VOV4.Bahnar - Anih jang Ko\ng thương dêh char Kon Tum pơtơm tơroi găh tơdrong mă jơnu\m pơgơ\r dêh char Attapư, teh đak Lào xut le# tơchơ\t ka#m răt tơmơ\t 15 tơmam xa đơ\ng Việt Nam kiơ\ ‘măng xơlam apu\ng plenh teh Phu Cưa- Bờ Y. Kiơ\ Anih jang Ko\ng thương dêh char Kon Tum, 15 tơmam xa đei jơnu\m pơgơ\r dêh char Attapư, teh đak Lào xut le# ka#m răt đơ\ng Việt Nam găn ‘măng xơlam Phu Cưa- Bờ Y, đei ka rong (ưh jo# hơdang păng kamư\k), dôm kơloăi bier, tơdrô, hơ\t hla, ‘nhe\m nhu\ng, ‘nhe\m rơmo, kơpô, tơmam et nhă đei ga păng phe tơyông. Tơdrong mă Jơnu\m pơgơ\r dêh char Attapư pơkăp xut le# ka#m răt tơmơ\t hăm 15 tơmam âu noh hiôk hian ăn tơdrong te\ch răt tơmam drăm kơ 2 tơring.

Lan chih păng rapor