‘Măng mă blŭng đơ̆ng rŏng hloh 50 sơnăm, 92 drŏ kăn găh khŭl kơnong tơ̆ groi teh Thủ Dầu Một vang akŏm
Thứ năm, 06:00, 30/04/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Lơ̆m jơ năr đĭ đăng lơ̆m teh đak yak truh tơbăt 51 sơnăm Năr Rơngei tơring Pơbăh, jơnei teh đak, 1 ‘măng tơƀơ̆p ƀĕnh jơhngơ̆m ƀrơ̆k ‘nao pơgơ̆r tơ̆ phường Thủ Dầu Một, pơlei tơm HCM. ‘Măng mă blŭng, đe drŏ kăn lĭnh găh 5 khŭl kơnong dêh char Thủ Dầu Một chăl iung tơblăh hŭt ayăt Mi hlôi vang akŏm lơ̆m jơ hop akŏm tơƀơ̆p muh măt.
‘Nâu jĭ tơdrong gĭt kăl yua đơ̆ng Kâu lak ƀô̆ Joăt joe iung tơblăh pơlei tơm Hồ Chí Minh jang hơdai pơgơ̆r. 92 ‘nu vang akŏm jơ tơƀơ̆p ‘noh jĭ dôm “pơkao pơsey” truh đơ̆ng dôm anih jang: Tân Uyên, Dầu Tiếng, Bến Cát, Thuận An păng Châu Thành.
Lơ̆m ‘nhui ŭnh tơblăh vang krưp krĕnh, dôm bơngai drŏ kăn ‘nao păh iung kơtă chĕp phao iung tơblăh vă pơm đei dôm jơnei ang hơdăh, tơgop chih đei hơrih kăp gĭt rơngei hơdrĕch hơdrŭng, jơnei teh đak. Dôm bơngai dang ei sŏk đĭ ko, ti đĭ tơtơ̆, mă lei ƀơ̆t tơƀlŏk găh chăl “sa tơ̆ bri ƀĭch tơ̆ hơlŭng”, muh măt bu bu ƀôh kŭm chhôk ‘nă.
Viết bình luận