Tổng Bí thư, Kơdră teh đak bơ̆n Tô Lâm pơgơ̆r 'măng hop akŏm Jơnŭm Pơgơ̆r Khŭl linh vei lăng teh đak Vei sơđơ̆ng tơpôl
Thứ tư, 09:06, 29/04/2026
Lan chih tơblơ̆
Lan chih tơblơ̆
VOV.Bahnar – Pơgê năr 28/4, tơ̆ Hà Nội, Tổng bí thư – Kơdră teh đak bơ̆n Tô Lâm, Kơdră tơm khul linh kon pơlei, Kơdră Jơnŭm Pơgơ̆r Khŭl linh vei lăng teh đak păng Vei sơđơ̆ng tơpôl pơgơ̆r 'Măng hop akŏm mă mônh kơ Jơnŭm jang jăl sơnăm 2026–2031.
'Măng hop akŏm hơlen lăng, pơma đam 3 tơdrong tơm đei: Tơroi gah sơkơ̆t pơtôch pơm kiơ̆ Tơchơ̆t pơm jang kơ jăl jang 2021–2026 păng trong tơlĕch ăn jăl jang 'nao; Chih akŏm Tơchơ̆t pơm jang ăn jăl jang 2026–2031; atŭm hăm Chih akŏm Tơdrong jang kơ tôm jăl jang kơ Jơnŭm pơgơ̆r.
Dôm nơ̆r tơgop ah 'măng hop akŏm sơkơ̆t hơdah, tôm tơdrong jang đei jơnei lơ̆m jăl jang hơdrol, atŭm hăm noh tơƀôh hơdah dôm tơdrong oei tơhlăk tơrĕk truh trong jang hơdoi, tơdrong tơroi tơbăt, trong jang hơmet tơdrong kăl, adoi nhen tơdrong 'lơ̆ng chă hơlen băt, tơdrong tơgŭm pơm jang. Jơnŭm jang tơlĕch dôm trong jang hơtŏk 'lơ̆ng lơ̆m pơm jang, vei sơđơ̆ng sek tơlang tơtom, đei jơnei dôm tơdrong đei tơrĕk hăm hơnih jang lơ̆m chăl jang 'nao.
Viết bình luận