VOV4.Bahnar - Hơ to\k tơ drong jur jang tơ\ pơ lei pơ la, tơ gu\m ăn kon pơ lei hơ met pơ ‘lơ\ng mơ mat tat, ‘no\h ku\m jing trong jang mă đe kăn [o#, linh ko\ng an dêh char Dak Lak pơ tâp pơ hrăm jơ hngâm đon tơ blăh, oei xa je# kon pơ lei, hlôh vao kon pơ lei. {lep [ât tơ băt 55 sơ năm Năr khul linh kanh sat kon pơ lei (20/7), bơ\n chă hơ len năng dôm tơ drong jang đơ\ng khul linh kanh sat kơ đo\ng dêh char Dak Lak, hue lăng truh tơ\ tơ ring, bơ\ jang kiơ\ 6 tơ drong {ok Hô pơ tho ăn ko\ng an kon pơ lei Việt Nam.

Lơ sơ năm ‘nâu, tơ\ lơ pơ lei pơ la, tơ ring atăih yăih kơ dêh char Dak Lak, um rup đe kăn [o#, linh Kanh sat kơ đo\ng, tơ\ kơ ‘năr cho\h ‘ngie\t, kôch hơ met hơ bong đak, tung ‘long, pơ du\ te\h pơm hơ met trong đei [ôh hơ nơ\ng. Muh măt jơ măng, [ơ\r hie\k iâm dim đơ\ng đe ‘nho\ng jing tôch juăt lơ\m dôm ‘măng ngôi pơ chơt, hơ păh tơ mam, man hnam tơ gu\m ăn u\nh hnam mơ mat tat. Hơ dro# sơ năm 2016, Kanh sat kơ đo\ng Dak Lak pơ gơ\r 3 ‘măng năm bơ\ jang tih, hăm 900 ‘nu kăn [o#, linh vang jang, tơ gop hlo\h 6 rơ bâu năr jang.

Đại tá Hồ Bắc, Kơ dră che\p kơ\l An^h Kanh sat kơ đo\ng, Ko\ng an dêh char Dak Lak ăn tơ băt, ‘nâu ưh kơ s^ lăp tơ drong cho\h jang, tơ gu\m ăn kon pơ lei hmă đech mă ‘nâu j^ tơ drong pơ tâp pơ hrăm vă bơ\ jang ‘lơ\ng [iơ\ dôm tơ drong jang chinh tr^:

“Mă 1 nhôn pơ tâp linh mơ lôh băt trong jang lơ\m tơ drong erih xa, păng mă 2 pơ tho găh tơ drong jang đơ\ng Ko\ng an ‘ngoăih kơ bơ\ jang athei oei xa hơ dai mă ‘lơ\ng hăm kon pơ lei; yoa kăch mang j^ tơ drong jang kơ kon pơ lei, tơ dăh đei kon pơ lei tơ gu\m ‘no\h bơ\n gơ\h jang ke\h đ^. Đang kơ ‘no\h nhôn gơ\h băt đ^ tơ ring vă tơ le\ch trong jang, sek tơ lang, bơ\ jang hơ doi kơ jăp ‘lơ\ng”. Đại tá Hồ Bắc pơ ma thoi no\h.

J^ bơ ngai hơ nơ\ng năm kiơ\ dôm ‘măng jur jang tơ\ tơ ring, Trung tá Nguyễn Công An, Kơ dră che\p kơ\l Tiểu đoàn Kanh sat kơ đo\ng, Ko\ng an dêh char Dak Lak, tơ roi: Jur tơ\ dôm tơ ring atăih yăih, so\ng xa, oei xa, bơ\ jang hơ dai hăm kon pơ lei gơ\h [ôh tơ drong erih xa tơ\ no\h tôch mơ mat, kơ [ăh kơ [ôch. Yak hlo\h rim tơ drong mơ mat tat mưh năm jang tơ\ tơ ring, đe ‘nho\ng ling lang chơt ‘nă, đ^ jơ hngâm tơ gu\m ăn kon pơ lei. Ro\ năng yoa thoi no\h mă đơ\ng ro\ng dôm ‘măng năm bơ\ jang, tơ drong pơ vei, tơ gu\m băl đơ\ng kon pơ lei hăm kăn [o#, linh Kanh sat kơ đo\ng roi ‘lơ\ng [iơ\.

Trung tá Nguyễn Công An, ăn tơ băt: “Bơ\ jang ‘lơ\ng 6 tơ drong {ok Hô pơ tho Ko\ng an kon pơ lei ‘no\h kiơ\ inh j^ dôm tơ drong đei yoa hlo\h, rơ đăh hlo\h, pơm hơ to\k đon kơ chăng đơ\ng kăn [o#, linh ku\m nhen pơ hlôh đon, băt hơ dăh dôm tơ drong mơ mat tat đơ\ng kon pơ lei tơ\ tơ ring atăih yăih vă hơ met kơ jăp đon pơ vei đơ\ng kon pơ lei hăm kăn [o#, linh ko\ng an dêh char. Đơ\ng no\h, kăn [o#, linh băt hơ dăh tơ drong jang kơ dih ku\m nhen hăm tơ ring.”

Ku\m hăm dôm tơ drong jang tơ gu\m ăn kon pơ lei, kăn [o#, linh Kanh sat kơ đo\ng Dak Lak oei jang hơ doi hăm dôm khul gru\p tơ pôl vang tơ ra tơ gop kơ hre\ng triu hlak jên, rơ bâu tơ pu tơ mam, năm ngôi, hơ păh tơ mam ăn kon pơ lei tơ\ dôm pơ lei atăih yăih. Tơ pu tơ mam mă ưh kơ lơ ră mă lei đei [e\nh jơ hngâm đon ‘mêm băt đơ\ng khul linh hăm kon pơ lei oei mơ mat tat. Tơ drong tơ gu\m ‘no\h vă pơm tơ jur [iơ\ mơ mat tat ăn kon pơ lei, pơ jing tơ drong pơ vei ‘lơ\ng hơ iă, tơ iung tơ drong jang đ^ đăng kon pơ lei vang vei lăng sơ đơ\ng te\h đak.

Lơ sơ năm jur jang tơ\ tơ ring vang tơ gu\m găh tơ mam drăm păng jơ hngâm đon, um rup đe linh Kanh sat kơ đo\ng Dak Lak jing tôch juăt, đei kon pơ lei ‘mêm, lui yom. Kră pơ lei Ama M’tor, tơ\ plei Hằng Nam, xăh Yang Mao, apu\ng Krông Bông, pơ ma: “Xăh Yang Mao pơ ma atu\m, plei Hằng Nam pơ ma adro# j^ tơ ring atăih yăih, tơ nuh hin, kơ [ăh kơ [ôch tôm tơ drong. 2 sơ năm ‘nâu, đei Kanh sat kơ đo\ng jur tơ gu\m ăn kon pơ lei, kôch hơ met hơ bong đak, vei rơ go\h cham char… Pơ ma atu\m kăn [o# kăn [o#, linh jur tơ gu\m ăn kon pơ lei ‘no\h tôch hơ iă, oei xa hơ dai, năm tơ\ yơ ku\m đei kon pơ lei, vang jang hơ doi hăm druh dăm, hăm kon pơ lei”.

Ku\m đei jơ hngâm ‘mêm kơ linh Kanh sat kơ đo\ng, [ok Y Dhưn, tơ\ xăh Bông Krang, apu\ng Lak, dêh char Dak Lak, ăn tơ băt: “Gơ nơm khul linh Kanh sat kơ đo\ng dêh char chă kôch hơ met hơ bong đak dang ei đei đak ro mât tơ\ chu\n, kon pơ lei tôch ‘nă, cho\h rơ uơ, [ơ pơ tăm… 2 pơ lei nhôn pơ kăp vă tơ guăt pôm [ơ\r đon adrin jang xa, vei kơ jăp tơ drong sơ đơ\ng chinh tr^.”.

Jur tơ\ tơ ring ngôi pơ chơt, hơ păh tơ mam, bơ\ jang tơ gu\m ăn kon pơ lei, đe linh Kanh sat kơ đo\ng pơ ma adro#, Ko\ng an Dak Lak pơ ma atu\m, rim năr [ôh tom măt, bơ\ jang păng roi băt tơ ring, hlôh vao hơ dăh tơ drong ‘me\h vă đơ\ng kon pơ lei. Tơ drong ‘mêm băl đơ\ng kon pơ lei hăm linh gơ nơm đơ\ng no\h ku\m roi ‘lơ\ng, roi lui băl. Dôm tơ drong jang ‘nâu oei hơ nơ\ng pơih xă ăn đ^ đăng khul linh ko\ng an păng jing trong jang đei yoa lơ\m tơ drong ho\k pơ hrăm, jang rok {ok Hô, pơm kiơ\ 6 tơ drong {ok Hô pơ tho ăn ko\ng an kon pơ lei.

Dơ\ng: Tơ blơ\