VOV4.Bahnar - Hơ nơ\ng tơ drong jang tơ [ơ\p pơ ma dơ nu\h hăm bơ ngai tăh hla hơ drol kơ ‘măng hop ako\m mă 4, Kuôk ho#i jăl 14, pơ gê brei (3/10), Khu\l tang măt Kuôk ho#i de#h char Gia Lai đei jơ tơ [ơ\p pơ ma dơ nu\h hăm bơ ngai tăh hla tơ\ pơ lei tơm Pleiku.

Lơ bơ ngai tăh hla pơ lei tơm lăng ‘lơ\ng tơ drong jang tang găn sa pơ j^p, brăh brư, kơ ne# lơ\m khei ‘năr âu ki. Lơ tơ drong, lơ bơ ngai kang [o# t^h, tơ\ trung ương hăm tơ ring păng kơ tă hloi kơ dră che\p kơ\l so de#h char Gia Lai ‘nao đei tơ băt pơm glăi hlôi ăn [o#h tơ drong hơ drin đơ\ng Trung ương.

Bơ ngai tăh hla Gia Lai lui nge\h păng ‘me\h vă, trung ương hơ nơ\ng pơm kơ hret, kơ tang găh tơ drong jang âu. Bơ ngai tăh hla pơ lei tơm Pleiku ku\m athei Kuôk ho#i, khu\l kơ dră te\h đak đei trong jang vă kon pơ lei vang dăr hơ len hăm rim tơ drong jang đơ\ng khu\l jang che\p kơ\l pơ gơ\r, mă loi ‘no\h j^ tơ\ tơ ring. Đei thoi no\h mă tang găn đei sa pơ j^p, brăh brư, kơ ne#.

Thuem tơ blơ\