Mo\ Ly chă tơgu\m ăn hơ io\h đo\k hla bơar lơ\m an^h mong răk kơsơ\p hla bơar u\nh hnam

VOV4.Bahnar - Hăm tơ drong ‘mêm kơ eng ‘măn ăn kơ hơ io\h păng tơ drong mơ nat tơ\ hơ năp kơ [a\h kơ [ôch đơ\ng kon o\h bơ ngai kon kông, mo\ Ngô Thị Ly, 34 sơ năm, oei tơ\ plei Kon Nhên, tơring Đăk Ruồng, apu\ng Kon Braih, de#h char Kon Tum, hlôi chă pơ jing an^h mong răk kơsơ\p hla bơar, io\k an^h rơ hơi kơ u\nh hnam ăn kơ rim đe o\h ‘lơ\p đo\k hla bơar, ho\k pơ hrăm păng ngôi pơ chơt. Mo\ Ly oei ‘măn lơ năr, jơ hngơ\m đon ăn kơ rim đe o\h lơ tơ drong pơ chơt, pơ tho đe o\h lơ [ai hơ ri, pơm ăn pơlei pơla pơse\l pơso\ Kon Nhên [e\nh tơ drong chơt hơ iă ‘nă hal păng tơ drong ‘mêm kơ eng kơ đe hơ io\h. 

Hlôi vă je# 1 sơnăm kơ au, gie\ng ayơ je\i le\i lăi, tru\h gơmăng năr 5 păng năr 6, đe hơ io\h pơlei Kon Nhên păng tơ\ tơring Đak Ruồng trơ tro\i trơ trônh năm tơ\ An^h mong răk kơsơ\p hla bơar kơ mo\ Ly vă chă đo\k hla bơar. Tru\h dang e\i, an^h mong răk kơsơ\p hla bơar kơ u\nh hnam mo\ Ngô Thị Ly jing an^h tru\h hơnơ\ng kơ 40 ‘nu hơ io\h đo\k hla bơar păng lơ\m khe\i ‘năr pơdơ\h ho\k măt bơngai hlôi to\k tru\h 80 ‘nu o\h. Năm tơ\ an^h mong răk kơsơ\p hla bơar đơ\ng năr blu\ng pơ jing, đơ\ng no\h hlôi jing bơngai tơm dơnơm lơ\m lơ ‘măng pơgơ\r pơma dơnu\h kơ yuơ mo\ Ly pơgơ\r.

O|h Hoàng Nhật Lệ, ho\k tro lăm 6 tơbăt: “Mon năm tơ\ au ho\k đe\i lơ tơdrong hơ iă. Đe\i asoang, đe\i hơri. Đe\i ho\k pơ hrăm dôm tơdrong hle păng đo\k dôm kơ sơ\p hla bơar ch^h tơroi tơdrong hơ iă nhen kơ sơ\p hla bơar tơroi mă mon ‘me\h chă lăng hlo\h ‘no\h tơchă băt vao apu\ng ple\nh te\h păng dôm kơsơ\p hla bơar ch^h tơdrong tơroi găh chăl sơnăm kơ te\h đak bơ\n sơ\. Hơ iă dêh!”

Hưch hanh hăm kơsơ\p hla bơar

Tơdrong kăl hlo\h kơ an^h mong răk kơsơ\p hla bơar u\nh hnam mo\ Ly ‘no\h ư\h kơ đe\i hla bơar ch^h hơlen tơdrong chă đo\k lăng. Đe o\h ‘ngoăih ‘chă đo\k kơtă an^h tơdăh ‘me\h vă je\i gơh hơnhăk kơsơ\p hla bơar đo\k tơ\ hnam kơ d^h. Mă le\i, kơsơ\p hla bơar ư\h khan lăp ư\h kơ hiong dong mă le\i roi năr đe\i roi lơ hlo\h dơ\ng. Lơ\m mă ‘nao chă pơ jing, an^h mong răk au lăp đe\i m^nh [ar hre\ng kơ sơ\p hla bơar dang e\i hlôi đe\i hlo\h 1.000 kơsơ\p. Tơdrong hơ iă ‘no\h mo\ Ngô Thị Ly hlôi pơ jing ăn rim đe hơ io\h băt ve\i răk kơsơ\p hla bơar păng lăng an^h mong kơsơ\p hla bơar nhen le\ kơd^h kau sư. Đe o\h năm tơ\ au ư\h khan lăp chă đo\k hla bơar mă le\i oe\i băt lăng ba tru\h bôl boăl po.

O|h Nguyễn Thanh Phong, bơngai joăt đo\k hla bơar kơ an^h mong răk au tơbăt:“Đơ\ng mă An^h mong kơso\p hla bơar au plôih ‘măng mon hlôi pơtơm bôl boăl koeng [ôt năm chă hơvơn vang tơra kơsơ\p hla bơar đo\k, hla bơar ch^h vă vang tơgu\m ăn an^h mong răk. Tơdăh bơ\n hơbe\n ao, dăh mă klang tap đ^ so pă đe\i yoa bơih ‘no\h mon je\i hơnhăk ba tơ\ au vang chă tơgop vă bôl boăl tơnap tap đe\i klang tap đe\i hơbe\n ao chă hru\k”

Hưch hanh hăm kơsơ\p hla bơar

Tơroi găh trong pơ jing an^h mong răk kơsơ\p hla bơar u\nh hnam ăn đe hơ io\h tơ\ tơring, mo\ Ngô Thị Ly tơbăt, kơd^h kau mo\ lơ\m mă oe\i ‘lơ\p je\i tôch tơnăp vang jang lơ\m khu\l Đoàn. Mư\h năm oe\i tơ\ pơlei Kon Nhên lăng [o#h đe kôn mon kơ [a\h kơ [ôch kơsơ\p hla bơar đo\k, hla bơar kơtơ\ng ang, ư\h kơ đe\i an^h chă pơchơt pơ hiơ\, chă pơm ngôi dôm tơdrong ư\h kơ ‘lơ\ng hơ iă kơna mă tơche\ng tru\h tơdrong pơ jing an^h mong răk kơsơ\p hla bơar đo\k. ‘Măng mă blu\ng mo\ tơ [ơ\p tơdrong chhu\r nuih đơ\ng u\nh hnam, kon pơlei ư\h kơ vang tơgu\m djru, rim me\ [a\ ho\k tro lơ\m pơlei ‘no\h tơbăt jơhngơ\m ư\h hơmo\. Mă le\i dôm tơdrong hơ iă đơ\ng an^h mong răk kơsơ\p hla bơar ba ăn kơ rim đe hơ io\h lơ\m pơlei păng ăn kơ d^h [ar ‘nu kon mo\ hlôi pơm ăn rim bơngai lui tơpă.

Mo\ Trần Thị Thúy, kang [o# ve\i lăng măt bơngai tơring Đak Ruông hnam oe\i lơ\m pơlei Kon Nhên, tơbăt:“&nh oe\i tơ\ au je\i 7 sơnăm bơih, lăng [o#h đe kôn mon ư\h kơ đe\i an^h chă pơchơt pơ hiơ\. Gơmăng đe\i ‘măng me\ [a\ năm tơchă bro\k tơ\ hnan dơ\ng. Đơ\ng mă đe\i an^h mong răk kơsơ\p hla bơar au ‘no\h năr pơđăm, đe\i ‘măng năr tơdrau je\i le\i lăi kư\ mă tru\h 5 jơ ‘no\h [o#h đe mon đ^ hum đang đơ\ng no\h năm tơ\ an^h mong răk kơsơ\p hla bơar au. Me\ [a\ đe mon mư\h tơ [ơ\p ba je\i chă pơma dơnu\h đơ\ng mă đe\i an^h au kơna chơt dêh. Lăng [o#h kon hơ ‘lơ\p rơgo\h, băt tơdrong yă kiơ ba gơ\h sa, tơdrong kiơ ba chă pơm, pă đe\i chă kơ chu nhen sơ\ bơih”     

Lăng mo\ Ngô Thị Ly hơngu\r chă pơtho khan ăn kôn mon hơ io\h pơlei Kon Nhên găh trong đo\k hla bơar ayơ mă [lep hăm sơnăm po, rơ ông chơt hơ iă mư\h chă pơtho đe hơ io\h pơ hrăm hơri, dăh mă chă asoang kiơ\ [ai hle hăm dôm [ai hơri ‘lơ\ng hơ iă, pă b^ bu băt mo\ ‘no\h bơngai bơ\ jang ve\i lăng tơdrong groi te\h lơ\m tơring. Mă đơ\ng bơ\ jang lơ\m tơring atăih kơ u\nh hnam 10km, tơdrong bơ\ jang kơ m^nh ‘nu kang [o# ve\i lăng groi te\h j^ tôch pơ joăl gle\h hrat, mă le\i mo\ Ly oe\i ‘măn ăn đe hơ io\h pơlei Kon Nhên păng ăn an^h mong răk kơsơ\p hla bơar u\nh hnam dang e\i hlôi jing an^h mong răk kơsơ\p hla bơar atu\m kơ rim đe hơ io\h hăm jơhngơ\m đon lăng ba kơ jăp hlo\h. Trong pơ pro\ vă jang đơ\ng mo\ Ngô Thị Ly ‘no\h tru\h Tơbăt 127 sơnăm Năr rơne\h {ok Hô năr 19/5 kơnh mo\ gô pơgơ\r tơbăt [lep 1 sơnăm an^h mong răk kơsơ\p hla bơar kơ rim đe mon vang năm. Tơdrong chhôk hơ iă hlo\h ‘no\h tơdrong jang rơheng kơ kot đơ\ng mo\ Ngô Thị Ly hlôi đe\i kơdră che\p pơgơ\r tơring, m^nh [ar an^h bơ\ jang tơring păng lơ kon pơlei băt tru\h păng vang chă tơgu\m djru hăm jơhngơ\m đon păng tơmam drăm.

Bơngai ch^h: Khoa Điềm

Tơblơ\ nơ\r: Amazư\t