VOV4.Bahnar - Kơ sơ\ brei, tơ\ An^h jang kơ [ok Kơ dră te\h đak, Kơ dră te\h đak Trần Đại Quang sơng kơ dră che\p kơ\l dôm Khul truh Hop ako\m Gru\p dôm an^h jo# hơ len tơm kơ châu Á (ASOSAI) ‘măng mă 14.

Hlo\h 40 sơ năm jang to\k, đơ\ng 11 te\h đak blu\ng a [ât ‘nao pơ jing, truh dang ei đei 46 te\h đak vang jang bơih. Gru\p dôm an^h jo# hơ len tơm kơ châu Á (ASOSAI) hlôi păng to\k bo\k adrin vă jing Khul gru\p jang ‘lơ\ng tơ\ tơ ring đơ\ng Gru\p apu\ng plenh te\h dôm an^h jo# hơ len tơm (INTOSAI).

Pơ ma lơ\m jơ tơ [âp, Kơ dră te\h đak Trần Đại Quang chơt hơ iă đei sơng dôm Khul truh tơ\ Việt Nam; bơ nê kơ Gru\p dôm an^h jo# hơ len tơm kơ châu Á hlôi lui, pơ jao ăn An^h jo# hơ len kơ te\h đak Việt Nam io\k pơ gơ\r hop ako\m ASOSAI 14 păng io\k jang kơ chư\k Kơ dră ASOSAI đơ\ng 2018 - 2021.

Kơ dră te\h đak hmach ăn Hop ako\m Gru\p dôm an^h jo# hơ len tơm kơ châu Á ‘măng mă 14 păng Hop ako\m tơ drong jang mă 7 găh hơ len năng cham char păng ato\k tơ iung kơ jăp gô đei pơ gơ\r đang ‘lơ\ng.

Dơ\ng: Tơ blơ\