VOV4.Bahnar – Minh lơ\m dôm tơdrong tơm pơjing um ai joh ayo\ kăp g^t kơ kon pơlei tơring Tây Nguyên noh jing joh ayo\ bri. Tơguăt kơjăp hăm rim hnưr erih đơ\ng ‘nao rơneh, bri jing tơdrong erih, jing mu\k drăm pơxư\ đơ\ng cham char ăn kon pơlei đei tơmam xo\ng xa lơ\m tơdrong erih. Pơm thoi yơ vă kon pơlei gơh erih gơnơm đơ\ng bri, đơ\ng noh băt hơdăh tơdrong vei hơlen păng hơto\k bri tơnăp hloh jing tơdrong kăl tơle\ch jang păng kăl đei nơ\r tơl. Trong jang [ôh hơdăh tơ\ dêh char Kon Tum.

Nhen lơ kon pơlei kon kông nai tơ\ d/c Kon Tum, pơlei Kon Riêng, xăh Đak Choong, apu\ng Đak Glei oei ăh tong ane# tăp dăr bri kông. Lơ bơngai kră lơ\m pơlei hơnơ\ng tơroi ăn kon xâu băt, xơ\ noh bri lơ mă rim pơgê iung đơ\ng tep [ôh hloi bri kơtă ăh rôm hnam. Khei năr noh bri axong ăn tơdrong, tơmam xo\ng xa, tơmam drăm kăl ăn erih xa rim kơ năr. Cho\ng mă hlôi đei khei năr kon pơlei tơ\ Kon Riêng hiơt he# bri. Kon pơlei phă bri pơm mir, io\k lơ tơ\r vă bơ\ hnam mă tih xă, đang kơ noh te\ch tơle\ch vă chă lơi. Kiơ\ tơdrong pơyua tơ\ anăp, kon pơlei tơ\ Kon Riêng băt hơdăh minh tơdrong, mưh yă [ok, me\ [ă hơnơ\ng kơ pơm thoi noh, chăl kon xâu gô pă đei anih vă chă erih xa. Yuơ noh jo# đơ\ng khei năr jơnu\m pơgơ\r tơring đang kơ noh Jơnu\m vei hơlen tơring bri Ngọc Linh jang kiơ\ pơkăp klă jên vei hơlen bri, pơjao bri ăn pơlei pơla vei hơlen noh kon pơlei chhôk hơ iă vang jang. ‘Nho\ng A Luân, oei tơ\ Kon Riêng ăn tơbăt: “Rim bơngai băt hơdăh xơnong jang po. Năm hơlen dăr juang hơnơ\ng hli đe chă tơgar phă bri âu to. Lăng atu\m tôm pơlei pơtăl băl năm hơlen, rim khul đei 5 ‘nu dăh mă 6 ‘nu chă juang minh ‘măng. Vă vei hơlen bri tơnăp noh ba ưh kơ gơh phă bri, ưh kơ gơh koh ot ‘long bri. Dang ei pă đei bơngai phă bri bơih. Io\k anih teh bri tơm oei đei đơ\ng xơ\ noh pă đei bu phă bơih”

Nhen kon pơlei tơ\ Kon Riêng, 170 unh hnam Jeh - Triêng tơ\ pơlei Đak Glei, xăh Đăk Choong, apu\ng Đak Glei, lơ\m dôm xơnăm kơ âu hlôi tơpă jang tơnăp tơdrong vei hơlen bri. Nhen le\ pă đei [ôh tơdrong phă bri yơ tơ\ hơgăt bri xă 766ha mă kon pơlei io\k vei hơlen. ‘Nho\ng A Hoàng, kơdră pơlei Đak Glei ăn tơbăt: “Tơ\ pơlei Đak Glei axong hơlen kiơ\ khul. Unh hnam duh đei xơnong vei hơlen bri. ‘Nâu noh tơdrong vei hơlen kơ pơlei pơla, vei lăng atu\m kơ pơlei hloi. Chă năm dăr juang minh khei [ar ‘măng. Đơ\ng ro\ng kơ noh đei jên ba axong tom bơngai lơ\m pơlei adoi đei ngăl”

Hăm xơkơ\t pơjing tơdrong jang lang xă, tơguăt kon pơlei tơ\ tơring đei bri, mă hăt noh tơring ataih yaih, tơring kon pơlei kon kông kiơ\ dôm trong pơkăp klă jên vei hơlen bri, dang ei tơ\ dêh char Kon Tum hlôi đei 175 pơlei pơla, 160 khul unh hnam păng hloh 5.000 unh hnam, tơ ’ngla jang đei pơjao vei hơlen bri xơđơ\ng đunh đai hăm hơgăt xă je# 154.000 ha bri. Đei yua đơ\ng bri, kon pơlei hlôi vei hơlen bri tơnăp hloh. {ok Lâm Quang Huy, Kơdră Anih vei lăng kon pơlei xăh Đak Rơ Ông, apu\ng Tu Mơ Rông ăn tơbăt: ”Lơ\m tơdrong jang vei hơlen bri mă xăh hlôi pơjao ăn rim unh hnam vei hơlen noh vei hơlen kiơ\ unh hnam hloi. Đơ\ng noh hơto\k vei hơlen bri tơnăp hloh. Kon pơlei đei xơnong jang păng kơdih đei yua đơ\ng tơdrong jang vei hơlen bri”

Đơ\ng khei năr dêh char Kon Tum tơle\ch jang kiơ\ pơkăp klă jên vei hơlen bri, atu\m hăm tơdrong mă bri đei vei hơlen tơnăp hloh, tơdrong pơkăp jang âu oei pơih ăn minh trong hiôk pơm jang hăm kon pơlei. ‘Nâu hơbo\ gô jing minh lơ\m dôm nơ\r tơblang ăn tơdrong tơnap tap pơm thoi yơ vă kon pơlei gơh erih gơnơm đơ\ng bri, đơ\ng noh vei hơlen păng hơto\k bri tơnăp hloh.

Lan chih păng rapor