Kiơ̆ đơ̆ng hơnih tơm Dăr lăng hơlen tơdrong jĭ jăn dêh char Dak Lăk, đơ̆ng blŭng sơnăm 2025 truh dang ei, lơ̆m dêh chat hlôi đei hloh 620 ‘nu bơngai pơlŏ lĕch đe đei jou kĭ grŏnh, lơ̆m ou đei 207 ‘nu bơngai tơpoh jĭ hăm sơmach jĭ grŏnh. Rim bơngai jĭ akŏm tơ̆ rim apŭng Buôn Đôn, Krông Pach, Ea Súp păng M’Drăk, găh lơ tim mă đei ƀet pơgang bơ̆ng. Tơchĕng hơlou, bơ̆ jang ƀet bơ̆ng gô tơlĕch jang ăn hloh 7.800 ‘nui hơ ioh đơ̆ng 6 sơnăm truh tim mă truh 9 sơnăm păng hloh 34.600 ‘nu hơ ioh đơ̆ng 1-10 sơnăm. Ƀok Hoàng Hải Phúc, Kơdră chĕp pơgơ̆r hơnih tơm Dăr lăng hơlen tơdrong jĭ jăn dêh char Dak Lăk pơma hơdăh, vă tơdrong jang ƀet bơ̆ng iŏk đei jơnei, kăl đei vang iung jang đơ̆ng pơ đĭ khul chinh trĭ, iung jang hơdoi kơjăp ƀar păh Hơnih jang pơgang hăm pơtho pơhrăm lơ̆m tơdrong dăr lăng hpơlen đe hơ iŏh, pơrô̆ athei mĕ ƀă hŏk tro ăn kon hơ ‘lơ̆p chă ƀet bơ̆ng vaccine ƀlep jơ ‘năr pơkă.