Kon Tum: Hơ to\k sơ nong jang dro\ kăn lơ\m pơ jing tơ ring tơ rang ‘nao – ‘Năr 5 năr 2-1-2015

Tơ drong jang tơm kơ te\h đak găh pơ jing tơ ring tơ rang ‘nao j^ 1 tơ drong jang tih vă pơ jing jơ hngâm pran ăn tơ drong jang ato\k tơ iung rim tơ drong ăn tơ ring tơ rang. Băt hơ dăh tơ drong g^t kăl đơ\ng tơ drong jang âu, Khul dro\ kăn dêh char Kon Tum tơ le\ch tơ drong jang dro\ kăn vang pơ jing tơ ring tơ rang ‘nao truh hăm rim bơ ngai jang lơ\m khul. Tơ drong jang đei mo\ o\h jang kiơ\ tôch ‘lơ\ng, vang tơ gop pơm tơ plih ‘nao pơ lei pơ la tơ\ tơ ring atăih yăih kơ dêh char Kon Tum.

Mo\ Lê Thị Thao tơ\ thôn 2 xăh Tân Cảnh, apu\ng Đăk Tô, ‘no\h j^ bơ ngai năm hơ drol tơ le\ch tơ drong jang rong nhu\ng te\ch hơ nhăk ăn io\k yua mu\k drăm lơ tơ\ tơ ring. Kiơ\ nơ\r mo\ Thao, hơ drol sơ\ tơ drong ar^h sa u\nh hnam mo\ tôch kơ mơ mat, te\h cho\h jang sa to\ xe\t, ư\h kơ đei kon jên jang dơ\ng kơ na lai yơ ku\m kơ [a\h kơ [ôch. Gơ nang đơ\ng Chi hội dro\ kăn thôn ăn mơng 4 triệu đơ\ng jên mong kơ Chi hội, mo\ hlôi pơ\n răt 8 to\ nhu\ng ie\ păng tơ mơ\t jên jang vei lăng, đơ\ng ro\ng 1 xơ năm vei rong, mo\ hlôi te\ch đei 4 to\ nhu\ng, kơ so# io\k đei hlôi tơ gu\m mo\ kla đei hre ăn kơ Chi hội dro\ kăn xăh, hơ met tơ drong ar^h sa păng hơ nơ\ng tơ mơ\t jên jang pơ\ih xă tơ drong jang âu. Mo\ Thao tơ roi tơbăt: “4 triệu ‘no\h ^nh răt đei 7-8 to\ nhu\ng ie\, đang kơ ‘no\h ^nh răt đơ\k vă hie\m, đang kơ ‘no\h pơ tơm rong đơ\ng no\h t^h tăi, lơ\m kơ so# 8 to\ nhu\ng ‘no\h ^nh te\ch đei 4 ‘măng, thoi no\h ‘no\h j^ hlôi đei io\k yua bơ\ih”.

Dang ei jên mong kơ Chi hội dro\ kăn thôn 2 xăh Tân Cảnh, apu\ng Đăk Tô hlôi io\k đei vă je# 130 triệu hlak jên, kơ so# jên đei tơ gu\m pơ lơ\h băl ăn kơ 30 ‘nu dro\ kăn dơ nu\h hin jang lơ\m khu\l, dăh mă đei tơ drong ar^h sa mơ mat tat hăm jên lơi to\ xe\t. Vă pơ jing kon jên mong âu, 1 khei 1 ‘nu bơ ngai jang lơ\m khu\l vang tơ gop 5 rơ bâu hlak jên lơ\m [o#i phe ‘mơ ‘met, 10 rơ bâu hlak jên lơ\m jên mong. Đơ\ng kơ so# jên to\ xe\t sot mo\ o\h hlôi tơ gu\m băl hơ to\k tơ iung mu\k drăm, păng roi năr roi tơ je#, rơ hau hlo\h, đơ\ng no\h pơ jing tơ drong lang xă t^h lơ\m tơ pôl.

Ư|h khan lăp hơ dro# tơ gu\m găh kon jên vă tơ gu\m băl hơ to\k tơ iung mu\k drăm, Khu\l vei lăng găh dro\ kăn xăh Tân Cảnh, apu\ng Dak Tô oei hơ nơ\ng tơ [ơ\p băl, pơ ma dơ nu\h tơ roi ăn d^h băl dôm tơ drong hlo#h vao găh cho\h pơ tăm păng vei rong kon tơ rong. Bơ ngai jang ‘lơ\ng đơ\ng tơ drong jang âu ‘no\h j^ Nguyễn Thị Hằng, bơ ngai jang Chi hội dro\ kăn thôn 3. U|nh hnam mo\ đei hlo\h 1 héc ta che\h phe, 6 héc ta kơ su, ‘ngoăih kơ ‘no\h oei io\k jang hlo\h 3 héc ta kơ su kơ mir đak lar kơ su Tân Cảnh. Đơ\ng dôm pơ gar ‘long âu, jo# păh lăp u\nh hnam io\k yua đơ\ng 400-500 triệu hlak jên 1 xơ năm. Mo\ ‘no\h j^ bơ ngai jang lơ\m khu\l hơ drin hai, jang mu\k drăm hơ gei hai păng hơ nơ\ng đei hơ vơn pơ tho rim lăm chrek kơ tăk kơ su păng vei lăng pơ gar kơ su ăn kơ bơ ngai jang lơ\m khu\l nai, mo\ Hằng pơ ma: “Kiơ\ kơ ^nh tơ che\ng ‘no\h mư\h ba băt khoa ho\k ki thuơ\t ‘no\h ba tơ [o#h tơ drong hlo#h vao ăn kơ mo\ o\h vă kơ vang hơ to\k ‘lơ\ng tơ drong ar^h sa to\k. Vă jang đei ‘no\h ba athei hơ met tơ drong jang u\nh hnam tơ drong jang tơ pôl mă tro\ [lep.”

Dôm tơ drong jang đơ\ng rim Chi hội dro\ kăn xăh Tân Cảnh, apu\ng Dak Tô vă xut pơ ngot rơ ve\t tơ jur dơ nu\h ăn kơ mo\ o\h, ‘no\h ku\m jing 1 lơ\m tơ drong jang tơm rim xơ năm đơ\ng Khu\l gru\p vei lăng dro\ kăn de#h char Kon Tum, păng jing 1 lơ\m dôm tơ drong tơ chơ\t hơ drol vă pơ jing tơ ring tơ rang ‘nao. Lơ\m xơ năm âu, Khu\l gru\p vei lăng dro\ kăn de#h char Kon Tum ling lang hơ len hơ dăh tơ drong jang tơ gu\m dro\ kăn hơ to\k tơ iung mu\k drăm kơ jăp ‘no\h j^ 1 lơ\m tơ drong kăl pơ tru\t dôm tơ drong jang đơ\ng Khu\l gru\p roi ‘lơ\ng hlo\h dơ\ng. Xơ năm 2014, Khu\l hlôi ako\m athei jang kiơ\ tơ drong hơ to\k tơ drong tơ pl^h ‘nao găh tơ drong ‘lơ\ng io\k yua krao hơ vơn tơ gu\m jang sa, jang kiơ\ ‘mơ ‘met tơ jur dơ nu\h hin kơ jăp tru\h 100% rim khu\l jang tơ\ tơ ring. Hơ doi hăm tơ drong jang tơ roi tơ băt, rim kơ dră vei lăng Khu\l dro\ kăn de#h char Kon Tum hlôi lăng kăl tơ drong ăn to\k io\k rim kon jên ăn kơ Bơ ngai jang lơ\m khu\l dro\ kăn to\k io\k vă tơ mơ\t jên jang hơ to\k tơ iung mu\k drăm u\nh hnam. Vă kơ kon jên to\k io\k yua [lep tơ drong rim kơ dră vei lăng Khu\l hlôi jang hơ doi hăm an^h pơ tru\t cho\h jang sa pơ tru\t vei rong ka hơ dang, an^h pơ tho tơ drong jang pơ\ih lơ lăm pơ hrăm kơ măy kơ mo\k ki thuơ\t pơ tăm pơ mâu, kơ su, vei rong kon tơ rong ăn kơ rim bơ ngai jang lơ\m khu\l, gơ nang đơ\ng no\h vă je# 70% bơ ngai dro\ kăn jang lơ\m khu\l to\k io\k jên hlôi hơ to\k io\k yua jên jang. Mo\ Nguyễn Thị Liên, Pho\ kơ dră che\p kơ\l vei lăng Khu\l dro\ kăn de#h char Kon Tum tơ roi tơ băt: “Lơ\m xơ năm 2014 io\k đơ\ng blu\ng xơ năm nhôn tơ le\ch jang tơ drong jang pơ jei băl lơ\m rim khu\l jang hăm hơ năn ako\m tơ le\ch tơ drong jang kiơ\ 5 ư\h 3 rơ go\h tơ klep hăm pơ jing tơ ring tơ rang ‘nao, pơ jing an^h kơ drơ\m ‘lơ\ng ro\. Tru\h dang ei, pơ tôch jang kiơ\ nhôn [o#h đ^ đăng dro\ kăn jang lơ\m khu\l đe sư băt đei tơ drong tơm, tơ drong ‘lơ\ng mă loi ‘no\h j^ sơ nong jang đơ\ng bơ ngai dro\ kăn jang lơ\m khu\l lơ\m tơ drong pơ jing tơ ring tơ rang ‘nao, păng hơ dăh hlo\h ‘no\h j^ nhôn pơ jing tơ drong jang tơ gu\m dro\ kăn hơ to\k tơ iung mu\k drăm, tơ drong jang io\k yua hlo\h ‘no\h j^ tơ drong jang pơm kiơ\ [ok Hồ, jang kiơ\ ‘mơ ‘met tơ gu\m băl tơ jur dơ nu\h hin kơ jăp.”

Băt hơ dăh găh đon tơ che\ng, vei kơ jăp tơ drong bơ\ jang kơ na tơ\ rim tơ ring lơ\m de#h char Kon Tum, sơ nong jang đơ\ng dro\ kăn lơ\m tơ drong pơ jing tơ ring tơ rang ‘nao roi ‘năr roi đei sơ kơ\t hơ dăh, vang tơ gop tơ jur kơ so# u\nh hnam dơ nu\h hin rim xơ năm kơ de#h char. 

                                                                        Bơngai tơblơ\ nơ\r: Thuem