VOV4.Bahnar - Tơ\ xăh Ia Dom, apu\ng Ia H’Drai, Anih jang đoàn dêh char  Kon Tum pơgơ\r xơkơ\t tơdrong pơjing Pơlei hơdruh tơdăm iung jang tơring xơlam teh Mơ Rai păng pơjao anih jang ăn tơring. Pơlei hơdruh tơdăm iung jang xơlam teh Mơ Rai đei pơjing đơ\ng xơnăm 2008, ako\p kơxo# jên axong jang hloh 92 tih hlak jên. Truh dang ei, tơdrong jang hlôi keh đang dôm tơdrong kăl kơ tơpôl noh: jăl trong năm truh tơring kon pơlei oei xa păng pơm jang, ming man hnam pơgang, hnam bơ\ jang, hnam xo\ng xa atu\m păng tơdrong kăl nai, hnam ho\k hôp, hnam rong hơ ioh, dơnâu đak xo\ nhă ako\m; keh đang dôm tơdrong jang hơlen pơih [ôm min, chôk tơmăn teh pơm jang 18ha; tơplih hơgăt teh pơtăm ‘long bri vă pơtăm kơxu; man 102 to\ hnam oei ăn rim unh hnam hơdruh tơdăm... Pơlei hơdruh tơdăm iung jang hlôi jing anih jang hành chính tơ\ thôn, tơgop xut le# tơring ưh đei bơngai erih xa; che\p vei xơnong jang kơ hơdruh tơdăm lơ\m tơdrong jang hơto\k mu\k drăm păng vei xơđơ\ng xơlam teh.

Lan chih păng rapor