VOV4.Bahnar - Tơ băt 93 sơ năm Năr Hla ar tơ roi kăch mang Việt Nam, pơ gê brei, Kơ dră An^h Trung ương Mặt trận Tổ quốc Việt Nam Trần Thanh Mẫn truh ngôi hăm Radio nơ\r pơ ma Việt Nam.

Pơ truh nơ\r ‘lơ\ng hlo\h hăm kơ dră che\p kơ\l, kăn [o#, bơ ngai chih tơ drong kơ tơ\ng ang, bơ ngai jang ki thuơ\t, jo\h hơ ri kơ Radio nơ\r pơ ma Việt Nam, Kơ dră An^h Trung ương MTTQ Việt Nam Trần Thanh Mẫn chih răk dôm tơ drong jơ nei mă Radio nơ\r pơ ma Việt Nam io\k đei lơ\m dôm sơ năm âu ki, mă loi j^ lơ\m tơ drong pơ vei ‘lơ\ng hơ iă hăm MTTQ Việt Nam lơ\m tơ drong tơ roi tơ băt, hơ to\k đon hlôh vao đơ\ng kon pơ lei, hơ to\k tơ drong tơ guăt pôm [ơ\r đon đơ\ng rim hơ dre\ch hơ drung;

Athei Radio nơ\r pơ ma Việt Nam adrin tơ roi tơ băt tơ drong Tơ chơ\t 04 jăl 12 găh hơ to\k tơ drong tơ iung pơ jing, hơ met ming Đảng hơ dai hăm tơ drong tơ chơ\t 05 găh “Hơ to\k ho\k pơ hrăm păng jang kiơ\ jơ hngâm đon ‘lơ\ng đơ\ng {ok Hô”; atu\m hăm ‘no\h jang hơ doi hăm MTTQ Việt Nam roi tơ băt dôm tơ drong krao hơ vơn, tơ drong pơ jei băl đơ\ng MTTQ Việt Nam tơ le\ch.

Dơ\ng: Tơ blơ\