Jăl khei mă I sơnăm 2026, tơring tơ ter đak dơsĭ păih Hơlĕch dêh char Đắk Lắk pơvei jang tŏk lơ, iŏk đei dang 8%, hăm akŏm kơjă pơm tơlĕch jô̆ pơhlom đei dang 1.500 ti hlak jên. Tơdrong jang tĕch mơdro, pơvih pơvăn păng chă tơmang lăng đei tơplih ‘lơ̆ng, sơng dang 150.000–200.000 ‘nu tơmoi, iŏk yua đei hloh 200 ti hlak jên.

Pơma tơ̆ jơ bơ̆jang, Ƀok Đỗ Hữu Huy, Kơdră Anih vei lăng kon pơlei dêh char Đắk Lắk pơma hơdăh, tơring tơ ter đak dơsĭ păih Hơlĕch ‘noh jĭ hơnih hơtŏk tơiung gĭt kăl, vei hơnăp jang tŏk hrĕnh kơ dêh char lơ̆m jăl jang truh. Vă iŏk jang đei yua tơmam, athei tơlĕch ăn ‘noh jĭ athei akŏm hơmet pơ ‘lơ̆ng pơtôch dôm tơdrong tơhlăk tŏk bŏk pơgăn hơtŏk tơiung.