Kiơ̆ kơ Anih vei lăng jang pơgang Gia Lai, đơ̆ng blŭng sơnăm truh dang ei, lơ̆m dêh char chih iŏk hloh 2.000 ‘nu pơlŏ lĕch tơƀroih tơƀrônh jâu jĭ grŏnh tơ̆ đĭ đăng 17 apŭng, thị xã, pơlei tơm kơ dêh char. Lơ̆m noh, kơsô̆ bơngai jâu jĭ grŏnh tam mă đei ƀet vắc xin đei 40%. Sơnăm 2024, dêh char hlôi iŏk đei kơsô̆ ƀet bơ̆ng hloh 95%, păng dang ei tŏk bŏk tơlĕch tơdrong jang ƀet bơ̆ng sơnăm 2025, hơdrin jang đang lơ̆m khei 3 hăm tơdrong hơgăt ƀet vắc xin ăn kơ hloh 95% hơioh kăl kơ ƀet.

Tơ̆ jơ bơ̆jang, khŭl bơ̆jang kơ Anih tơm vei lăng jang pơgang pơma hơdăh tơdrong kăl hloh đơ̆ng tơdrong ƀet bơ̆ng, athei Gia Lai chih pơkeh hla ar roi tơbăt, tŭn hrĕnh tơdrong jang ƀet bơ̆ng păng akŏm tơ jur tơpoh băl tơ̆ hơnih hơmet. Hơdai hăm ‘noh, Gia Lai kăl kơ hơtŏk ‘lơ̆ng đon băt kơchăng lơ̆m tơpôl, hơmet ‘lơ̆ng khŭl jang dăr hơlen jĭ jăn păng jang hơdai kơjăp đơ̆ng dôm anih jang kơpal vă tang găn jĭ đei yua.