Tơ̆ ‘măng hop akŏm Khŭl kơdră teh đak rim khei găh pơtôch proh hơmet pơlei, kueng kơphô̆ lơ̆m teh đak, Phŏ Kơdră Anih tơm Nội vụ Nguyễn Thị Hà tơbăt, 34/34 dêh char, pơlei tơm găh Trung ương hlôi jang đang tơdrong proh hơmet pơlei, kueng kơphô̆ kiơ̆ ƀlep athei đơ̆ng Anih tơm Chĭnh trĭ păng Khŭl kơdră teh đak. Đơ̆ng rŏng kơ proh hơmet, kơsô̆ pơlei, kueng kơphô̆ lơ̆m teh đak jur đơ̆ng 89.589 jur oei pă 48.078 (jur 41.511 anih jang, hơtŏ tơjur dang 46,33%).

Kiơ̆ kơ Phŏ Kơdră Anih tơm Nội vụ, tơdrong proh hơmet ưh khan lăp pơm tŏ sĕt anih jang mă oei hơtŏk tơdrong vei lăng, kơsô̆ pơlei, kueng kơphô̆ iŏk đei tơdrong hơgăt ‘lơ̆ng kiơ̆ tơdrong hơgăt đei hơtŏk păng hơmet pơ ‘lơ̆ng tơdrong hơnih iĕ, răh rai; hơdai hăm oei vei sơđơ̆ng rim pơlei, kueng kơphô̆ đei tơdrong kăl găh jơhnơr hơrih, joh ayŏ, hơdrĕch hơdrŭng, lui khop, vei sơđơ̆ng teh đak păng hơnih teh.