VOV4.Bahnar - Chư\ Prông jing apu\ng xơlam teh kơ dêh char Gia Lai, jing tơring đei lơ kon pơlei kon kông. Tơroi găh tơdrong hlôh vao lơ\m vei xơđơ\ng tơpôl hăm jơnu\m pơgơ\r tơring păng 2 anih jang lơ\m Binh Đoàn 15 noh Anih jang Bình Dương păng Trung đoàn 710 hlôi đei trong jang ako\m lơ bơngai jang đơ\ng rim pơlei pơla, hăm jên khei jang xơđơ\ng. Atu\m hăm noh, 2 anih jang âu hơnơ\ng tơgu\m tơmam xo\ng xa, tơgu\m ming hơmet hnam oei, tơgu\m kon pơlei xơđơ\ng tơdrong erih.

            Je# đ^ xơnăm 2016, hnam kơ unh hnam pơmai Kpă Luar, minh unh hnam hin dơnuh tơ\ pơlei Plei Sơr, xăh Ia Me, apu\ng Chư Prông [ơm unh xa pơgoh. Băt găh tơdrong erih tơnap tap kơ unh hnam, Anih jang Bình Dương hlôi tơgu\m 60 triu hlak jên vă unh hnam pơmai Kpă Luar chă ming hơmet hnam oei ‘nao. Đơ\ng ro\ng vă je# 1 khei hơmet, hăm tơdrong tơgu\m đơ\ng ‘nho\ng oh kueng [ôt, atu\m hăm jơnu\m pơgơ\r tơring, hnam hlôi keh đang păng to\k oei. Hnam man xă 33m², hăm 1 pôm lăm xơng tơmoi păng 2 lăm tep. Chơt hơ iă [ơ\t đei oei lơ\m hnam ‘nao, pơmai Kpă Luar tơroi: “Hnam inh noh [ơm unh xa ăh năr 14/11, đơ\ng ro\ng kơ noh unh hnam inh ưh kơ đei hnam oei. Unh hnam inh tôch bơnê kơ Anih jang Bình Dương hlôi man axong ăn kơ nhôn hnam oei. Nhôn chơt hơ iă, hmach bơnê tôch lơ! Unh hnam inh gô adrin pơm jang vă hơto\k mu\k drăm.”

            Duh đei [ô đo#i kơ Anih jang Bình Dương tơgu\m man hnam ‘nao, yă RơMah Lơnh, minh unh hnam mă teh đak tơchơ\t tơgu\m oei tơ\ Plei Sơr, xăh Ia Me, apu\ng Chư\ Prông ăn tơbăt, lơ xơnăm kơ âu, yă erih lơ\m hnam gia, chơne\ng phat. Truh dang ei, yă xo# hơ\k [ơ\t hnam ‘nao mă đei [ô đo#i tơgu\m man jrăng, oei chơne\ng noh je# đang. Noh jing tơdrong hơlêm jơhngơ\m tih tên hăm yă [ơ\t xơnăm hlôi ‘lo\. Yă RơMah Lơnh tơroi: “Yă xo# hơ\k, yă bơnê kơ [ô đo#i tôch lơ yuơ hlôi tơgu\m yă man hnam ‘nao. Đơ\ng xơ\ hnam oei tơnap tap, dang ei je# đei hnam ‘nao bơih, unh hnam yă gô da [iơ\ kơ tơnap tap, âu jing tơdrong hơ iă tih tên hăm unh hnam”

            Oei hăm yă Nông Thị Sìu hơkăn liêt sih Hoàng Văn Giang, oei tơ\ thôn Bắc Thái, xăh Ia Lâu, apu\ng Chư\ Prông, pă đei yă kiơ hơ iă hloh [ơ\t đei [ô đo#i Trung đoàn 710, Binh đoàn 15 tơgu\m man hnam ‘nao. Lơ\m ‘măng kial phu\t huơ\r ăh khei 4 âu ki, hnam yă tơpăr pơđ^ bơbu\ng. Lơ anih lơ\m chơne\ng hnam rơđăng păng gô tơpăi đe\ch. Lơ\m kơplăh noh, hnam âu jing anih dăng oei adro# kơ yă păng 2 ‘nu xâu [ơm tơdrong j^ Down, tơdrong eriht ơnap tap tôch dêh. Đơ\ng ro\ng kơ kial phu\t huơ\r, {ô đo#i Trung đoàn 710, Binh đoàn 15 (Anih tơm linh) hlôi truh tơgu\m yă Sìu hơmet ming hnam oei, hơmet bơbu\ng hnam. Atu\m hăm noh, Trung đoàn tơgu\m 60 triu hlak jên atu\m hăm dôm j^t ‘nu kang [o# linh truh tơgu\m hơmet hnam oei ‘nao xơđơ\ng hloh. Truh dang ei, hnam kơjăp hlôi keh đang. {rơ\k kơ jơhngơ\m hăm đon bơnôh đơ\ng anih jang linh pơm jang tơ\ tơring, yă Nông Thị Sìu jơ jrơ\k le\ch đak măt tơroi: “Yă hli hnam tơpăi noh đe xâu lôch răm. Yă ưh kơ băt vă pơma thoi yơ bơih, yă hmach bơnê tôch lơ hăm jơnu\m pơgơ\r tơring, [ô đo#i păng đe mon kon xâu tơdăm hlôi tơgu\m hơmet hnam ‘nao ăn kơ yă”

            Thượng tá Bùi Lê Đoàn, Kơdră Trung đoàn kơ anih linh Trung đoàn 710, Binh đoàn 15 ăn tơbăt, anih linh io\k jang mu\k drăm, vei xơđơ\ng tơpôl tơ\ dôm xăh xơlam teh kơ apu\ng Chư Prông. Tơ\ âu, tơdrong erih kon pơlei oei lơ tơnap tap. Yuơ noh, tơgu\m kon pơlei pơma atu\m jing xơnong jang kơ anih linh nhôn; tơdrong hơvơn kang [o# linh, bơngai jang tơgop jên, tơmam, jơhngơ\m vă tơgu\m kon pơlei xut le# hnam oei hyah hyok jing tơdrong jang hơnơ\ng. Chư Prông oei jing tơring hơnơ\ng kơ [ôm ‘mi kial pơrăm. Rim ‘măng thoi noh, anih linh hơnơ\ng atu\m hăm jơnu\m pơgơ\r tơring vă chă tơgu\m kon pơlei hơmet răm, hơmet ming hnam oei. Thượng tá Bùi Lê Đoàn ăn tơbăt: “Cham char ‘mi kial thoi noh, nhôn atu\m hăm jơnu\m pơgơ\r tơring xơkơ\t hơmet ming hnam oei vă kon pơlei xơđơ\ng anih oei xa. Păng duh gô vei xơđơ\ng ăn tơdrong erih kon pơlei lơ\m tơring. Đơ\ng noh ba pơtơm xơđơ\ng tơpôl lơ\m tơring.”

            {ok Bùi Viết Hội, Bí thư Anih jang apu\ng, Kơdră anih jang vei lăng kon pơlei apu\ng Chư Prông, dêh char Gia Lai ăn tơbăt, xơnăm 2017 âu, apu\ng adrin bơ\ ‘nao 62 to\ hnam păng hơmet ming 58 to\ hnam nai ăn rim unh hnam mă teh đak tơchơ\t tơgu\m [ơ\t tơbăt 70 xơnăm năr Linh j^ rơka. Atu\m hăm jên mong, apu\ng hơvơn tôm anih jang ch^nh tr^, đei hloi dôm anih jang lơ\m tơring vang jang. Kiơ\ đơ\ng noh, rim anih linh, mă hăt noh dôm anih linh jang mu\k drăm, vei xơđơ\gn tơpôl kơ Binh đoàn 15 hlôi vang jang hăt hot lơ\m tơdrong tơgu\m jên păng bơngai jang. Đơ\ng noh, tơchơ\t kơ apu\ng gô hrôih keh đang. {ok Bùi Viết Hội xơkơ\t: “Tơdrong jang hadoi đơ\ng dôm jăl kơpal, jơnu\m pơgơ\r kơ anih jang tơ\ apu\ng duh nhen anih jang Đảng, Anih tơm linh Binh đoàn 15 noh kơjăp tơpă, đe xư tơre\k tôch dêh. Tơdrong jang hadoi kơjăp đei io\k jang noh tơgu\m ăn kon pơlei tơ\ Chư\ Prông pơma atu\m, rim unh hnam mă teh đak tơchơ\t tơgu\m, unh hnam đei tơdrong erih tơnap tap ke\ hơmet tơdrong tơnap tap găh hnam oei.”

Lan chih păng rapor