VOV4.Bahnar - Tơ\ dêh char Kon Tum, xơnăm âu ‘mi hơnơ\ng, pơdui đunh năr hloh pơtêng hăm dôm xơnăm adrol, hlôi pơm ăn lơ tơdrong ming man jing adar hloh kơ pơkăp păng pơrăm hăm tơdrong pơkăp hơto\k mu\k drăm, tơpôl tơ\ tơring.

Pơtơm ming man ăh khei 12/2017, truh dang ei đơ\ng ro\ng 9 khei, anih io\k man gơng ataih 234m găn đak krong Đak Bla, pơtoi tơring Quyết Thắng hăm tơring Nguyễn Trãi, plei tơm Kon Tum pơtơm keh đang 3 to\ jrăng păng 1 anih pơdjoi tơ\ kông. Mưh [lep pơkăp, anih ming man athei keh đang pơđ^ 2 păh jrăng tơm tơ\ đak păng jrăng tua bin kơ dơnâu đak. {ok Lê Tấn Phong, Kơdră Anih io\k ming man, kơ Anih jang Trường Long tơblang, ‘mi lơ păng pơdui đunh năr noh anih jang ưh gơh ming man: “Xơnăm âu hơyuh to# ‘mi tơ\ Kon Tum noh ‘mi lơ. Tơdrong ming man lơ păng man tơ\ hơla đak. Đak to\k noh ming man adar hloh pơtêng hăm tơdrong pơkăp. Ưh kơ băt adrol ôh, kơlih dôm xơnăm adrol ki ‘mi ưh đei lơ nhen xơnăm âu”.

Tơdrong mă ‘mi pơtoi đunh khei năr hlôi pơm ăn lơ tơdrong ming man tơ\ dêh char Kon Tum jing adar hloh pơkăp nhen: tơdrong ming man pơih xă trong veh kơ hnam kơmăi unh hơyuh Plei Krông tơ\ jăl trong Hồ Chí Minh jăl găn Tân Cảnh- Kon Tum; Tơdrong man trong păng gơng đơ\ng jăl trong tih 671 năm tơ\ jăl trong 14; Tơdrong man anih jang kơ dôm anih jang kơpal ‘nâu nai hia. {ok Phan Thanh Hùng, Kơdră Jơnu\m vei hơlen dôm tơdrong pơkăp jang 98 dêh char Kon Tum ăn tơbăt, tôm 4 tơdrong ming man kăl đơ\ng blu\ng xơnăm noh yuơ Jơnu\m jang pơgơ\r adoi oei lơ\m ming man adar hloh pơkăp jang: “Đơ\ng khei 3 truh dang ei ‘mi hơnơ\ng đe\ch, ‘mi đunh năr noh tam mă gơh tơle\ch ming man ôh. Anih io\k ming man duh oei gô lăng. Tơ\ anih ming man noh ưh gơh hơto\k teh yuơ đak to\ng lơ hram lơ\m teh. Mă 2 noh trôk tra#p ưh gơh man ôh”.

        Tơdrong răm đơ\ng hơyuh to# ‘mi pơm ăn lơ tơdrong ming man lơ\m dêh char Kon Tum jing adar hloh kơ pơkăp jang, pơrăm tih tên truh tơdrong jang păng tơchơ\t hơto\k mu\k drăm, tơpôl kơ tơring. Hơyuh to# ‘mi ưh xơđơ\ng duh jing minh lơ\m dôm tơdrong tơm pơm ăn xơnăm âu, tơdrong axong jên pơm jang hơto\k tơ iung kơ dêh char Kon Tum jing adar. Jo# truh năr 20/8 âu ki, tơring pơtơm axong đei pơhlom 1/3 lơ\m kơxo# jên pơkăp axong jang hơto\k hloh 2.500 tih hlak jên kơ xơnăm âu.

Lan chih păng rapor