Gia Lai tơlĕch hloh 1.100 ti hlak jên vă pơm trong ƀê tŏng ‘lơ̆ng tơring tơrang
Thứ sáu, 12:59, 19/06/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Anih vei lăng kon pơlei dêh char Gia Lai ‘nao tơlĕch ăn Tơdrong jang trong ƀê tŏng ‘lơ̆ng tơring tơrang jăl jang 2026-2030 hăm akŏm jên jang hloh 1.165 ti hlak jên đơ̆ng jên tơmơ̆t jang păh lăp khei ‘năr vă pơm pơcheh trong nơnăm, pơyua ăn hơtŏk tơiung mŭk drăm - tơpôl tơring tơrang. Akŏm jên tơgŭm bơ̆jang tơdrong jang ‘noh 1.165 ti hlak jên.
Lơ̆m noh, dang 850 ti hlak jên ‘măn ăn pơm trong ƀê tŏng tơring tơrang, uơ oei dơ̆ng ‘noh tơgŭm pơm hơmet, pơih să dôm jăl trong đei hư răm. Dêh char Gia Lai gô tơgŭm pơđĭ jên xi măng chơ truh tơ̆ hơnih jang pơyua ăn man, pơm hơmet, pơih să dôm trong tơring tơrang iŏk đei kơloăi A, B.
Jên uơ oei dơ̆ng yua đơ̆ng dôm tơring kơchăng iok đơ̆ng dôm kon jên trŏ luơ̆t nai hai. Jăl jang 2026-2030, Gia Lai tơlĕch ăn tơdrong hơgăt pơm ƀê tŏng 1.800 km trong nơnăm tơring tơrang păng pơm hơmet ming, pơih să dang 980 km trong tơring tơrang đei hư răm.
Viết bình luận