Mă kăl ‘noh khăm hơlen, ming hơmet bơngai jĭ; atŏk kơtang pơm rơgoh cham char, dăr lăng kơjăp pơrang jĭ păng vei lăng kơjăp tơdrong pơm tơpoh. Đơ̆ng blŭng sơnăm truh dang ei, Dak Lăk đei ƀôh 5 hơnih tơpoh jĭ jơ̆ng ti ƀơ̆r hăm dang 700 ‘nu bơngai jĭ tơ̆ lơ tơring; 26 ‘nu bơngai tơpoh jĭ chŭ păng vă jê̆ 600 ‘nu pơlŏ lĕch đe, tŏk kơtang pơtêng hăm dôm khei ou sơnăm sơ̆. Hơnih tơm jang Tang găn jĭ jăn Dak Lăk hlôi pơjing khul dăr lăng, lăng hơlen păng pơtho tơbăt, pơrô̆ tơbăt ăn kon pơlei pơm hơtŏk jơhngơ̆m đon kơchăng, hlôh vao lơ̆m tang găn hơlou. Adoi, ƀơk ăn pơgang vă pruih pơm rơgoh ‘lơ̆ng cham char, tang găn pơrang jĭ.