VOV4.Bahnar - Lơ\m dôm năr âu hloh 1.000 unh hnam kon pơlei hăm hloh 4.000 măt bơngai tơ\ xăh Tân Lập, apu\ng Kon Braih, dêh char Kon Tum to\k bo\k oei gô chang rim năr gơng man pơgăn đak krong Đăk Pne keh đang. Đei gơng, atu\m hăm tơdrong tơgu\m kon pơlei tơ\ âu pơtôch le# tơdrong athei năm trong ataih, tơmam choh pơtăm đei hlôi gơh chơ hăm gre choh, gơng oei jing um pơtih kơ tơdrong tơguăt tơguăl đơ\ng kon pơlei hăm jơnu\m pơgơ\r tơring lơ\m tơdrong pơjing tơring pơxe\l ‘nao. Kơlih, vă đei teh man gơng păng trong hơto\k, 8 unh hnam kon pơlei tơ\ thôn 6, xăh Tân Lập hlôi kơdih plang hloh 20.000m2 teh.

Lơ\m 8 unh hnam kon pơlei tơ\ thôn 6, xăh Tân Lập, apu\ng Kon Braih plang teh bơ\ gơng noh unh hnam Nguyễn Ngọc Hùng jing unh hnam plang lơ hloh hăm  2.630m2. Hơgăt teh mă unh hnam Hùng plang ăn teh đak noh teh bơ\ hnam, teh choh jang păng 145 tơm ca phê oei pe\ plei ăh xơnăm mă 9. Tơroi găh đon kơche\ng po hăm tơdrong pơkăp plang mu\k drăm kăp g^t hloh kơ bơngai jang mir vă jơnu\m pơgơ\r tơring pơih trong, bơ\ gơng, Nguyễn Ngọc Hùng ăn tơbăt: “Bơngai jang mir đei teh jing mu\k drăm kăp g^t hloh noh tơroi truh trong pơkăp jang mă lei lơ\m noh duh athei đei tơdrong pơđăp drơ\ng nơ\r lơ\m unh hnam. Kơdih po inh duh hơvơn kon hơkăn lơ\m unh hnam athei drơ\ng nơ\r hăm trong pơkăp jang đơ\ng Teh đak kiơ\ tơchơ\t jang noh Teh đak păng Kon pơlei atu\m pơm jang, ba plang teh vă ming man tơdrong pơyua ăn tơpôl tơring tơrang hơto\k tơ iung mu\k drăm”.     

 Atu\m hăm unh hnam Nguyễn Ngọc Hùng, oei đei [ar unh hnam dơ\ng lơ\m thôn duh plang lơ teh păng teh đei kơjă kăp kơ unh hnam noh pơmai Nguyễn Thị Ngát, plang 2.464m2 teh choh jang; pơmai Ngô Thị Tuyết Sương plang 13m teh jih jăl trong tih 24, dang ei rim met teh đei kơjă pơhlom 30 triu hlj. Ako\p 8 unh hnam kon pơlei tơ\ thôn 6, xăh Tân Lập hlôi plang ăn Teh đak hloh 20.000m2 teh vă bơ\ gơng, man trong. Tơdrong kăp g^t tơgăl kơ pôk bơnê noh tôm unh hnam plang teh adoi đei atu\m đon kơche\ng noh kơyuơ tơdrong pơyua atu\m. Pơmai Nguyễn Thị Ngát ăn tơbăt: “Jăl trong hăm gơng găn mir hnam inh, inh tôch xo# xôn. Ưh kơx^ inh mă lơ bơngai nai đei mir tơje# âu. Đei pơyua mă mônh noh mưh tơmam choh pơtăm đei chă te\ch tơle\ch noh ưh đei hiong kơjă. Adrol ki pơyan ‘mi kon pơlei ‘meh te\ch yă kiơ duh ưh gơh te\ch yao, kơlih đak tih noh ưh gơh găn. Găh thôn 6 âu te\ch yă kiơ duh athei thuê bơngai đơ\ng găh to truh răt. Kon pơlei hơpơi đei gơng xă kơjăp vă gre chơ tơmam gơh găn ga”.

{ok Đặng Tuấn Tịnh, Kơdră Anih vei lăng kon pơlei xăh Tân Lập, apu\ng Kon Braih ăn tơbăt, duh nhen tơ\ thôn 6, rim unh hnam kon pơlei 5 thôn oei lăi lơ\m xăh duh dăp đon dăp bơnôh kơyuơ tơdrong pơyua atu\m. ‘Nâu jing tơdrong kăp g^t vă xăh keh đang 19 tơdrong tơchơ\t pơjing tơring pơxe\l ‘nao ăh xơnăm 2019 âu ki: “Ưh adro# tơ\ minh thôn 6 mă lơ\m xăh âu hloh adoi drơ\ng nơ\r ngăl. Lăng atu\m teh đak pơkăl noh kon pơlei tơgu\m mă noh ưh đei pơm tơhlăk kiơ ôh. Yơ\ng âu ki tơring pơxe\l ‘nao tơ\ xăh plang lơ teh. Plang teh, plang ‘long pơtăm mă ưh đei hru\ vă minh hlak. Kon pơlei tơgu\m 100%”.

Gơng man bê tông pơgăn đak krong Đăk Pne, tơ\ thôn 6, xăh Tân Lập, apu\ng Kon Braih ataih 99m, găh trong to\k tơ\ gơng ataih 460m hăm kơso# jên axong ming man hloh 21 tih hlj đơ\ng jên mong kơ dêh char Kon Tum păng apu\ng Kon Braih. Gơnơm đei tơdrong drơ\ng nơ\r plang hloh 20.000m2 teh đơ\ng 8 unh hnam tơ\ thôn 6 mă tơdrong man gơng âu đei dru\t tenh. Jơnu\m pơgơ\r tơring păng anih io\k ming man to\k bo\k oei adrin keh đang adrol kơ khei 8 xơnăm âu vă tom xơng kơ kuh kơ Hop ako\m Đảng [o# apu\ng, hrôih hloh je# 1 xơnăm pơtêng hăm tơdrong pơkăp jang.

Lan chih păng rapor