Hăm 1.700 anih tĕch mơdro ‘nao pơjing đơ̆ng blŭng sơnăm 2026 truh dang ei, lơ̆m dêh char Đắk Lắk dang ei đei 19.575 anih tĕch mơdro kơdih oei jang xa, akŏm đĭ đăng jên đei kĭ pơkăp vă jang xa dang 80 rơbâu ti. Kŭm hăm kơsô̆ anih tĕch mơdro roi tŏk, jên thu mong ăn teh đak tơ̆ dêh char kŭm tŏk ‘lơ̆ng ‘năi.

Kiơ̆ ƀok Nguyễn Anh Tuấn, Kơdră Anih thuê̆ dêh char Đắk Lắk, tơdrong đei dơ̆ng 1.700 anih tĕch mơdro ‘nao đei pơjing hăm lơ tơdrong jang xa tơƀôh hơdăh tơdrong ‘lơ̆ng hăm khul tĕch mơdro păng anih tơmât jên jang tơ̆ tơring. ‘Nâu ưh lăp tơdrong ‘lơ̆ng tôch gĭt kăl vă tưk tơiung tơdrong jang mŭk drăm, tơpôl đĕch mă oei tơgop pơm hơtŏk jên thu mong ăn teh đak, pơjing jơhngâm pran vă jang tŏk mŭk drăm tŏk truh 2 kơsô̆ đơ̆ng dêh char lơ̆m sơnăm 2026 păng dôm sơnăm đơ̆ng rŏng dơ̆ng.