kon pơlei tơring Hòa Thắng, pơlei tơm Buôn Ma Thuột, dêh char Dak Lak tơbăt:“Lơ\m tơring Hòa Thắng ‘no\h Hnam chùa Phước Điền jang ‘lơ\ng rim tơdrong jang đơ\ng te\h đak găh tơdrong lui khop. ‘Ngoăih kơ ‘no\h hnam chùa je\i tơgu\m ăn tơring đe\i dơ\ng dôm tơno# tơmam drăm tơgu\m ăn bơngai dơnu\h, jing m^nh an^h jang tơdrong ‘mêm kơ eng kơ tơring, rong ‘me dơ\ng 6 ‘nu hơ io\h mơti mơte\k ư\h kơ đe\i đe rong ‘me, jang ‘lơ\ng tơdrong jang ve\i lăng năng tông oe\i sa tơpôl.”

Prăt 10 sơnăm au ki, hăm jơhngơ\m đon ‘mêm kơ eng d^h băl, Sư kô Thích Nữ Khánh Đức păng Hnam chùa Phước Điền hlôi jing an^h gơnang ‘lơ\ng hơ iă hlo\h hăm đe hơ io\h tơnap tap, vă đe o\h đe\i dơ\ng jơhngơ\m đon t^h vơ\ djơ\ ‘lơ\ng.  

Bơngai ch^h: Hương Lý

Tơblơ\ nơ\r: Amazưt