VOV4.Bahnar -  Xơnăm 2017 âu ki, hăm tơdrong jang mir na xă, kon pơlei Sedang tơ\ 2 apu\ng Kon Braih păng Kon Plong kơ dêh char Kon Tum atu\m băl pơtăm hơ[o te\ch ăn anih jang mu\k drăm vă rong kon tơrong. Tơdrong jang mă kon pơlei pơyua đei lơ hloh pơtêng hăm jang [a, pơtăm [um, pơjing minh hơyak hơto\k 'nao lơ\m tơdrong pơm jang tơ\ tơring kon pơlei kon kông.

Chu\n mir să pơtăm hơ[o io\k tơm kơ kon pơlei tơ\ pơlei Kon Vi Vàng, tơring Đăk Tờ Lùng

Đei jơnu\m pơgơ\r tơring Đak Tờ Lùng, apu\ng Kon Braih hơvơn, khei 4/2017 unh hnam 'nho\ng A Đế, tơ\ pơlei Kon Vi Vang tơgop 2 sao teh atu\m hăm 6 unh hnam kon pơlei lơ\m pơlei păng 5 unh hnam pơlei Kon Măng Tu jang mir na xă 8ha pơtăm hơ[o io\k tơm te\ch ăn anih jang mu\k drăm rong kon tơrong. Gơnơm jang hăm hơgăt mir na xă, jên jang ưh đei huach lơ, đei anih jang mu\k drăm tơgu\m ăn kơmăi pơchoh teh, hơdre\ch hơ[o, kih thuơ\t pơtăm păng xăi pho\ng noh 'nho\ng A Đế păng dôm unh hnam nai chơt hơ iă. Đơ\ng ro\ng 75 năr jur jang, pơyan io\k yua mă blu\ng truh hăm kon pơlei. Mă đei yua tam mă lơ, pơhlom 30 tân lơ\m minh ha cho\ng mă hăm kơjă mă anih jang mu\k drăm răt io\k 730 hlak jên 1 k^, rim ha kon pơlei duh đei yua hloh 21 triu hlak jên. Tơroi găh tơdrong pơyua đơ\ng pơtăm hơ[o io\k tơm lơ\m hơgăt mir na xă, 'nho\ng A Đế ăn tơbăt: “Pơtăm hơ[o pơtêng hăm pơtăm [um  [lang, hơ[o noh jang hiôk hloh. Khei năr to\ xe\t dơ\ng păng kon pơlei ako\m chă jang. {oi kiơ\ jang dih băl, năm pơtăm hơ[o, ruih đak duh atu\m băl năm jang. Mă 2 noh hơ[o âu pơtêng hăm [um [lang noh [um [lang 2 xơnăm 'mơ\i pơtơm đei yua. Hơ[o noh minh xơnăm 3 pơyan, jang đei yua hloh kơ [um [lang. Minh k^ hơ[o tơ\ âu đe năm răt kơtă tơ\ mir hloi minh k^ noh 730 hlak jên”.

{ôh tơdrong jang atu\m lơ\m mir na xă đei lơ poyua, nhen đei jơnu\m pơgơ\r tơring axong man ăn trong nơnăm, man pơnơ\ đak; đei anih jang mu\k drăm tơgu\m ăn hơdre\ch, jên jang, kih thuơ\t; jang ako\m [ônh vei hơlen; tơmam pơm tơle\ch đei anih jang mu\k drăm răt kơtă tơ\ mir hloi... 'Nho\ng A Gung, oei tơ\ pơlei  Kon Mong Tu, xăh Đak Tờ Lùng ăn tơbăt, dang ei 98 unh hnam lơ\m pơlei, unh hnam yơ duh 'meh jang atu\m lơ\m mir na xă: “Kon pơlei [ôh um ru\p jang pơtăm hơ[o io\k tơm đei yua lơ hloh găh mu\k drăm, hơto\k io\k yua ăn unh hnam. Kon pơlei duh 'meh vă đei jang lơ\m trong jang âu”. 

Truh đ^ xơnăm 2017 lơ\m tơring kon pơlei Sedang tơ\ 2 apu\ng Kon Braih păng Kon Plong kơ dêh char Kon Tum hlôi pơjing đei lơ mir na xă đơ\ng 7 truh  kơpal 10ha. Tơpă ăn [ôh tơ\ rim tơring nhen Măng Bút, Ngọc Tem, xăh Hiếu kơ apu\ng Kon Plông; Đak Tờ Lùng kơ apu\ng Kon Braih, jang đei jơnei găh mu\k drăm mă kon pơlei io\k đei đơ\ng tơdrong pơtăm hơ[o io\k tơm te\ch ăn anih jang mu\k drăm rong kon tơrong lơ hloh pơtêng hăm jang [a, pơtăm [um.  Adro# kăl rim  ha đei yua đơ\ng 25 truh 35 tân tơm, rim xơnăm jang 3 pơyan noh kon pơlei đei yua pơhlom 70 triu hlak jên. 'Nâu jing tơdrong đei yua lơ hloh pơtêng hăm hơdre\ch 'long pơtăm nai mă kon pơlei Sedang oei pơtăm. {ok Đỗ Xuân Linh, Pho\ Kơdră anih vei lăng kon pơlei xăh Đak Tờ Lùng, apu\ng Kon Braih ăn tơbăt, trong jang mir na xă to\k bo\k oei lang xă tih tên lơ\m pơlei pơla kon pơlei Sedang: “Đơ\ng ro\ng kơ pơyua lơ ăn kon pơlei, kơdih kon pơlei băt hơdăh păng đe chă tơroi dih băl. Lơ unh hnam kon pơlei chih măt hăm Anih vei lăng kon pơlei xăh vang jang kiơ\ trong jang âu vă xut le# pơngot tơjur hin dơnuh. Lơ\m tơdrong jang kơ xơnăm 2018 hăm tôm hơgăt teh le# hoh nhôn gô hơvơn kon pơlei ako\m teh vă pơm thoi yơ mir na xă lơ\m kon pơlei, vă đơ\ng noh đe pơm trong hiôk tơgu\m pơl^ dih băl 'năr jang, tơgu\m băl hơto\k choh jang xa”.

Tơdrong kăp g^t vă kon pơlei Sedang tơ\ dêh char Kon Tum hăt hot pơm jang păng mă blu\ng hlôi đei jơnei hăm dôm hơgăt mir na xă noh đei tơdrong tơguăt jang kơjăp hăm anih jang mu\k drăm. Tơdrong mă anih jang găh pơgang păng tơmam drăm Măng Đen, păng truh âu kơnh noh lơ Anih jang mu\k drăm nai pơkăp răt tôm tơmam pơtăm đunh xơnăm, tơgu\m pơchoh teh, hơdre\ch, jên jang, kih thuơ\t tơgu\m ăn kon pơlei xơđơ\ng jơhngơ\m jang. Tơje# hăm noh jơnu\m pơgơ\r tơring hlôi jang tơnăp xơnong jang tơroh tơgu\m anih jang mu\k drăm păng kon pơlei tơguăt dih băl kơjăp. {ok Nguyễn Đức Tuy, Pho\ kơdră Anih vei lăng kon pơlei dêh char Kon Tum ăn tơbăt: “Nhôn tơroi ăn kon pơlei băt hơdăh tơdrong tơguăt đơ\ng unh hnam vă pơjing khul unh hnam păng tơguăt hăm anih jang mu\k drăm. Jang thoi yơ duh athei đei anih jang mu\k drăm vang jang vă pơjing tơdrong jang hăm kơjă kăp. Anih jang mu\k drăm tơgu\m đơ\ng blu\ng lơ\m tơdrong tơgu\m hơdre\ch, pho\ng rei, tơgu\m kih thuơ\t păng gô răt tôm tơmam pơm tơle\ch đơ\ng kon pơlei. 'Nâu jing um ru\p jang tơnăp. Hăm tơdrong pơjing jơnu\m jang hadoi vă atu\m hăm anih jang mu\k drăm pơjing tơdrong jang đei kơjă kăp g^t âu”.   

Tơdrong mă kon pơlei Sedang tơ\ lơ xăh lơ\m 2 apu\ng Kon Braih, Kon Plong kơ dêh char Kon Tum lơ\m xơnăm 2017 âu ki hlôi pơjing đei mir na xă, tơgu\m răh kon pơlei hơto\k io\k yua, tơjur hin dơnuh kơjăp, che\p vei đei tơdrong tơguăt tơguăl lơ\m tơpôl kon pơlei. Tơje# hăm noh hơmet le# tơdrong jang răh rai, kơ[ah găh hơdre\ch, jên jang, kih thuơ\t; ưh đei yua lơ, tơmam drăm ưh 'lơ\ng. Đơ\ng tơdrong đei jơnei mir na xă pơtăm hơ[o io\k tơm te\ch ăn anih jang mu\k drăm rong kon tơrong đơ\ng kon pơlei Sedang, dêh char Kon Tum to\k bo\k oei pơih xă trong jang âu păng pơtoi tơle\ch jang minh [ar trong jang nai, nhen mir na xă pơtăm 'long pơm pơgang, [a kăp g^t ... 'Nâu jing hơyak kăp g^t lơ\m tơdrong choh jang xa kơ kon pơlei Sedang pơma adro# păng kơ dêh char  Kon Tum pơma atu\m.

Bơngai ch^h: Khoa Điềm

Tơblơ\ nơ\r: Lan