Tơdrong jang đei tơdrong tơgop muh măt đơ̆ng hloh 100 anih mơdro sa Việt Nam păng Liên bang Nga bơ̆jang lơ̆m dôm tơdrong jang ŭnh hơyuh, tĕch mơdro, tơmơ̆t jên jang, chă tơmang lăng, gre păr păng kơmăy kơmŏk. Mĭnh lơ̆m dôm tơdrong hơiă gĭt kăl đơ̆ng tơdrong jang ‘noh jĭ lêh pơjao dôm hla ar kăl jang hơdai đơ̆ng anih mơdro sa 2 teh đak tơ̆ hơnăp tơdrong dơ̆ng lăng đơ̆ng Thủ tướng Lê Minh Hưng păng kơdră chĕp kơ̆l gĭt kăl 2 păh.

Kăl kơ lăng truh ‘noh jĭ dôm tơdrong tơchơ̆t jang hơdai lơ̆m tơdrong jang đak dâu đơ̆ng PetroVietnam păng Zarubezhneft, hơdai hăm roi tơbăt hơdăh lơ hla ar chih tơƀlŏk jang hơdai lơ̆m rim tơdrong jang ŭnh hơyuh, khoa hŏk kơmăy kơmŏk, hơtŏk tơiung anih jang kăl, tơplih kơsô̆, jang pơgang, chă tơmang lăng păng tơmơ̆t jên jang. Dôm hla ar drơ̆ng nơ̆r đei pơjao ăn băl tơ̆ tơdrong jang tơgop pơih să pơvei jang hơdai mŭk drăm đơ̆ng Việt Nam păng Liên bang Nga; pơm ‘lơ̆ng ăn tơdrong tơlĕch jang dôm tơdrong jang hơdăh, hơnhăk ăn đei yua ‘lơ̆ng ăn anih mơdro sa păng mŭk drăm 2 teh đak tơ̆ hơnăp kơnh.