VOV4.Bahnar – J^ m^nh trong tơ [ưh kơ plăh Tây Nguyên hăm tơ ring tơ ter đak dơ s^ kơ Tơ ring To\k bo\k, trong gre 40B jăl trong kơ dâu kle\ch dêh char Kon Tum dang ei đ^ kơ ne# dêh bơih, pơm ăn gre yak vih vât tôch mơ mat, krê hơ mơt. Vă pơm hiôk ăn Tây Nguyên pơ ma atu\m păng Kon Tum pơ ma adro# jang ato\k, trong gre tih âu tôch kăl đei tơ le\ch jên pơih xa ming dơ\ng:

Kơ jung vă je# 62km, trong gre 40B jăl kơ dâu kle\ch dêh char Kon Tum jing trong trong tôch mơ mat hăm rim kơ loăi gre kơ dâu vih vât tơ\ trong ‘nâu. Ku\m hăm trong ie\, bơ hôk bơ hak trong pơ chăh đei hơ met pơ gia, dôm j^ an^h trong kue\ch tơ kăl tôch hơ mơt ăn gre kơ dâu. Đ^ lơ lo\h bơih, lơ\m pơ yan ‘mi, tơ drong te\h tơ mo hơ lih tơ\ 2 păh jih trong đei hơ nơ\ng dơ\ng.

Kơ dâu tơ\ trong gre 40B hơ nơ\ng jing tơ drong krê hăm rim bơ ngai huơ\r gre

‘Nho\ng Trần Đình Trung, 1 ‘nu bơ ngai huơ\r gre tih ăn tơ băt: “Trong kue\ch kue\l tơ kăl, yak tôch mơ mat, tôch hơ mơt, lơ gre huo\ng tơ\ thong dui hơ to\k ưh kơ gơ\h. Pơ yan ‘mi te\h hơ lih găn trong ưh gơ\h yak. Thây kô năm pơ tho ăn đe hơ ‘lơ\p tơ\ pơ lei ưh gơ\h năm pơ tho. Đak lơ\p, tih hơ lih yak kơ gơ\h, tôch gkle\h hrat.”

Mă đơ\ng lăp hơ tăih kơ pơ lei tơm Tam Kỳ, dêh char Quảng Nam hlo\h 147km păng tôch je# đak dơ s^, mă lei yoa trong yak mơ mat tat, dôm kơ loăi ka hơ dang đơ\ng đak dơ s^ chơ to\k tơ\ âu tam mă lơ păng kơ jă te\ch oei tôch măk pơ têng hăm kon pơ lei 2 apu\ng Tu Mrông, Đak Tô tơ ring đei trong gre 40B kơ dâu kle\ch pơ ma adro# păng dêh char Kon Tum pơ ma atu\m. ‘Ngoăih kơ ‘no\h yoa trong kơ ne# lơ tơ mam đơ\ng kon pơ lei jang đei adoi te\ch hăm kơ jă tôch re\h yoa jên chơ măk.

Trong ie\, kue\ch tơ kăl tôch hơ mơt

{ok Vương Văn Mười, Pho\ Kơ dră vei lăng kon pơ lei apu\ng Tu Mrông, dêh char Kon Tum đei nơ\r pơ ma: “Tơ drong hơ pơi đơ\ng apu\ng ku\m tôch ‘me\h, tơ\ hơ năp kơnh đei An^h tơm vei lăng trong nơ năm păng Khul kơ dră te\h đak tơ re\k, tơ le\ch jên pơm hơ met trong gre 40B âu đơ\ng trong gre tăl VI jur jing tăl IV vă pơm ‘lơ\ng ăn tơ drong yak vih vât. Mưh trong gre 40B âu đei pơm hơ met lăp hăm trong tăl IV kơ tơ ring groi kông bơih ‘no\h tơ drong yak vih vât tôch kơ hiôk. Yoa apu\ng gơ\h yak jur tơ\ Quảng Nam chă chơ te\ch bơ\n tơ mam drăm đơ\ng tơ ring groi kông hăm tơ ring tơ ter đak dơ s^ kơ Tơ ring To\k bo\k, tôch kơ hiôk, vang tơ gop pơm hơ to\k tơ drong jang xa ku\m nhen tơ drong jang to\k mu\k drăm tơ\ apu\ng.”

Kiơ\ nơ\r pơ ma đơ\ng lơ bơ ngai juăt jang păng kơ dră che\p kơ\l dêh char Kon Tum, tơ dăh jăl trong 40B kơ dâu kle\ch dêh char đei tơ le\ch jên pơm hơ met, pơih xă ming, ‘nâu gô jing m^nh lơ\m dôm jăl trong tơ [ưh tôch g^t kăl kơ tơ ring Tây Nguyên hăm tơ ring tơ ter đak dơ s^ găh tơ ring To\k bo\k. Sư ưh lăp tơ iung jơ hngâm pran ăn tơ ring găh Tu Tây Nguyên jang to\k đe\ch, trong âu oei jing trong chơ tơ mam tôch hiôk hian ăn jơ\p tơ ring găh pơ băh te\h đak Lào păng găh Hơ le\ch Kơ tu te\h đak Campuchia le\ch tơ\ đak dơ s^ kiơ\ ‘măng jang sơ lam Bờ Y.

Khoa Điềm: Chih

Dơ\ng: Tơ blơ\