VOV4.Bahnar - Đơ\ng đei rơneh hlôi hơven hơvo, ưh đei 2 păh ti, jơ\ng đo\ng, kơdu\ ưh đei tơpăt,  j^ plei nuih păng unh hnam hin dơnuh dơ\ng. Cho\ng mă tôm tơdrong ưh kơ pu\n ai noh ưh ke\ pơm ăn Y Julie lao đon. Đơ\ng ro\ng kơ tơdrong kơ ‘nôh đơ\ng bơngai ho\k tro ‘la#p oei kiơ\ ho\k tơ\ hnam trưng THPT Trường Chinh, plei tơm Kon Tum, dêh char Kon Tum oei đei tơdrong tơroi kơ 2 ‘nu ho\k tro 10 xơnăm tơgu\m boăl yak hloh hơven hơvo vă năm truh hnam trưng lăm ho\k.

Lơ\m 10 xơnăm ho\k âu ki, trong năm truh hnam trưng ho\k kơ ho\k tro mơlôh hơven hơvo Y Julie, bơngai Bahnar bơ\n tơ\ pơlei Kon Drei, xăh Đăk Bla, plei tơm Kon Tum hơnơ\ng đei tơdrong tơgu\m đơ\ng 2 ‘nu boăl drăkăn atu\m pơlei noh Y Bích păng Y Vưn. Gơnơm đei 2 ‘nu boăl ‘lơ\ng, mă ưh đei 2 păh ti, hơkâu jăn hơke\ hơkong yuơ j^ jăn, cho\ng mă Y Julie duh đei tơdrong chơt hơ iă xơnăm hơ ioh đei năm truh hnam trưng ho\k. Đei 2 ‘nu boăl tơgu\m jơhngơ\m, rim năr chơ hăm gre tang vang, Y Julie hlôi găn hloh 10 xơnăm ho\k đơ\ng hnam trưng Mầm non Ánh Hồng truh tơ\ ho\k ăh jăl kơđeh tơ\ hnam trưng Đăk Blà, hnam trưng THCS Lê Đình Chinh păng dang ei noh hnam trưng THPT Trường Chinh. Tơroi găh boăl păng tơdrong tơgu\m boăl đơ\ng po, oh Y Vưn, ho\k lăm 10C8, tơ\ hnam trưng THPT Trường Chinh ăn tơbăt: “Boăl Y Julie ưh nhen bôl boăl nai. Inh tơgu\m boăl lơ\m tơdrong oei xa rim kơ năr. Chơ năm ho\k. Che\p kơdu\ng hla bar ăn kơ boăl. Tơgu\m boăl lơ\m ho\k pơhrăm. Tơgu\m boăl noh kơdih po inh [ôh hiôk păng xo# xôn lơ\m jơhngơ\m”.   

Atu\m hăm tơdrong rim kơ năr ưh mơ\ng bri tơnap tap, trong ataih hloh 10km tơnap kơ yak dơ\ng, bre oh Y Bích, Y Vưn pơlơh băl chơ boăl năm truh hnam trưng. Vih tơ\ pơlei, bre oh oei tơgu\m boăl lơ tơdrong lơ\m erih xa rim năr. Tơgu\m băl lơ\m ho\k pơhrăm, 3 ‘nu oh atu\m băl ho\k [ai, pơtho băl dôm [ai ho\k tơnap, tam mă vao. Y Bích, Y Vưn tơgu\m boăl ho\k tơnăp môn Toán, hơlơ\k kơ noh Y Julie tơgu\m boăl ho\k môn nơ\r Anh păng môn Văn. Ling lang đei 2 ‘nu boăl tơgu\m hơlêm, Y Julie đơ\ng yak hloh kơdơ\ mơlâu, truh lui kơdih po păng dang ei xư jing bơngai rơhal rơho\ hơbe\ch hơbal. Oh oei adrin vang jang tôm tơdrong mă lăm, hnam trưng păng kon pơlei chă pơgơ\r lơ\m pơlei. Oh Y Julie tơroi thoi âu: “Rơneh tih vơ\ ưh đei pu\n ai nhen bơngai nai, mă lei ba duh athei adrin yak hloh tơnap tap. Mă âu jing tơdrong tơnap tap, mă lei đei tơdrong tơgu\m đơ\ng 2 ‘nu boăl noh inh duh kơ ‘nôh yak hloh tơnap tap, đei jơhngơ\m năm ho\k pơhrăm”.

Tơ\ plei tơm Kon Tum, dêh char Kon Tum tơdrong tơroi 10 xơnăm tơgu\m boăl yak hloh tơdrong hơven hơvo năm truh hnam trưng đơ\ng 2 ‘nu oh Y Bích păng Y Vưn dang ei hlôi đei lơ bơngai băt truh. Atu\m hăm tơdrong hmach bơnê kơ đon bơnôh bôl boăl đơ\ng 3 ‘nu ho\k tro ‘la#p, lơ tơdrong hơlêm kăp g^t duh hlôi đei minh [ar anih jang ‘mêm bơnat, anih jang tơpôl truh tơgu\m đe oh. Lang xă jơhngơ\m đon bôl boăl tơnăp, tơdrong jang dơnưp, 3 ‘nu boăl Y Bích, Y Vưn păng Y Julie, ho\k lăm 10C8, tơ\ hnam trưng THPT Trường Chinh đei thây kô pơtho duh nhen bôl boăl ho\k tro hmach bơnê păng jing um ai pơm trong vă adrin lơ\m ho\k pơhrăm.

Tơroi găh 3 ‘nu ho\k tro dơnưp kơ po, kô pơtho Phạm Thị My Ly, pơgơ\r lăm ho\k kơ 3 ‘nu oh âu ăn tơbăt:  “Oh Julie tơnăp adrin yak hloh tơnap tap. Oh chih chư hăm jơ\ng mă lei chư guăng ‘lơ\ng. Hnam ataih đơ\ng hnam trưng, trong nơnăm tơnap tap, oh ưh gơh kơdih năm truh tơ\ hnam trưng noh đei 2 ‘nu oh Bích păng Vưn pơlơh băl chơ oh năm ho\k hăm gre tang vang. Lơ\m et xa ăh ‘năr dơ\ng noh bre boăl ‘me ăn. Chă năm yô chơgaih âu to noh duh athei đei boăl kiơ\ vă tơgu\m. Julie kơ ‘nôh tôch dêh, oh ho\k tơnăp, năm ho\k tôm năr, adrin tôch tơnăp”.

Atu\m hăm pơtoi tơgu\m boăl năm truh hnam trưng lơ\m 2 xơnăm ho\k oei lăi kơ jăl THPT, 2 ‘nu oh Y Bích păng Y Vưn ‘meh vă ning mônh kơnh gô tơgu\m boăl Y Julie đei minh tơdrong jang tơnăp vă oh pơtoi xơđơ\ng dơ\ng kơjăp lơ\m tơdrong erih.

Lan chih păng rapor