Tổng Bí thư, Kơdră teh đak bơ̆n Tô Lâm pôk bơnê kơ dôm tơdrong hơdrin tih tên, sơnong jang tơnăp păng pơkă chĭnh trĭ đơ̆ng Đảng ƀô̆, jơnŭm pơgơ̆r tơring, khŭl linh păng kon pơlei pơlei tơm HCM; hơdah noh Pơlei tơm hlôi băt hơdah, jang kơjăp kiơ̆ Tơchơ̆t Hop akŏm 14. Gah trong tơlĕch jang lơ̆m khei năr truh, Tổng Bí thư, Kơdră teh đak bơ̆n ră hơdah, pơlei tơm athei băt hơdah tơchơ̆t hơtŏk 2 kơsô̆ hăm sơnong pơkăp trong hơtŏk tơ-iung tôm tơdrong jang mŭk drăm; ưh đei lê̆ jên jang, teh, tơdrong pơkăp jang jing tơhlăk tơhlĭn.

Pơlei tơm kăl pơtoi jang kơjăp vă pơklaih tơhlăk tăk gah khôi luơ̆t, pơkăp asong jang; hơtŏk tenh jên asong jang ăn teh đak. Pơtoi jang hơdah hloh dôm tơchơ̆t jang kăp gĭt kơ Trung ương đơ̆ng tơdrong jang, ưh đei pơdơh ah tơdrong jang mă athei pơjing tơdrong hơtŏk tơ-iung hơdah; tenh kuăng keh đang pơkăp pơlei tơm đei hơnih jang hơdah, hơnih jang kơsô̆ păng dôm tơdrong kăl hloh vă tơroh tơring kơdrơ̆m 'nao, jơk rơgoh, vei sơđơ̆ng tơdrong jang hơdoi vei rơgoh cham char atŭm hăm hơtŏk tơ-iung sơđơ̆ng 'lơ̆ng.