VOV4.Bahnar - Đơ\ng ro\ng hlo\h 15 sơ năm bơ\ jang, Khu\l jang mu\k drăm – khu\l linh vei lăng sơ lam Quảng Sơn (găh Ko\ng ti che\h phe 15 - Quân khu 5) hlôi đei lơ tơ gop g^t kăl lơ\m tơ drong hơ to\k tơ iung mu\k drăm – tơ pôl, hơ met ming khu\l linh – vei sơ đơ\ng ku\m nhen vei lăng păng hơ to\k tơ iung bri lơ\m tơ ring. Mă kăl ‘no\h, tơ\ xăh Quảng Sơn, apu\ng Dak Glong, de#h char Dak Nông (tơ ring đei an^h linh oei) ‘no\h j^ “ an^h tơ to\” găh phă bri ‘no\h dôm kơ dơ bri yua đơ\ng [o# đo#i vei lăng ‘no\h j^ “ an^h ‘lơ\ng hơ iă”.  

Dôm năr hơ tuch sơ năm, ‘năr tơ ngie\t tru\h ku\m hăm kial pơ yan to\ Tây Nguyên tak jăng nhen ‘me\h tak tơ păr rim tơ mam, mă lei gre Y^p kơ Khu\l jang mu\k drăm – linh vei lăng sơ lam Quảng Sơn oei kơ dâu ‘ma ‘ngieo tơ\ j^h kông, ku\m hăm kang [o#, khu\l linh năm dăr hơ len bri. Tơ klep hăm bri io\k đơ\ng pơ jing an^h jang tru\h dang ei, ‘nho\ng Lê Minh Phương, ko\ng nhân jang vei lăng bri kơ so# 4 băt tôch rơ đăh tơ drong, an^h tơ ring, hăm dôm tơ drong tôch mơ mat tat, [ơ\t lăp krê hơ mơt lơ\m kơ plăh bơ\ jang tơ drong jang:

“Tơ\ âu nhôn chă [o#h tôch kơ lơ. 1,2 ‘nu kon pơ lei dang ei, tă kơ tơ dăm mơ lo#h mơ lo#h mơ\t lơ\m bri tơ\ gơ măng, tơ jră plơ\ khu\l jang tôch kơ pran. Te\h đak đei athei kơ\m bri kơ na dang ei bơ ngai tơ tông ‘long năm tơ tông ie\, le\h hăm gre hon đak păng gre nai kơ na nhôn vei lăng tôch kơ gle\h hrat. Ku\m đei 1,2 ‘nu tơ ge\ch yua mir ro\h lơ\m âu tơ gar io\k te\h. Đei dôm bơ ngai chă [o#h bơ\ih mă lei đe sư oei pơ rơ\ng jang. Nhôn măh vei lăng răh krao hơ vơn răh kon pơ lei, tơ roi tơ băt răh vă kơ kon pơ lei hlo#h hơ dăh tơ drong đei yua đơ\ng bri”.

Khu\l linh dăr joang vei lăng bri kơ Khu\l jang mu\k drăm – Linh vei lăng tơ ring sơ lam Quảng Sơn

Thượng tá Phạm Thanh Lý – Chính ủy Khu\l jang mu\k drăm – linh vei lăng tơ ring sơ lam Quảng Sơn tơ roi tơ băt, dang ei an^h jang đei pơ jao vei lăng 15 tiểu khu, hăm hlo\h 7.252 hec tar bri. Mă đơ\ng kơ so# linh kơ tă bơ\ jang vei lăng bri tôch kơ to\ se\t ( lăp đei 27 ‘nu), tơ mam jang tơ gu\m hmă ư\h kơ tôm… mă lei pơ đ^ hơ găt bri păng te\h bri ‘long lơ\m tơ ring oei đei vei lăng kơ hret. Ư|h khan lăp hơ dro# thoi no\h đe\ch o#h, hơ găt bri tơ\ âu hơ nơ\ng đei hơ to\k tơ iung. Ku\m hăm 180 hec tar kơ su to\k bo\k blu\h jing ‘lơ\ng, tơ gop hơ to\k tơ drong pe\ng hơ yơ\l, sơ năm ‘nâu an^h jang hơ nơ\ng pơ tăm thim đei 20 hec tar bri.

Thượng tá Phạm Thanh Lý tơ roi tơ băt, lơ\m tơ ring [o# đo#i oei, lơ\m dôm sơ năm tơ je# âu hlôi jing an^h tơ to\ găh tơ drong cho\h pơ tăm, tơ gar io\k te\h bri pơm mir ro\h; đei lơ tơ ‘ngla bri hlôi le# hiong dôm rơ bâu hec tar yua đơ\ng vei lăng pơ hơi. Mă lei hăm Khu\l jang mu\k dra\m – linh vei lăng tơ ring sơ lam Quảng Sơn, tơ drong jang vei lăng bri oei jing tơ drong jang tơm, hơ nơ\ng lơ\m khei ‘năr tru\h.

“Khei ‘năr tơ\ hơ năp kơnh nhôn băt hơ dăh vei lăng bri oei jing 1 lơ\m dôm tơ drong jang tơm, hơ nơ\ng păng tơ drong jang vei lăng bri oei tơ [ơ\p lơ mơ mat tat, krê hơ mơt ro\ lăng gô đei [o#h nhen tơ drong cho\h pơ tăm, tơ gar io\k te\h bri pơm mir ro\h, ko\h tơ tông ‘long glăi, u\nh sa bri. Kơ l^h thoi no\h, vă jang ‘lơ\ng tơ drong jang vei lăng bri, mă hơ drol ‘no\h j^ ăn khu\l linh băt hơ dăh tơ drong lơ\m tơ ring, jang ‘lơ\ng tơ drong jang tơ roi tơ băt krao hơ vơn kon pơ lei vang jang tơ drong jang vei lăng bri; pơ vei kơ jăp hăm kơ dră đảng, khu\l kơ dră che\p kơ\l tơ ring păng rim an^h jang kơ pal lơ\m tơ ring vă jang hơ dai hơ met pơ ‘lơ\ng.” 

Bri yua Khu\l jang mu\k drăm – Linh vei lăng tơ ring sơ lam Quảng Sơn vei lăng oei [e\nh kơ mâu jơk

Hăm an^h tơ to\ găh tơ drong phă bri, tơ gar io\k te\h bri ‘long tơ\ Quảng Sơn, lơ tơ ‘ngla bri hlôi le# hiong rơ bâu hec tar, đơ\ng blu\ng sơ năm tru\h dang ei, lơ kang [o# jang vei lăng bri ‘long, kang [o# tơ ring ku\m hlôi đei sek phak ki luơ\t kơ hret. Lơ\m kơ plăh ‘no\h, tơ ring bri yua đơ\ng Khu\l jang mu\k dra\m – linh vei lăng tơ ring sơ lam Quảng Sơn vei lăng ư\h khan lăp hơ dro# đei vei lăng sơ đơ\ng đe\ch mă oei hơ nơ\ng hơ to\k tơ iung. Tơ pă yan âu ‘no\h hlôi đei [ok Đỗ Ngọc Hiếu, Kơ dră an^h vei lăng kon pơ lei xăh Quảng Sơn, apu\ng Dak Glong hơ len lăng hơ dăh, Khu\l jang mu\k dra\m – linh vei lăng tơ ring sơ lam Quảng Sơn ‘no\h j^ an^h tơ to\ lơ\m tơ ring găh tơ drong jang vei lăng bri.

“Găh tơ drong jang vei lăng bri ‘no\h an^h jang âu ‘no\h j^ 1 lơ\m kơ so# to\ se\t tơ ‘ngla vei lăng ‘lơ\ng. Mă lei yua kơ hơ găt xă ‘no\h ư\h kơ jor tơ drong đei kon pơ lei tơ gar io\k, mă lei ư\h kơ lơ. Lăng atu\m găh tơ drong jang vei lăng păng pơ tăm bri ‘no\h Khu\l jang mu\k drăm – Linh vei lăng tơ ring sơ lam Quảng Sơn,găh Ko\ng ti Che\h phe 15 ‘no\h tôch kơ ‘lơ\ng”.

Ku\m hăm tơ mơ\t jên jang pơman^h jang kăl “ u\nh điên- trong- hnam trưng-hnam pơ gang” Ko\ng ti Che\h phe 15 (Quân khu 5) hlôi pơ tăm 180 hec tar kơ su păng hơ nơ\ng pơ tăm bri lơ\m dôm sơ năm tru\h

Ư|h khan tơ mơ\t jên jang vă je# 10 ti hlak jên vă pơ jing an^h jang kăl, [rư\ [rư\ sơ đơ\ng kon pơ lei sa, hơ met ming tơ drong jang ch^nh tr^ tơ\ tơ ring, lơ\m dôm sơ năm âu ki, Khu\l jang mu\k dra\m – linh vei lăng tơ ring sơ lam Quảng Sơn (găh Ko\ng ti Che\h phe 15 – Quân khu 5) hlôi vei lăng pơ đ^ 1 tơ ring să sap tơ\ Quảng Sơn, Dak Glong hlôi hơ kroi kơ krônh, ‘no\h dôm hơ găt bri yua đơ\ng [o# đo#i vei lăng oei vei đei kơ mâu jơk nhen kơ mâu ao đơ\ng rim đe ‘nho\ng.

Quốc Học – Hoàng Qui ch^h

Thuem tơ blơ\