VOV4.Bahnar - Đơ\ng ro\ng kơ đunh khei năr pơdơh le#, lơ\m dôm năr kơ âu tơ\ dêh char Kon Tum, đe chă jâu rơ ông rơ ang [ơ\t [ôh kon pơlei tơ\ Kueng kơpho# 3, th^ tra#n Plei Kần, apu\ng Ngọc Hồi, yua tơlei mam vă kơto\ng găn đak krong truh tơring pơm jang. Kơlih kiơ kon pơlei ưh kơ mơ\ng găh tơdrong hli vă kơto\ng tơlei găn đak krong?

 Đơ\ng ro\ng lơ ‘măng apinh kơ trong, mă hơtuch noh nhôn duh chă đei [lep tơring mă kon pơlei tơ\ Kueng kơpho# 3, th^ tra#n Plei Kần, apu\ng Ngọc Hồi rim kơ năr duh oei kơto\ng tơlei mam găn đak krong Pô Kô. Yă Nguyễn Thị Kim Liên, hnam oei ăh kơ\l trong krang jur tơ\ đak krong, anih [u\ jrăng pơđjoi tơlei mam vă kon pơlei kơto\ng găn đak ăn tơbăt: “Rim kơ năr đe vih vơ\t duh lơ mơ\n. Dang ei găh âu găh to ako\m kơto\ng tơlei âu ngăl vă găn đak. Trong năm jur tơ\ hnam kơmăi unh hơyuh tơnap kơ yak, dang ei ako\m năm trong âu đe\ch bơih”.

Vă xơđơ\ng ăn rim ‘măng kơtơ\ng tơlei mam găn đak krong, kon pơlei [u\ jrăng bê tông tơ\ 2 păh jih krong, yua tơlei mam 16mm tơroh păng hang pơklep hăm kơdu\ng mam đang kơ noh kơtol cho# tơ\ tơlei mam hăm 2 to\ ro\l d^l v^l. Rim ‘măng găn đak krong, bơngai dăh mă tơmam drăm, pho\ng rei adoi ‘măn lơ\m kơdu\ng mam noh ngăl. Adro# pơih le# tơlei mam hăm anih cho# kơjung kơđeh ăh 2 păh jih krong noh kơdu\ng mam gô kơdâu kơdih truh 2 păh jih krong.

Mă kơdih chă tơroi akhan, hăp ke\ dui trăp hloh 1 tân, xơđơ\ng [ơ\t găn đak krong, cho\ng mă lơ kon pơlei duh mơmơnh, yuơ 2 păh jih đak krong ataih je# kơ hre\ng met, tơlei mam mă tih ră duh ưh ê ôh, mă hăt noh ăh ‘năr ‘mi kial đak hơbông. {ok Trần Dương Chấn, oei tơ\ pơlei Đak Rế, xăh Đak Rơ Nga, apu\ng Đak Tô, cho biết: “Kon hơ ioh năm ho\k, năm kơchơ răt tơmam, năm jang mir găh âu găh to noh oei tơ\ hnam pơngơ\t kơ đon. Duh pu\n ai dang ei đei đie#n thoăi. Đang kơ noh vih, năm truh găh to noh tơroi ăn dih băl găn đak krong hăm hloh ưh, hloh hlăng noh tơ\ hnam xơđơ\ng jơhngơ\m. Oei ưh noh yêr dêh, kơlih găn đak krong truh găh to duh dôm hre\ng met mă ‘nho\ngoh kon xâu găn ga. Nhôn oei gơh glơi, oei hơ ioh păng bơngai ‘lo\ noh yêr tơpă lah, pơm thoi yơ mă gơh xơđơ\ng jơhngơ\m”.  

Lơ kon pơlei tơ\ kueng 3, th^ tra#n Plei Kần, apu\ng Ngọc Hồi păng tơ ‘ngla kơ 2 tơlei mam găn krong noh [ok Đặng Trung Tá, hnam đei 10ha teh, pơtăm cà phê, kơxu, tiu găh to đak krong Pô Kô xơkơ\t: tơlei kơto\ng tơlei mam găn đak krong đei 10 xơnăm kơ âu bơih. {ok Lương Tám, hnam đei 4ha pơtăm ‘long ko\ng ngie#p ăn tơbăt tơdrong tơm mă [ok păng kon pơlei tơ\ âu rim năr athei kơto\ng tơlei mam vă găn đak krong mă băt âu jing tơdrong hli hlơt: “Dang ei gơng mam noh năm ataih dêh. ‘Mi noh trong tơblơ\r, trong krang, kông tơhlăk kơ kông noh thoi yơ mă gơh năm, athei găn đak krong hăm tơmam âu đe\ch. ‘Nguaih kơ noh ưh đei trong năm yơ ôh. Jur tơ\ Tân Cảnh pơtơm đei trong găn ga. Đơ\ng Ngọc Hồi năm truh Tân Cảnh noh dôm j^t kơxo# thoi yơ mă to\k truh tơ\ âu mă trong mir năm gơh tơ\ yơ. Mă âu đe\ch bơih xơđơ\ng. Kon pơlei nhôn dang ei yua yăi mă âu đe\ch bơih”.

 Rơih io\k găn đak krong Pô Kô hăm tơlei mam, kon pơlei tơ\ Kueng 3, th^ tra#n Plei Kần, apu\ng Ngọc Hồi ưh đei năm dăr ataih hloh mă trong noh vih vơ\t tơnap tap. Mă lei âu jing tơdrong hli hlơt kơlih găn đak krong rim năr mă hăm minh tơlei mam đe\ch lơ\m kơpal tơ\ hơla đak pơyan phang đak och, oei pơyan ‘mi đak tih noh yêr tơpă mơ\n.

Đei băt tơ\ âu hlôi đei 2 ‘măng xar bar [ơ\t kơto\ng tơlei mam găn đak krong mă lei pu\n ai noh ưh đei răm kiơ găh kon bơngai. Găh tơdrong mă âu, [ok Nguyễn Xuân Phượng, Kơdră anih vei lăng kon pơlei th^ tra#n Plei Kần, apu\ng Ngọc Hồi tơroi: “Tơdrong pơkăp đơ\ng th^ tra#n ưh đei lăp hăm tơdrong âu. Mă âu jing minh lơ\m dôm tơdrong vih vơ\t kơdih đơ\ng đe xư vă bơ\ găn đak krong năm jang mir đe\ch. Hăp ưh đei xơđơ\ng ăn tơdrong erih mă hăt noh ăh pơyan ‘mi. Jơnu\m pơgơ\r tơring dang ei duh oei jang atu\m, hơvơn unh hnam kon pơlei ne\ kơ yua tơlei mam âu bơih mă athei găn kiơ\ gơng hơneh mă teh đak hlôi axong jên bơ\ ăn”.

 {ok Nguyễn Xuân Phượng duh ăn tơbăt, vă vei xơđơ\ng ăn kon pơlei rim năr năm truh tơring pơm jang, jơnu\m pơgơ\r th^ tra#n Plei Kần oei pơđăp hăm minh anih jang mu\k drăm hnam kơmăi unh hơyuh tơ\ tơring âu bơ\ tơdăng minh pôm gơng hăm tơ\r pơgăn đak krong. Tơdrong tơkan jang đơ\ng jơnu\m pơgơ\r tơring noh adar dêh hnang, kơlih lơ\m 10 xơnăm kơ âu, rim năr lơ kon pơlei duh oei pơngơ\t hăm tơdrong erih po rim ‘măng găn đak krong âu.

Lan chih păng rapor