VOV4.Bahnar - Tơpă đei [ôh tơ\ dêh char Kon Tum, tơdrong jang kiơ\ pơkăp klă jên vei hơlen bri duh nhen dôm trong jang pơyua lơ, pơm tơplih kăp g^t lơ\m đon kơche\ng, tơdrong jang kơ kon pơlei. Tơdrong jang vei hơlen păng hơto\k bri tơ\ apu\ng Tu Mơ Rông jing minh tơdrong pơtih.

Hăm mu\k drăm cham char bri roi năr roi tơjur, apu\ng Tu Mơ Rông, dêh char  Kon Tum hlôi io\k jang tơnăp tơdrong pơjao teh, pơjao bri tơguăt hăm vei hơlen bri ăn kon pơlei. Tơ\ xăh Đak Hà, jo# đơ\ng mă 29ha bri tơ\ tơring pơkă 266 đei Anih vei lăng kon pơlei apu\ng Tu Mơ Rông pơjao ăn pơlei  Kon Tun vei hơlen, tơdrong pơm glăi hăm bri đei tang găn kơjăp. Tơring bri dang ei nhen kơ anih jơk tơm kơ pơlei pơla. Vă vei lăng hơgăt bri đei pơjao, kon pơlei kơdih axong băl lơ khul unh hnam pơtăl băl năm hơlen. Kơdră pơlei [ok A Mao ăn tơbăt: “Kon pơlei vei bri, tang găn hơlih teh, to# pơđang, vei đak mo\ng, vei hơlen cham char bri. Kon pơlei lăp đon hăm tơdrong pơyua đơ\ng teh đak pơjao teh, pơjao bri ăn kon pơlei. Mưh bơngai pơm yoch lơ\m bri kơ pơlei pơla, bri kơdih noh athei kih luơ\t, athei tơroi hăm anih jang hơlen bri păng anih jang kơpal”

Đơ\ng tơdrong hlôh vao kơjă kăp g^t đơ\ng bri păng dôm tơdrong pơyua đơ\ng chă vei hơlen bri, kon pơlei tơ\ Kon Tun bu bu duh băt xơnong jang kơ po. Kon pơlei tơbăt dih băl ne\ koh ‘long bri, ưh kơ đei phă dăh mă xoh bri pơm mir. ‘Nho\ng A Bút, oei tơ\ pơlei Kon Tun tơroi: “Kơdih po inh vei hơlen bri noh hơnơ\ng minh [lon năm dăr juang minh ‘măng vă hơlen lăng hăm đei bơngai yơ phă bri ưh vă tơroi ăn kon pơlei tơ\ thôn Kon Tun băt vă băt trong vei hơlen bri kơjăp dăh mă ưh, xơđơ\ng dăh mă ưh”

Pơkăp pơjao teh, pơjao bri tơguăt hăm pơkăp vei hơlen bri ăn rim tơ ‘ngla, unh hnam păng pơlei pơla to\k bo\k oei đei io\k yua tơnăp. Tơdrong jang âu ưh kơ adro# tơgu\m vei bri, hơto\k tơdrong jơk đơ\ng bri mă oei pơm tơplih đon kơche\ng kon pơlei lơ\m tơdrong vei bri, hơyuh to# ‘mi. {ok A Việt, Pho\ kơdră Anih vei lăng kon pơlei xăh Đak Hà, apu\ng Tu Mơ Rông xơkơ\t: “Đei tơchơ\t tơgu\m pơjao teh, pơjao bri ăn kon pơlei, kon pơlei hiôk kơ jơhngơ\m. Đei tơdrong tơgu\m đơ\ng Đảng, teh đak pơm trong hiôk vă kon pơlei đei yua đơ\ng bri păng đei xa đơ\ng vei hơlen bri. Duh ‘meh vă Đảng, teh đak pơm trong hiôk hloh dơ\ng găh jên tơgu\m ăn kon pơlei, vă pơm trong hiôk ăn kon pơlei vei hơlen bri tơnăp hloh dơ\ng”

Truh dang ei, apu\ng Tu Mơ Rông, dêh char Kon Tum, hlôi pơjao hloh 11.000 ha bri ăn  729 unh hnam tơ\ 8 lơ\m 11 xăh io\k vei hơlen. Dôm tơ ‘ngla bri duh hlôi pơjao vei hơlen ăn 56 pơlei pơla hăm hơgăt je# 18.500 ha. Pơtêng hăm xơnăm 2015, hơgăt teh bri đei pơjao ăn kon pơlei vei hơlen hơto\k [ôh hơdăh. Tơdrong mă âu ăn [ôh xơkơ\t adrin đơ\ng apu\ng lơ\m tơdrong hơto\k jang tơnăp lơ\m tơdrong jang vei bri. {ok Vương Văn Mười, Pho\ kơdră Anih vei lăng kon pơlei apu\ng Tu Mơ Rông ăn tơbăt: “Dang ei, Anih vei lăng kon pơlei apu\ng to\k bo\k oei pơgơ\r jang hăm dôm tơ ‘ngla bri, duh nhen Anih vei lăng kon pơlei dôm xăh pơjao teh, pơjao bri ăn dôm unh hnam vei hơlen. Găh io\k yua đơ\ng pơjao teh, pơjao bri ăn rim unh hnam vei hơlen noh rim unh hnam tơguăt hăm bri, pơtăm ‘long pơm pơnăn xa tơ\ hơla bri duh nhen io\k yua đơ\ng hơdre\ch ‘long pơm pơgang tơ\ hơla bri. Noh hăp tơguăt hăm tơdrong erih kon pơlei, noh kon pơlei jang tơnăp hloh lơ\m vei hơlen bri pơtêng hăm pơjaoteh pơjao bri ăn dôm anih jang”

Tơdrong [ônh kơ băt hloh lơ\m tơdrong jang vei bri tơ\ apu\ng Tu Mơ Rông, noh jing tơdrong jang kiơ\ pơkăp klă jên vei bri duh nhen dôm tơdrong jang nai to\k bo\k oei pơm tơplih kăp g^t lơ\m đon kơche\ng duh nhen tơdrong jang đơ\ng kon pơlei hăm tơdrong vei lăng păng hơto\k bri.

Lan chih păng rapor