Pơma tơ̆ jơ pơm lêh, Kơdră Quốc hội akhan, hăm tơdrong chĕp kơ̆l pơgơ̆r đơ̆ng Đảng, khul công nhân Việt Nam hơnơ̆ng tŏk pran, đei măt lơ̆m rim tơdrong jang, vang tơgop tih tên lơ̆m tơdrong jang hăm kơmăy kơmŏk ‘nao păng mât jang hơdoi hăm apŭng plenh teh.

Khul Công đoàn Việt Nam roi đunh roi tơƀôh hơdăh anih dơ̆ng ‘noh jĭ anih gơnang yoa tôch hơnơ̆ng ăn đoàn viên, bơngai jang, hăm lơ tơdrong jang tôch đei yoa, hua lăng truh tơ̆ tơring. Dôm tơdrong pơjei băl, vei lăng năng tông truh tơdrong arih xa, vei lăng tơdrong đei yoa tôch tơgăl, trŏ khôi luơ̆t đơ̆ng bơngai jang đei tơlĕch jang ‘lơ̆ng, vang tơgop pơjing tơdrong pơvei ‘lơ̆ng hơiă hăm bơngai jang, bơ̆ jang sơđơ̆ng ‘lơ̆ng păng gơ̆h hơgei.