Tơjê̆ kon pơlei, hơdai hăm kon pơlei pơm, sek tơlang hrĕnh rim hla ar ăn kon pơlei ‘nŏh jĭ tơdrong đei ƀôh đơ̆ng kon pơlei mưh năm tơ̆ dôm Anih pơm hla ar tơ̆ dôm xăh, phường ‘nao. Vă tơdrong jang đơ̆ng Khul kơdră pơgơ̆r tơring 2 tăl gơ̆h đei yoa ‘lơ̆ng, Kơdră chĕp kơ̆l Đảng dêh char Lâm Đồng klăih song bơngai jur dăr lăng tơ̆ dôm xăh, phường.

Truh hơlen năng tơ̆ Phường Xuân Trường, ƀok Hồ Văn Mười – Kơdră vei lăng kon pơlei dêh char Lâm Đồng năm ngôi, jet gia pơma nuh, pơlung kon pơlei năm pơm hla ar tơ̆ Anih pơm hla ar ăn tơpôl. Kơdră vei lăng kon pơlei dêh char Lâm Đồng tơtă ăn đe kăn ƀô̆, kơdră chĕp kơ̆l, bơngai jang tơ̆ phường Xuân Trường athei adrin, khŏm jang đang, mât 1 ƀơ̆r đon, tơguăt hơdai, “rôp ti băl mă kơjăp” vă bơ̆ jang đei đon pơhnŏng pơvih ăn kon pơlei, atŏk tơiung tơring păng vang tơgop ăn tơdrong jang tŏk kơ teh đak.